ޔޫރޯ 2024 ލައިވް: ޗެކު ރިބަޕްލިކް 1-2 ތުރުކީ (ފުލްޓައިމް)

މެޗުގެ އުސްއަލިތައް

މެޗު ނިންމާލައިފި. ނިންމާލި ފަހުން ކޮންމެވަރެއްގެ ހަމަނުޖެހުމެއް ހިނގި. އެ ހަމަ ނުޖެހުންތަކުގެ ތެރޭގައި ޗެކުގެ ތޯމަސް ޗޯރީއަށް ރަތް ކާޑު ދެއްކި.

90+3' - ތުރުކީން އިތުރު ގޯލެއް ޖަހައި ލީޑު ނަގައިފި. އެ ގޯލު ޖެހީ ބަދަލަކަށް އެރި ސެންކް ޓޮސުންނެވެ. އޭނާ އޭރިއާ ތެރެއަށް ވަދެ ބޯޅަ ވައްދާލީ ސީދާ ގޯލުގެ ކަނަށް.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'90 - އަނެއްކާވެސް ކާޑެއް. ޗެކުގެ ކްރެސެޗަށް ކާޑު ދެއްކީ އޭނާ ބަރޯސްއަށް ކުރި ފައުލަކަށް.

'88 - ތުރުކީގެ ބަދަލެއް. ގޯލު ޖެހި ޗަލަނޮގްލޫގެ ބަދަލުގައި ކުޅެން އެރީ އޮރްކުން ކޮކްސޫ.

87' ތުރުކީގެ ހަމަލާއެއް. އޮކޭ ޔޮކުސްލޫ ދުރުން ފޮނުވާލި ހަމަލާ ދިޔައީ ގޯލާ އަމާޒުނުވެ ބޭރަށް.

'85 - ތުރުކީގެ ސަމެޓް އަކޭޑިންއަށްވެސް ރީނދޫ ކާޑު. އޭނާއަށް ކާޑު ދެއްކީ ފައުލަކަށް.

'85 - ބެންޗުގައި ތިބި ޗެކުގެ ދެ ކުޅުންތެރިންނަށް ކާޑު ދައްކައިފި. ރެފްރީއަށް ޝަކުވާ ކުރުމުން ކާޑު ދެއްކީ ލޫކަސް ސާވާއި ވިޓޭޒްސްލާވް ޖަރޯސްއަށް.

'81 - ޗެކުގެ ދެ ބަދަލެއް. ޑޭވިޑް ޖުރަސެކާއި ޕްރޮވޯޑްގެ ބަދަލުގައި ކުޅެން ނުކުތީ އޮންޑްރެޖް ލިންގާއާއި މަޓޭޖް ޖުރަސެކް. ތުރުކީން އިރުކޮޅެއް ކުރިން ދެ ބަދަލެއް ކުރި. ގޫލާއާއި ޔިލްޑީޒް ފޭބި އިރު، ކުޅެން ނުކުތީ ކަރޭމް އަކްތުރްކޮގްލޫއާއި ސެންކް ޓޮސުން.

'78 - ޗެކުން ހަމަލާއެއް އުފައްދަން ކުރިއަށް ޖެހި ދަނީ މަސައްކަތް ކުރަމުން. ޖުރަސިޗްގެ ދެ ބޯޅައެއްވެސް ތުރުކީ ޑިފެންސުން ވަނީ ސާފު ކޮށްލާފައި. މިވަގުތު ކުރިއަށް ޖެހި ކުޅެމުންދަނީ ޗެކުން.

ސޯޗެކް ގޯލު ޖެހީ، އޭރިއާ ތެރެއަށް ދިޔަ ބޯޅަ ހިފަން އުޅުމުގެ ތެރޭގައި ތުރުކީ ކީޕަރު ގުނޯކް އަތުން ބޯޅަ ވެއްޓުމުން ރީބައުންސްގައި. ކީޕަރަށް ޗެކުގެ ޗޯރީ ފައުލް ކުރިތޯ ވީއޭއާރް އެހީގައި ބެލި.

'66 - ޗެކުން ގޯލު ޖަހައި މެޗުގެ ނަތީޖާ ހަމަހަމަ ކޮށްފި. ގޯލު ޖެހީ ތޯމަސް ސޯޗެކް.

'65 - ތުރުކީގެ ނުރައްކަލެއް. ހުރަސް ވެގެން ދިޔަ ބޯޅައިގައި ގޫލާ އަށް ރަނގަޅަށް ބޯޅައިގައި ލައްވާލާ ގޮތެއް ނުވި.

ގޯލު ވަނުމުގެ ކުރިން ތުރުކީ ކުޅުންތެރިޔާ ޖެހި ބޯޅަ މަތަކުރަން އުޅުމުގެ ތެރޭގައި ކީޕަރު ޖިންޑްރިޗް ސްޓަނެކް އަނިޔާވެ، އޭނާގެ ބަދަލުގައި މަޓޭޖް ކޮވާރް ވަނީ ކުޅެން ނެރެފައި.

'51 - ތުރުކީން ގޯލު ޖަހައި ލީޑު ނަގައިފި. އެ ގޯލު ޖެހީ ހަކާން ޗަލަނޮގްލޫ. އޭރިއާ ތެރެއިން ލިބުނު ބޯޅު ބާރަށް ފޮނުވާލާ އޭނާ ގޯލަށް ވައްދާލީ ހިތްގައިމުކޮށް.

ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި.

ފުރަތަމަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.

'45 - ޗެކުން ކައުންޓާގައި ނުރައްކާ ކޮށްފި. ފަހަތުން އަވަަސް ޕާސްތަކެއް ޖަހައި ތަނަވަސްކުރި ފުރުސަތުގައި އޭރިއާ ތެރެއަށް ދުއްވާލި ބޯޅައަށް އަރައި މުޅިން ހުސްކޮށް އޮވެ، ޖުރަސެކް ފޮނުވާލި ބޯޅައަށް އަރައި ގުނޯކް ވަނީ ރަނގަޅު ސޭވެއް ކޮށްފައި.

'43 - ތުރުކީގެ ދުރު ހަމަލާއެއް. ދުރުން ހަކާން ޗަލަނޮގްލޫ ފޮނުވާލި ބޯޅަ މާ ބޮޑަށް މިސްރާބު ކަސިޔާރުވެ، ދިޔައީ މަތިން ބޭރަށް.

'37 - ކެނާން ޔިލްޑީޒްއަށްވެސް ރީނދޫ ކާޑު. އޭނާއަށް ކާޑު ދެއްކީ ޗެކު އޭރިއާ ތެރެއިން ކުރި ފައުލަކަށް.

'34 - މެޗު ފެންނަނީ ފިޒިކަލް މެޗެއްގެ ގޮތުގައި. ތުރުކީ ކުޅުންތެރިޔަކު ކުރި ފައުލަކަށް ކާޑު ނުދެއްކުމުން ބެންޗުގައި އިނދެ ޝަކުވާ ކުރުމުން ޕެޓްރިކް ޝިކަށް ރީނދޫ ކާޑު ދައްކައިފި. ޝިކް މިރޭ ނުފެށީ އަނިޔާގައި ހުރުމުން. އޭނާ ވަނީ ޗެކުން އެންމެފަހުން ކުޅުނު މެޗުގައިވެސް ގޯލު ޖަހައިފަ.

'31 - ތުރުކީގެ ސާލިހް އޮޒްކާނަށް ރީނދޫ ކާޑު ދައްކައިފި.

'27 - ތުރުކީގެ ދެ ހަމަލާއެއް. ކެނާން ޔިލްޑީޒް އަރިމަތިން ފޮނުވާލި ހަމަލާގެ އިތުރުން އޭރިއާ ތެރެއިން ގޫލާ ފޮނުވާލި ހަމަލާއަށްވެސް ޗެކުގެ ޑިފެންސުން ވަނީ ބްލޮކް އަޅާފައި.

'21 - ޗެކުގެ އެންޓޮނިން ބަރަކަށް ރަތް ކާޑު. ދެވަނަ ރީނދޫ ކާޑާއެކު އޭނާއަށް ރަތް ކާޑު ދެއްކުމުން ޗެކަށް ވަނީ ހާސްކަމާ ކުރިމަތިވެފައި.

'13 - ޗެކުގެ ހަމަލާއެއް. ޖުރާސެކް ދުރުން ފޮނުވާލި ބާރު ހަމަލާ ދިޔައީ ކީޕަރު ގުނޯކް އަތަށް.

'13 - ތުރުކީގެ ހަމަލާއެއް. ހާފުގެ މެދެއްހާ ހިސާބުން ކުރިއަށް ޖެހި އޭރިއާ ބޭރުން ޒުވާން ތަރި ގޫލާ ފޮނުވާލި ބާރު ހަމަލާ ދިޔައީ ހުރަސްދަނޑު މަތިން ބޭރަށް.

'2 - ޗެކުގެ ނުރައްކާތެރި ހަމަލާއެއް. ލޫކާސް ޕްރޮވޯޑް ދުރުން ފޮނުވާލި ހަމަލާ ތުރުކީ ކީޕަރު މާޓް ގުނޯކް ވަނީ މަތަކޮށްފައި.

މެޗުގެ ކުޅުން ފަށައިފި، ކިކްއޯފް ކުރީ ޗެކް ރިޕަބްލިކް.

މެޗުގެ ކުޅުން ފަށައިފި. ކިކްއޯފް ކުރީ ތުރުކީ.

ތުރުކީގެ ފުރަތަމަ 11

ޗެކު ރިޕަބްލިކްގެ ފުރަތަމަ 11