ދުނިޔެ

އިސްރާއީލުގައި ޓްރަކަކާއި ބަހެއް ޖެހި އެކަކު މަރުވެ، 30 މީހަކަށް އަނިޔާވެއްޖެ

މުހައްމަދު އައުޒަމް

1

އިސްރާއީލުގައި ޓްރަކަކާއި ބަހެއް ޖެހި އެކަކު މަރުވެ، 30 މީހަކަށް އަނިޔާވެއްޖެއެވެ.

އިސްރާއީލުގެ ވެރިރަށް ތެލްއަވީވްގައި ހުންނަ މިލިޓަރީ ބޭސްއެއް ކައިރީގައި ހިނގި އެ ހާދިސާގައި ބާރަށް ދުއްވާފައި ދިޔަ ޓްރަކެއް ވަނީ ބަސް ހުއްޓިއެއްގައި އޮތް ބަހަކަށް މުޑިއަރާފައެވެ.

އެކްސިޑެންޓު ހިނގުމާއެކު އެތައް ބަޔަކު ވަނީ ޓްރަކް ދަށުގައި ތާށިވެފައި ކަމަށާއި އެމީހުންގެ ތެރެއިން ގިނަ ބަޔަކަށް ބޮޑެތި އަނިޔާތަކެއް ވެފައިވާ ކަމަށް އޮފިޝަލުން ބުނެއެވެ.

ރިޕޯޓުތައް ބުނާގޮތުން ބަސްދުއްވި އިސްރާއީލަށް ނިސްބަތްވާ މީހާއަށް އެ ސަރަހައްދުގައި ތިބި އާންމުންގެ ތެރެއިން މީހަކު ބަޑިން ހަމަލާދީ ވަނީ މަރާލައިފައެވެ.

މެދުއިރުމަތީގައި ހަމަނުޖެހުން އިތުރުވެ، އިސްރާއީލުން އަރަބި ގައުމުތަކާ ދެމެދު ހަނގުރާމަ ކުރަމުންދާ އިރު، އިސްރާއީލުގައި ހިނގި އެ އެކްސިޑެންޓާއި އެ ހަނގުރާމަތަކާ އެއްވެސް ގުޅުމެއް އޮތް ކަމަށް ނުބެލެވޭ ކަމަށް ރިޕޯޓުތައް ބުނެއެވެ.

ކޮމެންޓްސް އެބަހުރި، ކިޔާލަން ބޭނުންތަ؟