ޔޫރޯ 2024 ލައިވް: ފްރާންސް 1-0 ބެލްޖިއަމް (ދެވަނަ ހާފް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-0 ގެ ނަތީޖާއަކުން ފްރާންސް ކުރީގައި އޮވެގެން، ފްރާންސް ކުއާޓާ ފައިނަލަށް.

'88 - ބެލްޖިއަމުން ދެ ބަދަލެއް. ކަރަސްކޯ އަދި ކަސްޓަންޔޭގެ ބަދަލުގައި ކުޅެން ނުކުތީ ޑޯޑީ ލުކެބަކިއޯ އަދި ޗާލްސް ޑި ކަޓަލެއާ.

'85 - ފްރާންސުން ގޯލެއް ޖަހައި ލީޑު ހޯދައިފި. އެ ގޯލަކީ ބެލްޖިއަމް ޑިފެންޑަރު ޔާން ވާޓޮންގެން އަތުން ބައިކޮޅަށް ވަން ގޯލެއް. އޭނާ އަތުން އެ ގޯލު ބައިކޮޅަށް ވަދެފައިވަނީ އެންގޯލޯ ކަންޓޭ ދިން ބޯޅައަކުން ޕެނަލްޓީ އޭރިއާ ތެރެއިން ފްރާންސް ފޯވަޑް ރަންޑަލް ކޯލޯ މުއާނީ ފޮނުވާލި ހަމަލާ ދިފާއުކުރަން އުޅުމުގެ ތެރޭގައި.

'83 - ބެލްޖިއަމްގެ ނުރައްކާތެރި ހަމަލާއެއް. ޖެރެމީ ޑޯކޫ ދިން ބޯޅައަކުން ޕެނަލްޓީ އޭރިއާ ބޭރުން ކެޕްޓަން ކެވިން ޑި ބްރޭނާ ފޮނުވާލި ހަމަލާ، ފްރާންސް ކީޕަރު މައިގްނަން ވަނީ މަތަކޮށްފައި.

'78 - ފްރާންސްގެ އިތުރު ނުރައްކަލެއް. ޖޫލްސް ކޫންޑޭ ދިން ބޯޅައަކުން ޕެނަލްޓީ އޭރިއާ ތެރެއިން ކެޕްޓަން ކިލިއަން އެމްބާޕޭ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

ބެލްޖިއަމް ކޯޗު ޑޮމެނިކޯ ޓެޑެސްކޯއަށް ވެސް ރީނދޫ ކާޑެއް.

'76 - ރަންޑަލް ކޯލޯ މުއާނީއަށް ކުރިއަށް ފައުލަކާ ގުޅިގެން ބެލްޖިއަމް ޑިފެންޑަރު ޔާން ވާޓޮންގެންއަށް ރީނދޫ ކާޑެއް.

'74 - ފްރާންސްގެ ނުރައްކަލެއް. ޖެރެމީ ޑޯކޫ ކައިރިން ނައްޓާލުމަށްފަހު، ޕެނަލްޓީ އޭރިއާ ތެރެއިން ފްރާންސް ޑިފެންޑަރު ވިލިއަމް ސަލީބާ ފޮނުވާލި ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑިކައިރިން ބޭރަށް.

'70 - ބެލްޖިއަމްގެ ނުރައްކަލެއް. އޮރެލް މަންގަލާ ދިން ބޯޅައަކުން ޕެނަލްޓީ އޭރިއާ ތެރެއިން ރޮމެލޫ ލުކާކޫ ފޮނުވާލި ހަމަލާ، ފްރާންސް ކީޕަރު މައިކް މައިގްނަން ވަނީ މަތަކޮށްފައި.

'69 - ފްރާންސްގެ އިތުރު ހަމަލާއެއް. އެންޓޮއިން ގްރީޒްމަން ދިން ބޯޅައަކުން ޕެނަލްޓީ އޭރިއާ ބޭރުން އޯރެލިއެން ޗުއަމެނީ ފޮނުވާލި ހަމަލާ ވެސް ބެލްޖިއަމްގެ ގޯލާ އަމާޒުވެފައެއް ނުވޭ.

'65 - ފްރާންސްގެ ހަމަލާއެއް. ޕެނަލްޓީ އޭރިއާ ބޭރުން އެންޓޮއިން ގްރީޒްމަން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'63 - ބެލްޖިއަމުން ވެސް ބަދަލެއް. އިކޯމާ ލޮއިސް އޮޕެންޑާގެ ބަދަލުގައި ކުޅެން ނުކުތީ އޮރެލް މަންގާލާ.

62 - ފްރާންސުން ބަދަލެއް. މާކަސް ތުރާމްގެ ބަދަލުގައި ކުޅެން ނުކުތީ ރަންޑަލް ކޯލޯ މުއާނީ.

'61 - ބެލްޖިއަމަށް ރަނގަޅު ފުރުސަތެއް. ކެޕްޓަން ކެވިން ޑި ބްރޭނާ ދިން ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ޔަނިކް ކަރަސްކޯ ފޮނުވާލި ހަމަލާ، ފްރާންސް ޑިފެންޑަރު ތެއޯ ހެނާންޑޭޒް ވަނީ ހުޝިޔާރުކަމާއެކު ދިފާއުކޮށްފައި.

'54 - އަނެއްކާވެސް ފްރާންސްގެ ނުރައްކަލެއް. ޕެނަލްޓީ އޭރިއާ ބޭރުން ކެޕްޓަން ކިލިއަން އެމްބާޕޭ ފޮނުވާލި ހަމަލާ ވެސް ދިޔައީ ބެލްޖިއަމް ގޯލުގެ ހުރަސް ދަނޑިމަތިން ބޭރަށް.

'51 - ފްރާންސްގެ އިތުރު ނުރައްކަލެއް. ޖޫލްސް ކޫންޑޭ ނަގައިދިން ހުރަހަކުން ޕެނަލްޓީ އޭރިއާ ހުރެ، މާކަސް ތުރާމް ބޮލުން ފޮނުވާލި ހަމަލާ ދިޔައީ ބެލްޖިއަމް ގޯލުގެ ހުރަސް ދަނޑިމަތިން ބޭރަށް.

'49 - ފްރާންސްގެ ނުރައްކަލެއް. އެންގޯލޯ ކަންޓޭ ދިން ބޯޅައަކުން ޕެނަލްޓީ އޭރިއާ އޯރެލިއެން ޗުއަމެނީ ފޮނުވާލި ހަމަލާ، ގޯލުގެ ތިރީ ކަނަކަށް އަމާޒުވާން ދަނިކޮށް، ބެލްޖިއަމް ކީޕަރު ކޮއޭން ކަސްޓީލްސް ވަނީ ހުޝިޔާރުކަމާއެކު މަތަކޮށްފައި.

ދެވަނަ ހާފުގެ ކުޅުން ފެށީ ބެލްޖިއަމުން.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ގޯލެއް ނުޖެހި އެއްވަރުވެގެން.

'45+1 - ފްރާންސަށް ފުރުސަތެއް. ކިލިއަން އެމްބާޕޭ ދިން ބޯޅައަކުން ޕެނަލްޓީ އޭރިއާ ތެރެއިން އޯރެލިއެން ޗުއަމެނީ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'39 - ފްރާންސްގެ ހަމަލާއެއް. އެންޓޮއިން ގްރީޒްމަން ދިން ބޯޅައަކުން، އޯރެލިއެން ޗުއަމެނީ ދުރުން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'34 - ފްރާންސްގެ ނުރައްކާތެރި ހަމަލާއެއް. ޖޫލްސް ކޫންޑޭ ނަގައިދިން ރީތި ހުރަހަކުން ޕެނަލްޓީ އޭރިއާ ތެރޭ ހުރެ، މާކަސް ތުރާމް ބޮލުން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'27 - ބެލްޖިއަމްގެ ނުރައްކަލެއް. ރީތި ކުޅުމަކަށްފަހު ޕެނަލްޓީ އޭރިއާ ތެރެއިން ލިބުނު ބޯޅައަކުން ޔަނިކް ކަރަސްކޯ ފޮނުވާލި ހަމަލާ، ފްރާންސް ޑިފެންޑަރު ތެއޯ ހެނާންޑޭޒް ވަނީ ބްލޮކްކޮށްފައި.

'25 - ޖެރެމީ ޑޯކޫއަށް ކުރި ފައުލަކާ ގުޅިގެން ފްރާންސްގެ އެޑްރިއެން ރަބިއޯއަށް ރީނދޫ ކާޑެއް. ކުއާޓާ ފައިނަލަށް ފްރާންސް ދަތުރުކޮށްފި ނަމަ، ދެ ކާޑު ހަމަވުމުން ރަބިއޯއަށް އެ މެޗު ގެއްލޭނެ.

'24 - ބެލްޖިއަމްގެ ހިލޭ ޖެހުން ނުރައްކާ. ކެޕްޓަން ކެވިން ޑި ބްރޭނާ ފޮނުވާލި ހިލޭ ޖެހުން، ފްރާންސްގެ ކީޕަރު މައިކް މައިގްނަންއާ ދިމާއަށް ދިޔަ ނަމަވެސް، އޭނާ އެ ބޯޅަ މަތަކުރީ އުނދަގުލަކާއެކު.

'23 - ޖެރެމީ ޑޯކޫއަށް ކުރި ފައުލަކާ ގުޅިގެން ފްރާންސްގެ އެންޓޮއިން ގްރީޒްމަންއަށް ރީނދޫ ކާޑެއް.

'18 - ފްރާންސްގެ ހަމަލާއެއް. އެންޓޮއިން ގްރީޒްމަން ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، މާކަސް ތުރާމް ބޮލުން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'15 - ރެފްރީއަށް ޝަކުވާކުރުމާ ގުޅިގެން ފްރާންސް މިޑްފީލްޑަރު އޯރެލިއެން ޗުއަމެނީއަށް ރީނދޫ ކާޑެއް.

'14 - ފްރާންސްގެ ނުރައްކަލެއް. ތެއޯ ހެނާންޑޭޒް ދިން ބޯޅައަކުން ޕެނަލްޓީ އޭރިއާ ތެރެއިން ކެޕްޓަން ކިލިއަން އެމްބާޕޭ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެެއް ނުވޭ.

'12 - ފްރާންސްގެ ނުރައްކަލެއް. ޕެނަލްޓީ އޭރިއާ ތެރެއަށް ޖޫލްސް ކޫންޑޭ ހުސްކޮށް ހުރެ ވަން ނަމަވެސް، އޭނާ ދިން ބޯޅަ ފްރާންސްގެ އިތުރު ކުޅުންތެރިޔަކަށް ލިބޭ ގޮތެއް ނުވި.

'9 - ފްރާންސްގެ ހަމަލާއެއް. ޕެނަލްޓީ އޭރިއާ ބޭރުން އެންޓޮއިން ގްރީޒްމަން ފޮނުވާލި ހަމަލާގައި ބާރެއް ނެތް، ބެލްޖިއަމްގެ ކީޕަރު ކޮއޭން ކަސްޓީލްސް ވަނީ ފަސޭހަކަމާއެކު އެ ބޯޅަ ހޯދާފައި.

މެޗުގެ ފުރަތަމަ ފަސް މިނެޓުގެ ތެރޭ، ދެ ޓީމަށް ވެސް ގޯލު ޖަހާނެ ރަނގަޅު ފުރުސަތެއް ތަނަވަސްކުރެވިފައެއް ނުވޭ. ފްރާންސުން ބޮޑަށް އެޓޭކުގައި މަސައްކަތްކުރާ އިރު، ބެލްޖިއަމުން ކުޅެނީ ވަރަށް ބޮޑަށް ޑިފެންސަށް އިސްކަން ދީގެން.

މެޗުގެ ކުޅުން ފަށައިފި. ކިކްއޯފް ކުރީ ފްރާންސުން.

ބެލްޖިއަމުން ތަޖުރިބާކާރު މިޑްފީލްޑަރު ޔެނިކް ކަރަސްކޯއަށް ފުރުސަތު ދީފައިވާ އިރު، ރޮމެލޫ ލުކާކޫއާއެކު އެންމެ ކުރިން ފެންނާނީ އިކޯމާ ލޮއިސް އޮޕެންޑާ. މި މެޗުގެ ފުރަތަމަ 11 އިން ޔޫރީ ޓިއެލެމަންސް އަދި ލިއާންޑްރޯ ޓްރޮސާޑަށް ފުރުސަތު ދީފައެއް ނުވޭ.

މި މެޗަށް ދެ ޓީމުން ވެސް ނުކުންނަނީ ބަދަލުތަކަކާއެކު. އެގޮތުން ފްރާންސުން ވަނީ އަލުން އެންޓޮއިން ގްރީޒްމަންއަށް ފުރުސަތު ދީފައި. ނަމަވެސް އޮސްމާން ޑެމްބެލޭ މި މެޗު ފަށަނީ ބެންޗުން.

ބެލްޖިއަމްގެ ފުރަތަމަ 11:

ފްރާންސްގެ ފުރަތަމަ 11: