ޔޫރޯ 2024 ލައިވް: ސްލޮވާކިއާ 1-2 ޔުކްރެއިން (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 2-1 ގެ ނަތީޖާއަކުން ޔޫކްރޭން ކުރީގައި އޮވެގެން.

'90+2 - ސްލޮވާކިއާއަށް ހުސް ފުރުސަތެއް. ޕެނަލްޓީ އޭރިއާ ތެރޭ ހުސްކޮށް ހުއްޓައި ކޯނަރެއްގެ ތެރެއިން ލިބުނު ބޯޅަ، ޑެނިސް ވޮވްރޯގެ ފައިގައި ލައްވާލާ ގޮތް ވެފައެއް ނުވޭ.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'90 - ސްލޮވާކިއާއަށް އިތުރު ފުރުސަތެއް. ލާޒްލޯ ބެނެސް ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ޑެނިސް ވަވްރޯ ބޮލުން ފޮނުވާލި ހަމަލާ، ޔޫކްރޭންގެ ގޯލާ އަމާޒުވެފައެއް ނުވޭ.

'84 - ފައުލަކާ ގުޅިގެން ޔޫކްރޭންގެ ރޯމަން ޔަރެމްޗުކްއަށް ރީނދޫ ކާޑެއް.

'82 - ސްލޮވާކިއާއަށް ފުރުސަތެއް. ތޯމަސް ސުސްލޯން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ޔުރާއީ ކުޗްކާ ބޮލުން ފޮނުވާލި ހަމަލާ، ޔޫކްރޭންގެ ގޯލާ އަމާޒުވެފައެއް ނުވޭ.

'80 - ޔޫކްރޭނުން އިތުރު ގޯލެއް ޖަހައި ލީޑު ހޯދައިފި. މިކޯލާ ޝަޕަރެންކޯ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޔޫކްރޭނަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ރޯމަން ޔަރެމްޗުކް.

'77 - ޔޫކްރޭންގެ އިތުރު ހަމަލާއެއް. ޕެނަލްޓީ އޭރިއާ ބޭރުން ގިއޯގީ ސުޑަކޯވް ފޮނުވާލި ހަމަލާ، ސްލޮވާކިއާ ޑިފެންޑަރު ޑެނިސް ވަވްރޯ ވަނީ ބްލޮކްކޮށްފައި.

'74 - ޔޫކްރޭނަށް ފުރުސަތެއް. ކައުންޓާ އެޓޭކެއްގައި ރޯމަން ޔަރެމްޗުކް ދިން ބޯޅައަކުން ޕެނަލްޓީ އޭރިއާ ތެރޭ އަރިމަތިން މުޑްރީކް ފޮނުވާލި ހަމަލާ އަމާޒުވީ ސްލޮވާކިއާ ގޯލުގެ އަރިމަތީ ދަނޑިއަށް.

'68 - ސްލޮވާކިއާ އިން ވެސް ދެ ބަދަލެއް. ހަންޗްކޯ އާއި ހަރާސްލިންގެ ބަދަލުގައި ކުޅެން ނުކުތީ ތޯމަސް ސުސްލޯވް އަދި އެޑަމް އޮބާޓް.

'66 - ޔޫކްރޭނުން ދެ ބަދަލެއް. ކެޕްޓަން ޔާމަލެންކޯ އާއި ޑޮވްބީކްގެ ބަދަލުގައި ކުޅެން ނުކުތީ ރޯމަން ޔަރެމްޗުކް އަދި އޮލެކްސެންޑާ ޒުބްކޯވް.

'60 - ސްލޮވާކިއާގެ ދެ ބަދަލެއް. އޮންދްރޭ ޑޫޑާ އާއި ރޮބާޓް ބޮޒެނިކްގެ ބަދަލުގައި ކުޅެން ނުކުތީ ލާޒްލޯ ބެނޭސް އަދި ޑޭވިޑް ސްޓްރެލެޗް.

'59 - ޔޫކްރޭންގެ ހަމަލާއެއް. ޝަޕަރެންކޯއަށް ލިބުނު ބޯޅައިން އޭނާ ދުރުން ފޮނުވާލި ހަމަލާގައި ނުރައްކަލެއް ނެތް، ސްލޮވާކިއާ ކީޕަރު ޑުބްރާވްކާ ވަނީ އެ ބޯޅަ ފަސޭހަކަމާއެކު ހޯދާފައި.

'54 - ޔޫކްރޭނުން ގޯލެއް ޖަހައި ނަތީޖާ ހަމަހަމަކޮށްފި. ކައުންޓާ އެޓޭކެއްގައި އޮލެކްސެންޑާ ޒިންޗެންކޯ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަމަލާއަކުން ޔޫކްރޭނަށް އެ ގޯލު ކާމިޔާބުކޮށްދިނީ މިކޯލާ ޝަޕަރެންކޯ.

'51 - މުޑްރީކް ނަގައިދިން ބޯޅައިން ޕެނަލްޓީ އޭރިއާ ތެރޭ ހުސްކޮށް ހުރި ޑޮބްވީކްއަށް ބޭނުން ހިފޭ ގޮތެއް ނުވި.

ދެވަނަ ހާފުގެ ކުޅުން ފެށީ ޔޫކްރޭނުން.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ސްލޮވާކިއާ ކުރީގައި އޮވެގެން.

'44 - ސްލޮވާކިއާގެ ނުރައްކަލެއް. ޕެނަލްޓީ އޭރިއާ ބޭރުން ހަރާސްލިން ފޮނުވާލި ބާރު ހަމަލާ، ޔޫކްރޭންގެ ކީޕަރު ޓްރުބިން ވަނީ މަތަކޮށްފައި.

'43 - ޔޫކްރޭންގެ ނުރައްކަލެއް. ޕެނަލްޓީ އޭރިއާ ބޭރު އަރިމަތިން ލިބުނު ހިލޭ ޖެހުމަކުން އޮލެކްސެންޑާ ޒިވްޗެންކޯ ފޮނުވާލި ހަމަލާ، ސްލޮވާކިއާ ކީޕަރު ޑުބްރާވްކާ ވަނީ މަތަކޮށްފައި.

'35 - ޔޫކްރޭންގެ އިތުރު ނުރައްކަލެއް. ޕެނަލްޓީ އޭރިއާ ތެރެއިން މުޑްރީކް ފޮނުވާލި ހަމަލާ، ސްލޮވާކިއާ ކީޕަރު ޑުބްރާވްކާ ވަނީ މަތަކޮށްފައި.

'34 - ޔޫކްރޭންގެ ނުރައްކަލެއް. ކައުންޓާ އެޓޭކެއްގައި ޕެނަލްޓީ އޭރިއާ ތެރެއިން އޮލެކްސެންޑާ ޓިމްޝީކް ފޮނުވާލި ހަމަލާ އަމާޒުވީ ގޯލުގެ އަރިމަތީ ދަނޑިއަށް. އޭގެ ކުރިން އާޓެމް ޑޮބްވީކް ދިން ބޯޅަ، ޕެނަލްޓީ އޭޭރިއާ ތެރެއިން ޔޫކްރޭން ކެޕްޓަން އަންދްރޭ ޔާމަލެންކޯއަށް ބޭނުން ހިފިފައެއް ނުވޭ.

'29 - ޔޫކްރޭންގެ އިތުރު ހަމަލާއެއް. ޕެނަލްޓީ އޭރިއާ ތެރެއަށް ވަނުމަށްފަހު، މިކާލޯ މުޑްރީކް ފޮނުވާލި ބާރު ހަމަލާ ވެސް ސްލޮވާކިއާ ޑިފެންޑަރު ޕެކަރިކް ވަނީ ބްލޮކޮށްފައި.

'28 - ޔޫކްރޭނަށް ހުސް ފުރުސަތެއް. ޕެނަލްޓީ އޭރިއާ ތެރެއިން އާޓެމް ޑޮބްވީކް ފޮނުވާލި ހަމަލާ، ސްލޮވާކިއާ ޑިފެންޑަރު ޕީޓާ ޕެޓަރިކް ވަނީ ބްލޮކްކޮށްފައި.

'17 - ސްލޮވާކިއާ އިން ގޯލެއް ޖަހައި ލީޑު ހޯދައިފި. ލޫކަސް ހަރާސްލިން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ސްލޮވާކިއާއަށް އެ ގޯލު ކާމިޔާބުކޮށްދިނީ އިވާން ޝްރާންޒް. އޭނާއަކީ ބެލްޖިއަމް ކޮޅަށް ވެސް ގޯލު ޖެހި ކުޅުންތެރިޔާ.

'17 - ސްލޮވާކިއާއަށް ލިބުނު ހިލޭ ޖެހުމުން ހަންޗްކޯ ފޮނުވާލި ހަމަލާ، ޔޫކްރޭންގެ ކީޕަރު ޓްރުބިން ވަނީ ހުޝިޔާރުކަމާއެކު މަތަކޮށްފައި.

'16 - ސްޓަނިސްލާވް ލޮބޮޓްކާއަށް ޔޫކްރޭންގެ ވޮލޮޑިމިއާ ބްރާޒްކޯ ކުރި ފައުލަކާ ގުޅިގެން ނުރައްކާ ހިސާބަކުން ސްލޮވާކިއާއަށް ހިލޭ ޖެހުމެއް.

'13 - ޔޫކްރޭންގެ ހަމަލާއެއް. ޕެނަލްޓީ އޭރިއާ ބޭރުން ވޮލޮޑިމިއާ ބްރާޒްކޯ ފޮނުވާލި ހަމަލާ އަމާޒުވީ ސްލޮވާކިއާގެ ކީޕަރު މާޓިން ޑުބްރާވްކާއާ ދިމާއަށް.

'12 - ސްލޮވާކިއާގެ އިތުރު ހަމަލާއެއް. ޕެނަލްޓީ އޭރިއާ ބޭރުން އޮންދްރޭ ޑޫޑާ ފޮނުވާލި ހަމަލާ ދިޔައީ ޔޫކްރޭން ގޯލުގެ އަރިމަތީ ދަނޑި ކައިރިން ބޭރަށް.

'11 - ސްލޮވާކިއާއަށް އިތުރު ހުސް ފުރުސަތެއް. ޑޭވިޑް ހަންޗްކޯ ނަގައިދިން ހުރަހަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ އިވާން ޝްރާންޒް ފޮނުވާލި ހަމަލާ ވެސް ޔޫކްރޭންގެ ކީޕަރު ޓްރުބިން ވަނީ ހުޝިޔާރުކަމާއެކު މަތަކޮށްފައި.

'10 - ސްލޮވާކިއާގެ ނުރައްކާތެރި ހަމަލާއެއް. ޕެނަލްޓީ އޭރިއާ ތެރެއިން ލޫކަސް ހަރާސްލިން ފޮނުވާލި ބާރު ހަމަލާ، ޔޫކްރޭންގެ ކީޕަރު އަނަޓޮލީ ޓްރުބިން ވަނީ މަތަކޮށްފައި.

'8 - ދެ ޓީމުގެ ފަރާތުން ވެސް ފެންނަނީ ދާދި ހަމަހަމަ ކުޅުމެއް. ދެ ޓީމުން ވެސް ޕެނަލްޓީ އޭރިއާ ތެރެއަށް ހުރަސްތަކެއް ނަގަމުންދިޔަ ނަމަވެސް، ނުރައްކާކުރެވޭ ގޮތެއް ނުވޭ.

މެޗުގެ ކުޅުން ފަށައިފި. ކިކްއޯފް ކުރީ ސްލޮވާކިއާ އިން.

ޔޫކްރޭންގެ ފުރަތަމަ 11:

ސްލޮވާކިއާގެ ފުރަތަމަ 11: