ޔޫރޯ 2024 ލައިވް: ބެލްޖިއަމް 2-0 ރުމޭނިއާ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 2-0 ގެ ނަތީޖާއަކުން ބެލްޖިއަމް ކުރީގައި އޮވެގެން.

ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'90 - ރުމޭނިއާގެ ބަދަލެއް. ރަޓިއޫގެ ބަދަލުގައި ކުޅެން ނުކުތީ ޑެއާން ސޮރެސްކޫ.

'89 - ބެލްޖިއަމަށް އިތުރު ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު، ލުކާކޫ ފޮނުވާލި ބާރު ހަމަލާ، ރުމޭނިއާގެ ކީޕަރު ފްލޮރިން ނިޓާ ވަނީ މަތަކޮށްފައި.

'82 - ބެލްޖިއަމްގެ ނުރައްކަލެއް. ކައުންޓާ އެޓޭކެއްގައި ޔެނިކް ކަރެސްކޯ ދިން ބޯޅަ ހިފައިގެން ލިއާންޑްރޯ ޓްރޮސާޑް ޕެނަލްޓީ އޭރިއާ ތެރެއަށް ވަނުމަށްފަހު، ލުކާކޫއަށް ދޭން ޖައްސާލި ބޯޅަ، އޭނާއަށް ލިބުމުގެ ކުރިން ރުމޭނިއާ ޑިފެންޑަރު އަންދްރޭ ބުރްކާ ވަނީ ދިފާއުކޮށްފައި.

'80 - ބެލްޖިއަމުން އިތުރު ގޯލެއް ޖަހައި ލީޑު ފުޅާކޮށްފި. ފަހަތުން ބެލްޖިއަމް ކީޕަރު ކަސްޓީލްސް ފޮނުވާލި ބޯޅަ، ރުމޭނިއާގެ ޕެނަލްޓީ އޭރިއާ ތެރެއިން ހޯދައި ގޯލަށް ފޮނުވާލީ ކެޕްޓަން ކެވިން ޑި ބްރޭނާ.

'76 - ބެލްޖިއަމްގެ އިތުރު ބަދަލެއް. އާތާ ތެއާގެ ބަދަލުގައި ކުޅެން ނުކުތީ ޒެނޯ ޑެބާސްޓް.

'72 - ބެލްޖިއަމުން ވެސް ދެ ބަދަލެއް. ޖެރެމީ ޑޯކޫ އާއި ޔޫރީ ޓީލެމަންސްގެ ބަދަލުގައި ކުޅެން ނުކުތީ ޔެނިކް ކަރަސްކޯ އަދި އޮރެލް މަންގާލާ.

'68 - ރުމޭނިއާގެ ދެ ބަދަލެއް. މިހައިލާ އާއި މަރިއަސް މެރިންގެ ބަދަލުގައި ކުޅެން ނުކުތީ އިއަނިސް ހަޖީ އަދި ޑޭރިއަސް އޮލާރޫ.

'68 - ރުމޭނިއާއަށް ހުސް ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ޑެނިސް މޭން ފޮނުވާލި ހަމަލާ، ބެލްޖިއަމް ކީޕަރު ކަސްޓީލްސް ވަނީ މަތަކޮށްފައި.

'67 - އަނެއްކާވެސް ބެލްޖިއަމްގެ ހަމަލާއެއް. ޑޯކޫ ދިން ބޯޅައަކުން ޕެނަލްޓީ އޭރިއާ ބޭރުން ޑި ބްރޭނާ ފޮނުވާލި ހަމަލާ، ރުމޭނިއާގެ ގޯލާ އަމާޒުވެފައެއް ނުވޭ.

'66 - ބެލްޖިއަމަށް އިތުރު ފުރުސަތެއް. ޑި ބްރޭނާ ދިން ބޯޅައަކުން ޕެނަލްޓީ އޭރިއާ ތެރެއިން ލުކާކޫ ފޮނުވާލި ހަމަލާ، ރުމޭނިއާގެ ކީޕަރު ނިޓާ ވަނީ މަތަކޮށްފައި.

'63 - ކެވިން ޑި ބްރޭނާ ދިން ރީތި ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ރުމޭނިއާގެ ގޯލުގެ ތިރީ ކަނަކަށް ލުކާކޫ ބޯޅަ އަމާޒުކޮށްލި ނަމަވެސް، ވީއޭއާރުގެ އެހީގައި ރެފްރީ ނިންމީ އޭނާ އޮފްސައިޑް މަގާމެއްގައި ހުރި ކަމަށް.

'62 - ބެލްޖިއަމްގެ ހަމަލާއެއް. ޕެނަލްޓީ އޭރިއާ ތެރެއަށް ވަނުމަށްފަހު، ޑޯކޫ ފޮނުވާލި ހަމަލާ، ރުމޭނިއާގެ ގޯލާ އަމާޒުވެފައެއް ނުވޭ.

'58 - ބެލްޖިއަމްގެ އިތުރު ހަމަލާއެއް. ޑޯކޫ ދިން ބޯޅައަކުން ޕެނަލްޓީ އޭރިއާ ތެރެއިން ލުކާކޫ ފޮނުވާލި ހަމަލާ، ރުމޭނިއާގެ ޑިފެންސުން ވަނީ ބްލޮކްކޮށްފައި.

'58 - ބެލްޖިއަމްގެ އިތުރު ނުރައްކަލެއް. ޑި ބްރޭނާ ދިން ބޯޅަ، ޕެނަލްޓީ އޭރިއާ ތެރޭ ހުސްކޮށް ހުރި ޑޯކޫއަށް ލިބޭ ގޮތެއް ނުވި.

'56 - ބެލްޖިއަމުން ބަދަލެއް. ލުކެބަކިއޯގެ ބަދަލުގައި ކުޅެން ނުކުތީ ލިއާންޑްރޯ ޑޯކޫ.

'55 - ބެލްޖިއަމަށް އިތުރު ފުރުސަތެއް. ލުކާކޫ ދިން ބޯޅައަކުން ޕެނަލްޓީ އޭރިއާ ބޭރުން ޑި ބްރޭނާ މިފަހަރު ފޮނުވާލި ހަމަލާ، ރުމޭނިއާގެ ކީޕަރު ފްލޮރިން ނިޓާ ވަނީ މަތަކޮށްފައި.

'52 - ބެލްޖިއަމްގެ ނުރައްކަލެއް. އާތާ ތެއާ ދިން ބޯޅައަކުން ޕެނަލްޓީ އޭރިއާ ބޭރުން ކެވިން ޑި ބްރޭނާ ފޮނުވާލި ހަމަލާ ދިޔައީ ރުމޭނިއާ ގޯލުގެ އަރިމަތީ ދަނޑިކައިރިން ބޭރަށް.

'51 - ޖެރެމީ ޑޯކޫ ނަގައިދިން ހުރަސް، ރުމޭނިއާގެ ޕެނަލްޓީ އޭރިއާ ތެރޭގައި ހުރި ލުކާކޫއަށް ލިބޭ ގޮތެއް ނުވި.

'47 - ރުމޭނިއާގެ އިތުރު ނުރައްކަލެއް. ކައުންޓާ އެޓޭކެއްގައި ކުރިއަށް ގޮސް، ޕެނަލްޓީ އޭރިއާ ތެރެއަށް ވަނުމަށްފަހު ވެލެންޓިން މިހައިލާ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'46 - ރުމޭނިއާގެ ނުރައްކަލެއް. ޕެނަލްޓީ އޭރިއާ ބޭރުން ޑެނިސް މޭން ފޮނުވާލި ހަމަލާ، ބެލްޖިއަމްގެ ކީޕަރު ކޮއެލް ކަސްޓީލްސް ވަނީ މަތަކޮށްފައި.

ދެވަނަ ހާފު ފެށީ ރުމޭނިއާ އިން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ބެލްޖިއަމް ކުރީގައި އޮވެގެން.

'45 - ރުމޭނިއާއަށް ރަނގަޅު ފުރުސަތެއް. ޕެނަލްޓީ އޭރިއާ ތެރޭ ހުރެ އަންދްރޭ ބުރްކާ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'42 - ބެލްޖިއަމްގެ ހަމަލާއެއް. ޑޮޑީ ލުކެބަކިއޯ ދިން ބޯޅައަކުން ޕެނަލްޓީ އޭރިއާ ތެރެއިން ކެވިން ޑި ބްރޭނާ ފޮނުވާލި ހަމަލާގައި ބާރެއް ނެތް، ރުމޭނިއާ ކީޕަރު ފްލޮރިން ނިޓާ ވަނީ އެ ބޯޅަ ފަސޭހަކަމާއެކު ހޯދާފައި.

'36 - ރުމޭނިއާގެ ހަމަލާއެއް. ޕެނަލްޓީ އޭރިއާ ތެރެއަށް ވަނުމަށްފަހު ޑެނިސް މޭން ފޮނުވާލި ހަމަލާ، ބެލްޖިއަމްގެ ކީޕަރު ކޮއެން ކަސްޓީލްސް ވަނީ މަތަކޮށްފައި.

'33 - ބެލްޖިއަމްގެ އިތުރު ހަމަލާއެއް. ޓީލެމަންސް ދިން ބޯޅައަކުން ޕެނަލްޓީ އޭރިއާ ތެރެއިން ޑޮޑީ ލުކެބަކިއޯ ފޮނުވާލި ހަމަލާ، ރުމޭނިއާ ޑިފެންޑަރު އަންދްރޭ ބުރްކާ ވަނީ ބްލޮކްކޮށްފައި.

'31 - ބެލްޖިއަމްގެ ނުރައްކަލެއް. ޕެނަލްޓީ އޭރިއާ ތެރޭ އަރިމަތިން ޖެރެމީ ޑޯކޫ ފޮނުވާލި ހަމަލާ، ރުމޭނިއާގެ ކީޕަރު ފްލޮރިން ނިޓާ ވަނީ މަތަކޮށްފައި.

'23 - ބެލްޖިއަމްގެ ނުރައްކަލެއް. ލުކާކޫ ދިން ބޯޅައަކުން ޖެރެމީ ޑޯކޫ ނުރައްކާކުރުމުގެ ކުރިން ރުމޭނިއާގެ ޑިފެންޑަރުން ވަނީ އޭނާއަށް ހުރަސް އަޅާފައި.

'21 - ރުމޭނިއާގެ ހަމަލާއެއް. ޕެނަލްޓީ އޭރިއާ ބޭރުން ވެލެންޓިން މިހައިލާ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'19 - ބެލްޖިއަމްގެ އިތުރު ހަމަލާއެއް. ޖެރެމީ ޑޯކޫ ދިން ބޯޅައަކުން ޕެނަލްޓީ އޭރިއާ ތެރެއިން ޔޭން ވާޓޮންގެން ފޮނުވާލި ހަމަލާ، ރުމޭނިއާގެ ގޯލާ އަމާޒުވެފައެއް ނުވޭ.

'18 - އަނެއްކާވެސް ބެލްޖިއަމްގެ ނުރައްކަލެއް. ކެވިން ޑި ބްރޭނާ ދިން ބޯޅައަކުން ޕެނަލްޓީ އޭރިއާ ތެރެއިން ޑޮޑީ ލުކެބަކިއޯ ފޮނުވާލި ހަމަލާ، ރުމޭނިއާ ކީޕަރު ފްލޮރިން ނިޓާ ވަނީ ހުޝިޔާރުކަމާއެކު މަތަކޮށްފައި.

'14 - ބެލްޖިއަމްގެ އިތުރު ނުރައްކަލެއް. ޖެރެމީ ޑޯކޫ ދިން ބޯޅައަކުން ޕެނަލްޓީ އޭރިއާ ތެރެއިން އެނބުރިލާފައި ލުކާކޫ ފޮނުވާލި ހަމަލާ، ރުމޭނިއާގެ ޑިފެންސުން ވަނީ ބްލޮކްކޮށްފައި.

'11 - ބެލްޖިއަމްގެ އިތުރު ހަމަލާއެއް. ޖެރެމީ ޑޯކޫ ދިން ބޯޅައަކުން ޕެނަލްޓީ އޭރިއާ ބޭރުން ޓީލެމަންސް މިފަހަރު ފޮނުވާލި ހަމަލާ، ރުމޭނިއާގެ ޑިފެންސުން ވަނީ ބްލޮކްކޮށްފައި.

'7 - ބެލްޖިއަމްގެ ނުރައްކަލެއް. އަމިއްލަ ހާފުގައި ހުރެ ވައުޓް ފާސް ދިން ބޯޅަ، ޕެނަލްޓީ އޭރިއާ ތެރެއިން ކެޕްޓަން ކެވިން ޑި ބްރޭނާ ނުރައްކާކުރުމުގެ ކުރިން ރުމޭނިއާގެ ކީޕަރު ފްލޮރިން ނިޓާ ވަނީ ހޯދާފައި.

'4 - ރުމޭނިއާއަށް ރަނގަޅު ފުރުސަތެއް. މެރިއަސް މެރިން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، އަންދްރޭ ބާކާ ބޮލުން ފޮނުވާލި ހަމަލާ، ބެލްޖިއަމްގެ ކީޕަރު ކޮއެން ކަސްޓީލްސް ވަނީ މަތަކޮށްފައި.

'2 - ބެލްޖިއަމުން ފުރަތަމަ ހަމަލާގައި ގޯލު ޖަހައި ލީޑު ހޯދައިފި. ރޮމެލޫ ލުކާކޫ ދިން ބޯޅަ، ޕެނަލްޓީ އޭރިއާ ބޭރުން ރުމޭނިއާ ގޯލުގެ ތިރީ ކަނަކަށް އަމާޒުކޮށްލައިގެން ބެލްޖިއަމަށް އެ ގޯލު ކާމިޔާބުކޮށްދިނީ ޔޫރީ ޓީލެމަންސް.

މެޗުގެ ކުޅުން ފަށައިފި. ކިކްއޯފް ކުރީ ބެލްޖިއަމުން.

ރުމޭނިއާގެ ފުރަތަމަ 11:

ބެލްޖިއަމްގެ ފުރަތަމަ 11: