ޔޫރޯ 2024 ލައިވް: ކްރޮއޭޝިއާ 1-1 އިޓަލީ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި.

90+8 - އިޓަލީން ގޯލު ޖަހައި ނަތީޖާ ހަމަހަމަ ކޮށްފި. މެޗުގެ ފަހު މިނެޓުގައި އެޓީމަށް ގޯލު ޖަހައިދިނީ މަޓިއާ ޒަކަގްނީ. އިޓަލީއަށް މި ނަތީޖާގައި ގަދަ 16 ޔަގީންވާނެ.

90+5 - ކްރޮއޭޝިއާއިން ހަމަލާއަކަށް މަސައްކަތް ކޮށް ކާމިޔާބެއް ނުވި. އިވަނުސެކް އޭރިއާ ތެރެއަށް ނަގައިދޭން މަސައްކަތް ކުރި ބޯޅަ ހުއްޓުވީ ބަސްޓޯނީ.

ދެވަނަ ހާފުގެ އިތުރު ވަގުތުގެ ގޮތުގައި އަށް މިނެޓުގެ ކުޅުން ދައްކައިފި.

'87 - އިޓަލީއަށް ހުސް ފުރުސަތެއް. ޗިއޭސާ އަރިމަތިން ކަނޑާލި ބޯޅައަށް ސަމަކާ އެރި ނަމަވެސް ބޯޅަ ދިޔައީ ފައިގައި ލައްވާ ނުލައި.

'82 - އިޓަލީގެ ދެ ބަދަލެއް. ފޭބީ ޖޯޖީނިއާ އަދި ޑާމިއަން. ކުޅެން ނުކުތީ ނިކޮލޯ ފަގިއޯލީއާއި މަޓިއާ ޒަކަގްނީ.

'80 - ކްރޮއޭޝިއާގެ ގޯލު ޖެހި ލޫކާ މޮޑްރިޗްގެ ބަދަލުގައި ލޮވްރޯ މައެއާ ކުޅެން ނެރެފި.

'78 - ކްރޮއޭޝިއާގެ މަރިން ޕޮންގްރަސިޗްއަށް ރީނދޫ ކާޑެއް. އޭނާއަށް ކާޑު ދެއްކީ ރެޓެގީއަށް ކުރި ފައުލަކަށް.

މިރޭ ޖެހި ގޯލާއެކު މޮޑްރިޗް ވެފައި ވަނީ ޔޫރޯ މުބާރާތުގައި ގޯލު ޖެހި އެންމެ އުމުރުން ގިނަ ދުވަސްވީ ކުޅުންތެރިޔާއަށް. އޭނާގެ އުމުރަކީ 38 އަހަރާއި 289 ދުވަސް.

'72 - އިޓަލީގެ ހަމަލާއެއް. އޭރިއާ ބޭރުން ލިބުނު ހިލޭ ޖެހުން ރަސްޕަޑޯރީ ފޮނުވާލި ނަމަވެސް އަމާޒުވީ ވޯލްއަށް.

'67 - އިޓަލީގެ ނުރައްކާ ބޮޑު. އޭރިއާ ތެރެއިން ދުއްވާލި ތުރޫ ބޯޅައެއް ޗިއޭސާއަށް ލިބުމުގެ ކުރިން މަތަކުރީ ލިވަކޮވިޗް. އިޓަލީން މިވަގުތު ދަނީ ގިނަ ބޯޅަތަކެއް ކްރޮއޭޝިއާ އޭރިއާ ތެރެއަށް ކުޅެމުން.

62' - އިޓަލީއަށް ހުސް ފުރުސަތެއް. ކޯނަރެއްގައި ބަސްޓޯނީއަށް އޭރިއާ ތެރެއިން ހުސް ފުރުސަތެއް ލިބުނު. އޭނާ ބޮލުން ފޮނުވާލި ހަމަލާ ދިޔައީ ހުރަސް ދަނޑިމަތިން ބޭރަށް.

'57 - އިޓަލީގެ ބަދަލެއް. ފެޑެރީކޯ ޑިމާކޯގެ ބަދަލުގައި ކުޅެން ނުކުތީ ފެޑެރީކޯ ޗިއޭސާ.

'55- ކްރޮއޭޝިއާއިން ގޯލު ޖަހައި ލީޑު ނަގައިފި. އޭރިއާ ތެރެއިން ބުޑިމީރް ފޮނުވާލި ބާރު ހަމަލާ ޑޮނަރޫމާ މަތަކުރި ނަމަވެސް، މޮޑްރިޗް ވަނީ ރީބައުންސް ބޯޅަ ގޯލުގެ މަތީ ދާގަނޑަށް އަމާޒުކޮށްލާފައި.

'53- ކްރޮއޭޝިއާއަށް ޕެނަލްޓީއެއް ލިބި، ނާކާމިޔާބު. އަންދްރޭޖް ކްރަމަރިޗް ޖެހި ބޯޅަ ބަދަލަކަށް ނުކުތް ފްރަޓޭސީ އަތުގައި ޖެހުމުން ރެފްރީ ވަނީ ވީއޭއާރް ބަލައި ޕެނަލްޓީއެއް ދީފައި. އެ ޕެނަލްޓީ މޮޑްރިޗް ޖެހި ނަމަވެސް، ޑޮނަރޫމާ ވަނީ މަތަކޮށްފައި.

'51 - ކްރޮއޭޝިއާއަށް ފުރުސަތެއް. އޭރިއާ ތެރެއަށް ބްރޮޒޮވިޗް ނަގައިދިން ހުރަސް، ބުޑްމީރަށް ރަނގަޅަށް ލިބޭ ގޮތެއް ނުވި.

ދެވަނަ ހާފަށް އިޓަލީއާއި ކްރޮއޭޝިއާއިންވެސް ވަނީ ބަދަލެއް ގެނެސްފައި. އިޓަލީގެ ލޮރެންޒޯ ޕެލެގްރީނީގެ ބަދަލުގައި ކުޅެން ނެރުނީ ޑާވިޑޭ ފްރެޓޭސީ. ކްރޮއޭޝިއާއިން މާރިއޯ ޕަސަލިޗްގެ ބަދަލުގައި ކުޅެން ނެރުނީ އަންޓޭ ބުޑިމީރް.

ދެވަނަ ހާފުގެ ކުޅުން ފަށައިފި. ކިކްއޯފް ކުރީ އިޓަލީން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި.

ފުރަތަމަ ހާފުގެ އިތުރު ވަގުތުގެ ގޮތުގައި އެއް މިނެޓްގެ ކުޅުން ދައްކައިފި.

'35 - އިޓަލީގެ ހަމަލާއެއް. އޭރިއާ ތެރެއަށް ރިކާޑޯ ކަލަފިއޯރީ ދިން ބޯޅަ ކޮންޓްރޯލް ކޮށްލުމަށްފަހު ލޮރެންޒޯ ޕެލެގްރީނީ ތިރިތިރިން ފޮނުވާލި ހަމަލާ ކްރޮއޭޝިއާގެ ގޯލްކީޕަރު ލިވަކޮޗިޗް ވަނީ ހިފާފައި.

'30 - ކްރޮއޭޝިއާގެ ނުރައްކަލެއް. ކަނާތް ފަރާތު އަރިމަތިން ކުރިއަށް ޖެހި އޭރިއާ ތެރެއަށް މޮޑްރިޗް ނަގައިދިން ނުރައްކާތެރި ހުރަހަށް ހުރަސް އެޅީ އިޓަލީ ކީޕަރު ޑޮނަރޫމާ.

'27 - އިޓަލީގެ ނުރައްކާތެރި ދެ ހަމަލާއެއް. މަޓެއޯ ރެޓެގީއަށް ދުއްވާލި ބޯޅައަށް އޭނާ އަރައި، ފޮނުވާލި ހަމަލާ ކްރޮއޭޝިއާ ޑިފެންޑަރު ވަނީ މަތަކޮށްފައި. އެ ފުރުސަތުން ލިބުނު ކޯނަރުގައި އިޓަލީން އުފެއްދި ހަމަލާގައި، އަލެސާންޑްރޯ ބަސްޓޯނީއަށް މުޅިން ހުސްކޮށް ލިބުނު ބޯޅަ، އޭރިއާ ތެރެއިން ބޮލުން ޖަހާ ގޯލަށް ފޮނުވާލުމުން މަތަކުރީ ކްރޮއޭޝިއާގެ ކީޕަރު ޑޮމިނިކް ލިވަކޮވިޗް.

