ޔޫރޯ 2024 ލައިވް: ސްޕެއިން 4-1 ޖޯޖިއާ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 4-1 ގެ ނަތީޖާއަކުން ސްޕެއިން ކުރީގައި އޮވެގެން. ސްޕެއިން ކުއާޓާއަށް.

ދެވަނަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.

'83 - ސްޕެއިނުން އިތުރު ގޯލެއް ޖަހައި ތިން ގޯލުގެ ލީޑެއް ހޯދައިފި. ޕެނަލްޓީ އޭރިއާ ތެރެއިން ޖޯޖިއާ ގޯލުގެ ތިރީ ކަނަކަށް ބޯޅަ އަމާޒުކޮށްލައިގެން ސްޕެއިނަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ޑެނީ އޮލްމޯ.

'80 - ސްޕެއިނަށް އިތުރު ފުރުސަތެއް. ޑެނީ އޮލްމޯ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ، ޔަމާލް ފޮނުވާލި ހަމަލާ، ޖޯޖިއާ ކީޕަރު މަމާޑަޝްވިލީ ވަނީ މަތަކޮށްފައި.

'79 - ޖޯޖިއާ އިން ބަދަލެއް. ޖޯގެސް މިކައުޓަޑްޒޭ އާއި ގިއޯގޯ ވެލެސިއާނީގެ ބަދަލުގައި ކުޅެން ނުކުތީ ނިކާ ކުވެކްވެސްކިރީ އަދި ބުޑޫ ޒިވްޒިވަޑްޒޭ.

'77 - ސްޕެއިނަށް ފުރުސަތެއް. ނިކޯ ވިލިއަމްސް ދިން ބޯޅައަކުން ޕެނަލްޓީ އޭރިއާ ތެރެއިން ޑެނީ އޮލްމޯ ފޮނުވާލި ހަމަލާގައި ބާރެއް ނެތް، ޖޯޖިއާ ކީޕަރު މަމާޑަޝްވިލީ ވަނީ ފަސޭހަކަމާއެކު އެ ބޯޅަ ހޯދާފައި.

'75 - ސްޕެއިނުން އިތުރު ގޯލެއް ޖަހައި ލީޑު ފުޅާކޮށްފި. ކައުންޓާ އެޓޭކެއްގައި ފަބިއަން ރުއިޒް ދިން ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ފޮނުވާލި ހަމަލާއަކުން ސްޕެއިނަށް އެ ގޯލު ކާމިޔާބުކޮށްދިނީ ނިކޯ ވިލިއަމްސް.

'71 - ޑެނީ އޮލްމޯއަށް ކުރި ފައުލަކާ ގުޅިގެން ޖޯޖިއާގެ ޒުރިކޯ ޑަވިޓަޝްވިލީއަށް ރީނދޫ ކާޑެއް.

'68 - ޖޯޖިއާއަށް ފުރުސަތެއް. ކުވިޗާ ކުވަރަޓްސްކޭލިއާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ، ހިއޮރީ ޓިސިޓައިޝްވިލީ ފޮނުވާލި ހަމަލާ، ސްޕެއިންގެ ގޯލާ އަމާޒުވެފައެއް ނުވޭ.

'66 - ސްޕެއިނުން ދެ ބަދަލެއް. ކެޕްޓަން މޮރާޓާ އާއި ކުކުރެއާގެ ބަދަލުގައި ކުޅެން ނުކުތީ އަލެހަންޑްރޯ ގްރިމާލްޑޯ އަދި މިކެލް އޮޔާޒަބަލް.

'64 - ޖޯޖިއާ އިން ދެ ބަދަލެއް. ގިއޯގީ ޗަކްވެޓަޑްޒޭ އާއި ލޫކާ ލޮޗޮޝްވިލީގެ ބަދަލުގައި ކުޅެން ނުކުތީ ޒުރިކޯ ޑަވިޓަޝްވިލީ އަދި ހިއޮރީ ޓިސިޓައިޝްވިލީ.

'63 - ސްޕެއިނަށް ފުރުސަތެއް. ޖޯޖިއާގެ ޑިފެންސަށް ހެދުނު ގޯހެއްގެ ފައިދާ ނަގައި، ޕެނަލްޓީ އޭރިއާ ތެރެއިން ޔަމާލް ފޮނުވާލި ހަމަލާ، ޖޯޖިއާގެ ގޯލާ އަމާޒުވެފައެއް ނުވޭ.

'55 - ސްޕެއިންގެ ހަމަލާއެއް. ޕެނަލްޓީ އޭރިއާ ބޭރުން ކެޕްޓަން އަލްވާރޯ މޮރާޓާ ފޮނުވާލި ހަމަލާ، ޖޯޖިއާގެ ގޯލާ އަމާޒުވެފައެއް ނުވޭ.

'53 - ސްޕެއިންގެ ނުރައްކަލެއް. ޑެނީ އޮލްމޯ ދިން ބޯޅައަކުން ޕެނަލްޓީ އޭރިއާ ބޭރުން ޔަމާލް ފޮނުވާލި ހަމަލާ ދިޔައީ ޖޯޖިއާ ގޯލުގެ އަރިމަތީ ދަނޑިކައިރިން ބޭރަށް.

'52 - ސްޕެއިނުން ބަދަލެއް. ޕެޑްރީގެ ބަދަލުގައި ކުޅެން ނުކުތީ ޑެނީ އޮލްމޯ.

'51 - ސްޕެއިނުން އިތުރު ގޯލެއް ޖަހައި ލީޑު ހޯދައިފި. ލަމީން ޔަމާލް ނަގައިދިން ރީތި ހުރަހަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ބޮލުން ފޮނުވާލި ހަމަލާއަކުން ސްޕެއިނަށް އެ ގޯލު ކާމިޔާބުކޮށްދިނީ ފަބިއަން ރުއިޒް. މިއީ މި މުބާރާތުގައި އޭނާ ޖެހި ދެވަނަ ގޯލު.

'51 - ސްޕެއިންގެ ނުރައްކާތެރި ހިލޭ ޖެހުމެއް. ލަމީން ޔަމާލް ފޮނުވާލި ހިލޭ ޖެހުން، ޖޯޖިއާ ކީޕަރު މަމާޑަޝްވިލީ ވަނީ ހުޝިޔާރުކަމާއެކު މަތަކޮށްފައި.

'48 - ޖޯޖިއާގެ ނުރައްކާތެރި ހަމަލާއެއް. ސްޕެއިން ކީޕަރު އުނައި ސިމޮން ކުރިއަށް ނުކުމެ ހުރުމުން ކައުންޓާ އެޓޭކެއްގައި، ކުވިޗާ ކުވަރަޓްސްކޭލިއާ މެދު ރޮނގުން ފޮނުވާލި ހަމަލާ ދިޔައީ ސްޕެއިން ގޯލުގެ އަރިމަތީ ދަނޑިކައިރިން ބޭރަށް.

'46 - ސްޕެއިންގެ ހަމަލާއެއް. އަލްވާރޯ މޮރާޓާ ދިން ބޯޅައަކުން ޕެނަލްޓީ އޭރިއާ ބޭރުން ފަބިއަން ރުއިޒް ފޮނުވާލި ހަމަލާ، ޖޯޖިއާގެ ގޯލާ އަމާޒުވެފައެއް ނުވޭ.

ދެވަނަ ހާފުގެ ކުޅުން ފެށީ ޖޯޖިއާ އިން.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

'44 - ލޫކާ ލޮޗޮޝްވިލީއަށް ކުރި ފައުލަކާ ގުޅިގެން ސްޕެއިން ކެޕްޓަން އަލްވާރޯ މޮރާޓާއަށް ރީނދޫ ކާޑެއް.

'41 - ޖޯޖިއާ އިން ބަދަލެއް. އަނިޔާއަކާ ގުޅިގެން އޮޓާ ކިޓެއިޝްވިލީގެ ބަދަލުގައި ކުޅެން ނުކުތީ ސެންޑްރޯ އަލްޓުނަޝްވިލީ.

'39 - ސްޕެއިނުން ނަތީޖާ ހަމަހަމަކޮށްފި. ނިކޯ ވިލިއަމްސް ދިން ބޯޅައަކުން ޕެނަލްޓީ އޭރިއާ ބޭރުން ފޮނުވާލި ހަމަލާއަކުން ސްޕެއިނަށް އެ ގޯލު ކާމިޔާބުކޮށްދިނީ ރޮޑްރީ. އޭނާ ބޯޅަ އަމާޒުކޮށްލީ ޖޯޖިއާ ގޯލުގެ ތިރީ ކަނަކަށް.

'35 - ސްޕެއިންގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން މާކް ކުކުރެއާ ފޮނުވާލި ބާރު ހަމަލާ، ގޯލު ތިރީ ކަނަކަށް އަމާޒުވާން ދަނިކޮށް، ޖޯޖިއާގެ ކީޕަރު މަމާޑަޝްވިލީ ވަނީ މަތަކޮށްފައި.

'33 - ޖޯޖިއާ އިން ވަރުގަދަ ޑިފެންސެއް ކުރަމުންދާ އިރު، ކައުންޓާ އެޓޭކުތަކުގައި ސްޕެއިންގެ ގޯލަށް ނުރައްކާކުރުމަށް ދަނީ މަސައްކަތްކުރަމުން.

'26 - ސްޕެއިންގެ ހަމަލާއެއް. ޕެނަލްޓީ އޭރިއާ ބޭރުން ރޮޑްރީ ފޮނުވާލި ބާރު ހަމަލާ، ޖޯޖިއާ ކެޕްޓަން ގުރަމް ކާޝިއާ ވަނީ ބްލޮކްކޮށްފައި.

'22 - ސްޕެއިންގެ ނުރައްކަލެއް. ރޮޑްރީ ދިން ބޯޅައަކުން ޕެނަލްޓީ އޭރިއާ ތެރެއިން ފަބިއަން ރުއިޒް ފޮނުވާލި ހަމަލާ، ޖޯޖިއާ ކީޕަރު މަމާޑަޝްވިލީ ވަނީ މަތަކޮށްފައި.

'17 - ޖޯޖިއާ އިން ގޯލެއް ޖަހައި ލީޑު ހޯދައިފި. އެ ގޯލަކީ ސްޕެއިން ޑިފެންޑަރު ރޮބިން ލެ ނޯމަންޑް އަތުން ބައިކޮޅަށް ވަން ގޯލެއް. އޭނާ އަތުން އެ ގޯލު ބައިކޮޅަށް ވަދެފައިވަނީ ޖޯޖިއާގެ އޮޓާ ކަކަބަޑްޒޭ ނަގައިދިން ހުރަސް ދިފާއުކުރަން އުޅުމުގެ ތެރޭގައި.

'16 - ސްޕެއިނަށް އިތުރު ފުރުސަތެއް. ލަމީން ޔަމާލް ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، އައިމެރިކް ލަޕޯޓް ބޮލުން ފޮނުވާލި ހަމަލާ ދިޔައީ ޖޯޖިއާ ގޯލުގެ އަރިމަތީ ދަނޑިކައިރިން ބޭރަށް.

'13 - ޕެނަލްޓީ އޭރިއާ ތެރެއިން ނިކޯ ވިލިއަމްސް ފޮނުވާލި އިތުރު ހަމަލާއެއް ޖޯޖިއާގެ ޑިފެންސުން ބްލޮކްކޮށްފި.

'11 - ސްޕެއިންގެ ހަމަލާއެއް. ޕެނަލްޓީ އޭރިއާ ބޭރުން ނިކޯ ވިލިއަމްސް ފޮނުވާލި ހަމަލާ، ޖޯޖިއާގެ ޑިފެންސުން ވަނީ ބްލޮކްކޮށްފައި.

'10 - ސްޕެއިނަށް ފުރުސަތެއް. ނިކޯ ވިލިއަމްސް ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ޑެނިއެލް ކާވަހާލް ބޮލުން ފޮނުވާލި ހަމަލާ ވެސް ޖޯޖިއާ ކީޕަރު މަމާޑަޝްވިލީ ވަނީ މަތަކޮށްފައި.

'5 - ސްޕެއިނުން ކުޅެމުންދަނީ އެޓީމުގެ ރަސްމީ ކުޅުން، ގިނަ ވަގުތު ބޯޅަ ހިފަހައްޓައިގެން އެޓީމުން ކުޅެނީ ވަރަށް އެޓޭކިން ކުޅުމެއް.

'4 - ސްޕެއިންގެ ނުރައްކަލެއް. ޑެނިއެލް ކާވަހާލް ދިން ބޯޅައަކުން ޕެނަލްޓީ އޭރިއާ ތެރެއިން ޕެޑްރީ ފޮނުވާލި ހަމަލާ، ޖޯޖިއާގެ ކީޕަރު ގިއޯގީ މަމާޑަޝްވިލީ ވަނީ މަތަކޮށްފައި.

މެޗުގެ ކުޅުން ފަށައިފި.

ޖޯޖިއާގެ ފުރަތަމަ 11:

ސްޕެއިންގެ ފުރަތަމަ 11: