ދިވެހި ދަރިވަރުން ދިރިއުޅޭ ލަންކާގެ ނެގަމްބޯ ސަރަހައްދުގައި ކާފިއު އިއުލާންކޮށްފި

ގިނަ އަދަދަކަށް ޕައިލެޓިން އަދި އިންޖިނިއަރިން ކިޔަވަން ދިވެހި ދަރިވަރުން ސްރީލަންކާގައި ދިރިއުޅޭ ނެގަމްބޯ ސަރަހައްދުގައި ކާފިއު އިއުލާންކޮށްފިއެވެ.

ލަންކާ ޕޮލިސް މީޑިއާ ސްޕޯކްސްޕާސަން އެސްޕީ ރުވަން ގުނަސެކަރާ ވިދާޅުވި ގޮތުގައި ނެގަމްބޯ ސަރަހައްދަށް ކާފިއު އިއުލާންކޮށްފައިވަނީ މާދަމާ ހެނދުނު 7:00އާ ހަމައަށެވެ.

ލަންކާގެ ނެގަމްބޯ ސަރަހައްދުގައި ކާފިއު އިއުލާންކޮށްފައިވާ އިރު، އެ ސަރަހައްދުގައި ދެ ގްރޫޕެއްގެ ދެމެދުގައި ވަނީ ހަމަނުޖެހުމެއް ހިނގައިފައެވެ.

އެ ހަމަނުޖެހުންތަކުގައި ބައެއް ވެހިކަލްތަކަށް ވެސް ވަނީ ގެއްލުންދީފައެވެ.