'23- އަނެއްކާވެސް އިޓަލީއަށް ފުރުސަތެއް. އޭރިއާ ތެރޭގައި ހުރި ރެޓެގީއަށް ރަނގަޅު ބޯޅައެއް ލިބި، އޭނާ ހަމަލާ ފޮނުވާލި ނަމަވެސް ކްރޮއޭޝިއާގެ ޑިފެންސުން ވަނީ ހަމަލާއަށް ހުރަސް އަޅާފައި.

'21 - އިޓަލީގެ ނުރައްކާތެރި ހަމަލާއެއް. އޭރިއާ ތެރެއަށް އަރިމަތިން ހުރަސް ވެގެން އައި ބޯޅައަށް ރަނގަޅަށް އަރައި މަޓެއޯ ރެޓެގީ ބޮލުން ފޮނުވާލި ބޯޅަ ބޭރަށް ދިޔައީ ޖޮސްކޯ ގްވާޑިއޯލް ބޮލުގައި ޖެހިފައި. އެ ބޯޅަ ދިޔައީ ގޯލާ ދިމާލަށް.

ފުރަތަމަ ކޮޅުގައި ކްރޮއޭޝިއާ ނުރައްކާ ބޮޑުކޮށް ފެނުނު ނަމަވެސް، މިހާރު ދެޓީމުގެ ފަރާތުންވެސް ފެންނަނީ ދާދި ހަމަހަމަ ކުޅުމެއް. އިޓަލީންވެސް ދަނީ މަޑުމަޑުން މެޗު ތެރެއަށް ވަދެ، ހަމަލާ އުފައްދަން މަސައްކަތް ކުރަމުން.

'11- އިޓަލީގެ އެޓޭކެއް. އަރިމަތިން ފެޑެރީކޯ ޑިމާކޯ ނަގައިދިން ހުރަސް، ލޮރެންޒޯ ޕެލެގްރީނީ ބޮލުން ޖެހިނަމަވެސް، ދިޔައީ މާ ދުރުން ބޭރަށް.

މެޗުގެ ފުރަތަމަ 10 ވަރަކަށް މިނެޓް ތެރޭގައި ގިނަ ވަގުތު ބޯޅަ ހިފަހައްޓައިގެން ރަނގަޅަށް ކުޅެމުންދަނީ ކްރޮއޭޝިއާ. މިހާތަނަށް ކްރޮއޭޝިއާގެ ހަމަލާއެއް ފެނިގެން ގޮސްފައިވީ ނަމަވެސް، އިޓަލީއަށް އަދި ނުރައްކާ ކުރެވިފައެއް ނުވޭ.

'7- އިޓަލީގެ އެޓޭކް ނާކާމިޔާބު. ރަނގަޅު ކައުންޓާ އެޓޭކް ފުރުސަތެއްގައި އަރިމަތިން ބޯޅަ ހިފައިގެން ގޮސް، ޖިއޮވާނީ ޑި ލޮރެންޒޯ ނަގައިދިން ހުރަސް އިޓަލީ ކުޅުންތެރިޔަކަށް ލިބުމުގެ ކުރިން ކްރޮއޭޝިއާގެ ފަހުން ސާފުކޮށް ބޭރުކޮށްލައިފި.

'5 - ކްރޮއޭޝިއާގެ ނުރައްކާތެރި ހަމާލާއެއް. ލޫކާ ސުސިޗް އޭރިއާ ބޭރުން ފޮނުވާލި ބާރު ހަމަލާ، އިޓަލީގެ ކީޕަރު ޖިއާންލުއީޖީ ޑޮނަރޫމާ ވަނީ ހުޝިޔާރުކަމާއެކު މަތަކޮށްފައި.

މެޗުގެ ކުޅުން ފަށައިފި. ކިކްއޯފް ކުރީ ކްރޮއޭޝިއާއިން.

އިޓަލީގެ ފުރަތަމަ 11

ކްރޮއޭޝިއާގެ ފުރަތަމަ 11