ޔޫރޯ 2024 ލައިވް: ސްވިޒަލޭންޑް 1-1 ޖަރުމަން (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

'90+2 - ޖަރުމަނުން ގޯލެއް ޖަހައި ނަތީޖާ ހަމަހަމަކޮށްފި. ޑޭވިޑް ރާމް ނަގައިދިން ރީތި ހުރަހަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ޖަރުމަނަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ނިކްލަސް ފުލްކްރުގް. މިއީ މުބާރާތުގައި އޭނާ ޖެހި ދެވަނަ ގޯލު.

'88 - ސްވިޒަލެންޑްގެ ނުރައްކާތެރި ހަމަލާއެއް. ރުބެން ވާގާސް ދިން ބޯޅައަކުން ޕެނަލްޓީ އޭރިއާ ބޭރުން ގްރެނިޓް ޖަކާ ފޮނުވާލި ބާރު ހަމަލާ، ޖަރުމަން ކީޕަރު މެނުއެލް ނޯޔާ ވަނީ ހުޝިޔާރުކަމާއެކު މަތަކޮށްފައި.

'82 - ޖަރުމަންގެ ނުރައްކާތެރި ހިލޭ ޖެހުމެއް. ޓޯނީ ކްރޫސް ފޮނުވާލި ހިލޭ ޖެހުން، ސްވިޒަލެންޑް ކީޕަރު ސޮމާ ވަނީ މަތަކޮށްފައި.

'81 - ޑޭވިޑް ރާމްއަށް ކުރި ފައުލަކާ ގުޅިގެން ސްވިޒަލެންޑްގެ ސިލްވަން ވިޑްމާއަށް ރީނދޫ ކާޑެއް.

'76 - ޖަރުމަންގެ ދެ ބަދަލެއް. ވާޓްޒް އާއި މުސިއާލާގެ ބަދަލުގައި ކުޅެން ނުކުތީ ނިކްލަސް ފުލްކްރުގް އަދި ލެރޯއީ ސާނޭ.

'70 - ޖަރުމަނަށް ހުސް ފުރުސަތެއް. ފްލޯރިއަން ވާޓްޒް ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ، ޖޯޝުއާ ކިމިޗް ފޮނުވާލި ހަމަލާ، ސްވިޒަލެންޑް ޑިފެންޑަރު މަނުއެލް އަކާންޖީ ވަނީ ހުޝިޔާރުކަމާއެކު ބްލޮކްކޮށްފައި.

'67 - ޖަރުމަނަށް ފުރުސަތެއް. ޑޭވިޑް ރާމް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ކައި ހަވާޓްޒް ބޮލުން ފޮނުވާލި ހަމަލާ، ސްވިޒަލެންޑްގެ ގޯލާ އަމާޒުވެފައެއް ނުވޭ.

'66 - މުސިއާލާއަށް ކުރި ފައުލަކާ ގުޅިގެން ސްވިޒަލެންޑް ކެޕްޓަން ގްރެނިޓް ޖަކާއަށް ރީނދޫ ކާޑެއް.

'65 - ޖަރުމަނުން ބަދަލެއް. އެންޑްރިޝްގެ ބަދަލުގައި ކުޅެން ނުކުތީ މެކްސިމިލިއަން ބެއާ.

'65 - ސްވިޒަލެންޑުން ތިން ބަދަލެއް. ފަބިއަން ރީޑާ އާއި އެމްބޯލޯ އަދި އެންޑޯޔޭގެ ބަދަލުގައި ކުޅެން ނުކުތީ ރުބެން ވާގަސް އާއި ކުވަޑްވޯ ޑުއާ އަދި ޒެކީ އަމްދޫނީ.

'64 - ޖަރުމަނަށް ފުރުސަތެއް. ޓޯނީ ކްރޫސް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ކައި ހަވާޓްޒް ބޮލުން ފޮނުވާލި ހަމަލާ، ސްވިޒަލެންޑްގެ ގޯލާ އަމާޒުވެފައެއް ނުވޭ.

'63 - ޖަރުމަންގެ ހަމަލާއެއް. ޕެނަލްޓީ އޭރިއާ ބޭރުން ޑޭވިޑް ރާމް ފޮނުވާލި ބާރު ހަމަލާ ދިޔައީ ސްވިޒަލެންޑް ގޯލުގެ ހުރަސް ދަނޑިމަތިން ބޭރަށް.

'61 - ޖަރުމަނުން ދެ ބަދަލެއް. ޖޮނަތަން ޓާ އާއި މެކްސިމިލިއަން މިޓެލްސްޓާޑްގެ ބަދަލުގައި ކުޅެން ނުކުތީ ޑޭވިޑް ރާމް އަދި ނިކޯ ޝްލޮޓާބެކް.

'55 - ޖަރުމަންގެ ހަމަލާއެއް. އެންޑްރިޝް ދިން ބޯޅައަކުން ޕެނަލްޓީ އޭރިއާ ބޭރުން ޓޯނީ ކްރޫސް ފޮނުވާލި ހަމަލާ، ސްވިޒަލެންޑްގެ ގޯލާ އަމާޒުވެފައެެއް ނުވޭ.

'50 - ޖަރުމަނަށް ރަނގަޅު ފުރުސަތެއް. ފްލޯރިއަން ވާޓްޒް ދިން ބޯޅައަކުން ޕެނަލްޓީ އޭރިއާ ބޭރުން ޖަމާލް މުސިއާލާ ފޮނުވާލި ހަމަލާ، ސްވިޒަލެންޑް ކީޕަރު ޔޭން ސޮމާ ވަނީ މަތަކޮށްފައި. ރީބައުންސް ބޯޅައިން ޕެނަލްޓީ އޭރިއާ ތެރެއިން ކެޕްޓަން އިލްކާއީ ގުންޑޮގަން ފޮނުވާލި ހަމަލާ، ސްވިޒަލެންޑްގެ ގޯލާ އަމާޒުވެފައެއް ނުވޭ.

'47 - ބޯޅައާއެކު އެމްބޯލޯ، ޕެނަލްޓީ އޭރިއާ ތެރެއަށް ވަން ނަމަވެސް، ޖަރުމަން ޑިފެންޑަރުންގެ ޕްރެޝަރާ ގުޅިގެން އެ ފުރުސަތުގެ ބޭނުން ހިފިފައެއް ނުވޭ.

ދެވަނަ ހާފުގެ ކުޅުން ފެށީ ސްވިޒަލެންޑުން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ސްވިޒަލެންޑް ކުރީގައި އޮވެގެން.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

'42 - ޖަރުމަނަށް އިތުރު ފުރުސަތެއް. ކައުންޓާ އެޓޭކެެއްގައި ޖަމާލް މުސިއާލާ ދިން ބޯޅައަކުން ޕެނަލްޓީ އޭރިއާ ތެރެއިން ކައި ހަވާޓްޒް ފޮނުވާލި ހަމަލާ ވެސް ސްވިޒަލެންޑްގެ ގޯލާ އަމާޒުވެފައެއް ނުވޭ.

'41 - ޖަރުމަނަށް ފުރުސަތެއް. ޓޯނީ ކްރޫސް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ އެންޓޯނިއޯ ރުޑިގާ ބޮލުން ފޮނުވާލި ހަމަލާ، ސްވިޒަލެންޑްގެ ގޯލާ އަމާޒުވެފައެއް ނުވޭ.

'38 - ބްރީލް އެމްބޯލޯއަށް ކުރި ފައުލަކާ ގުޅިގެން ޖަރުމަން ޑިފެންޑަރު ޖޮނަތަން ޓާއަށް ރީނދޫ ކާޑެއް، އޭނާއަށް ގަދަ 16 ގެ މެޗު ގެއްލޭނެ.

'30 - ސްވިޒަލެންޑަށް އިތުރު ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު، ހުސްކޮށް ހުރެ އެންޑޯޔޭ މިފަހަރު ފޮނުވާލި ހަމަލާ ދިޔައީ ޖަރުމަން ގޯލުގެ އަރިމަތީ ދަނޑިކައިރިން ބޭރަށް.

'28 - ސްވިޒަލެންޑުން ގޯލެއް ޖަހައި ލީޑު ހޯދައިފި. ރެމޯ ފްރޮއިލާ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ސްވިޒަލެންޑަށް އެ ގޯލު ކާމިޔާބުކޮށްދިނީ ޑޭން އެންޑޯޔޭ.

'25 - އެންޓޯނިއޯ ރުޑިގާއަށް ކުރި ފައުލަކާ ގުޅިގެން ސްވިޒަލެންޑްގެ ޑޭން އެންޑޯޔޭއަށް ރީނދޫ ކާޑެއް.

'17 - ފްލޯރިއަން ވާޓްޒް ދިން ބޯޅަ، ޕެނަލްޓީ އޭރިއާ ބޭރުން ރޮބާޓް އެންޑްރިޝް، ސްވިޒަލެންޑްގެ ގޯލުގެ ތެރެއަށް ފޮނުވާލި ނަމަވެސް، ވީއޭއާރުގެ އެހީގައި ރެފްރީ ނިންމީ އޭގެ ކުރިން ޕެނަލްޓީ އޭރިއާ ތެރެއިން ޖަރުމަން ފޯވަޑް ޖަމާލް މުސިއާލާ ފައުލްކޮށްފައިވާ ކަމަށް.

'12 - ޖަރުމަންގެ ނުރައްކަލެއް. މެކްސިމިލިއަން މިޓެލްސްޓާޑް ދިން ބޯޅައަކުން ޕެނަލްޓީ އޭރިއާ ތެރެއިން ކައި ހަވާޓްޒް ފޮނުވާލި ހަމަލާ، ސްވިޒަލެންޑް ޑިފެންޑަރު ރިކާޑޯ ރޮޑްރިގޭޒް ވަނީ ބްލޮކްކޮށްފައި.

'3 - ޖަރުމަނަށް އިތުރު ފުރުސަތެއް. ޓޯނީ ކްރޫސް ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، ކައި ހަވާޓްޒް ބޮލުން ފޮނުވާލި ހަމަލާ އަމާޒުވީ ސްވިޒަލެންޑް ކީޕަރު ޔޭން ސޮމާއާ ދިމާއަށް.

'2 - ޖަރުމަނަށް ފުރުސަތެއް. ޖަމާލް މުސިއާލާ ދިން ބޯޅައަކުން ޕެނަލްޓީ އޭރިއާ ތެރެއިން އިލްކާއީ ގުންޑޮގަން ނުރައްކާކުރުމުގެ ކުރިން ސްވިޒަލެންޑްގެ ފަބިއަން ޝާ ދިފާއުކޮށްފި.

މެޗުގެ ކުޅުން ފަށައިފި. ކިކްއޯފް ކުރީ ޖަރުމަނުން.

ޖަރުމަންގެ ފުރަތަމަ 11:

ސްވިޒަލެންޑްގެ ފުރަތަމަ 11: