ޔޫރޯ 2024 ލައިވް: ސްޕެއިން 1-0 އިޓަލީ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-0 ގެ ނަތީޖާއަކުން ސްޕެއިން ކުރީގައި އޮވެގެން، ސްޕެއިން ގަދަ 16 އަށް.

'90+4 - ސްޕެއިންގެ ފަހު ބަދަލު. ފަބިއަން ރުއިޒްގެ ބަދަލުގައި ކުޅެން ނުކުތީ މިކެލް މެރީނޯ.

'90+2 - ސްޕެއިނަށް ހުސް ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު ހުސްކޮށް ހުރެ އަޔޯޒޭ ޕެރޭޒް ފޮނުވާލި ހަމަލާ، އިޓަލީގެ ކީޕަރު ޑޮނަރޫމާ ވަނީ ހުޝިޔާރުކަމާއެކު މަތަކޮށްފައި.

'90+1 - ސްޕެއިންގެ ނުރައްކަލެއް. ޕެނަލްޓީ އޭރިއާ ތެރެއަށް ވަނުމަށްފަހު އަޔޯޒޭ ޕެރޭޒް ފޮނުވާލި ހަމަލާ، އިޓަލީގެ ކީޕަރު ޑޮނަރޫމާ ވަނީ މަތަކޮށްފައި.

ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'82 - އިޓަލީގެ ފަހު ބަދަލު. ލޮރެންޒޯ ޕެލެގްރިނީގެ ބަދަލުގައި ކުޅެން ނުކުތީ ޖިއަކޯމޯ ރަސްޕަޑޯރީ.

'78 - ސްޕެއިނުން އިތުރު ދެ ބަދަލު. ނިކޯ ވިލިމްސް އާއި މޮރާޓާގެ ބަދަލުގައި ކުޅެން ނުކުތީ މިކެލް އޮޔާޒަބަލް އަދި އަޔޯޒޭ ޕެރޭޒް.

ލޮރެންޒޯ ޕެލެގްރިނީ ފޮނުވާލި ހިލޭ ޖެހުން ސްޕެއިންގެ ގޯލާ އަމާޒެއް ނުވި.

'73 - ސްޕެއިން ޑިފެންޑަރު ނޯމާންޑް ކުރި ފައުލަކާ ގުޅިގެން ނުރައްކާ ހިސާބަކުން އިޓަލީއަށް ހިލޭ ޖެހުމެއް.

'71 - ސްޕެއިންގެ ދެ ބަދަލެއް. ޕެޑްރީ އާއި ޔަމާލްގެ ބަދަލުގައި ކުޅެން ނުކުތީ އަލެހަންޑްރޯ ބައޭނާ އަދި ފެރާން ޓޮރޭސް.

'70 - ސްޕެއިންގެ ނުރައްކާތެރި ހަމަލާއެއް. ކުކުރެޔާ ދިން ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ނިކޯ ވިލިއަމްސް ފޮނުވާލި ހަމަލާ އަމާޒުވީ އިޓަލީ ގޯލުގެ ހުރަސް ދަނޑިއަށް.

'69 - މަޓިއާ ޒަކާނީއަށް ކުރި ފައުލަކާ ގުޅިގެން ސްޕެއިން ޑިފެންޑަރު ނޯމަންޑްއަށް ރީނދޫ ކާޑެއް.

'66 - އިޓަލީއަށް ފުރުސަތެއް. ސްޕެއިނަށް ހެދުނު ގޯހެއްގެ ފައިދާ ނަގައި ކުރިއަށް ގޮސް، ބްރަޔަން ކްރިސްޓަންޓޭ ދިން ބޯޅަ، ޕެނަލްޓީ އޭރިއާ ތެރެއިން މަޓެއޯ ރަޓޭގާއަށް ލިބޭ ގޮތެއް ނުވި.

'64 - އިޓަލީގެ ދެ ބަދަލެއް. ކިއޭސާ އާއި ސްކަމާކާގެ ބަދަލުގައި ކުޅެން ނުކުތީ މެޓެއޯ ރެޓޭގީ އަދި މަޓިއާ ޒަކާނީ.

'60 - އަނެއްކާވެސް ސްޕެއިންގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ލަމީން ޔަމާލް ފޮނުވާލި ހަމަލާ، އިޓަލީގެ ގޯލާ އަމާޒުވެފައެއް ނުވޭ.

'59 - ސްޕެއިންގެ އިތުރު ނުރައްކަލެއް. ނިކޯ ވިލިމްސް ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ރޮބިން ލެ ނޯމާންޑް ބޮލުން ފޮނުވާލި ހަމަލާ، ގޯލު ލައިންމަތިން އިޓަލީގެ އަންދްރޭ ކެމްބިއާސޯ ވަނީ ދިފާއުކޮށްފައި.

'58 - ސްޕެއިންގެ ހަމަލާއެއް. ޕެޑްރީ ދިން ބޯޅައަކުން ޕެނަލްޓީ އޭރިއާ ބޭރުން ކެޕްޓަން އަލްވާރޯ މޮރާޓާ ފޮނުވާލި ބާރު ހަމަލާ، އިޓަލީގެ ކީޕަރު ޑޮނަރޫމާ ވަނީ މަތަކޮށްފައި.

'55 - ސްޕެއިނުން ގޯލެއް ޖަހައި ލީޑު ހޯދައިފި. އެ ގޯލަކީ ނިކޯ ވިލިއަމްސް ނަގައިދިން ހުރަހެއް ޕެނަލްޓީ އޭރިއާ ތެރެއިން ދިފާއުކުރަން އުޅުމުގެ ތެރޭގައި އިޓަލީ ޑިފެންޑަރު ރިކާޑޯ ކަލަފިއޮރީ އަތުން ބައިކޮޅަށް ވަން ގޯލެއް.

'53 - ސްޕެއިން މިޑްފީލްޑަރު ޕެޑްރީގެ އިތުރު ހަމަލާއެއް. ޕެނަލްޓީ އޭރިއާ ބޭރުން އޭނާ ފޮނުވާލި ބާރު ހަމަލާ އަމާޒުވީ އިޓަލީގެ ކީޕަރު ޑޮނަރޫމާއާ ދިމާއަށް.

'52 - ސްޕެއިނަށް ހުސް ފުރުސަތެއް. މާކް ކުކުރެޔާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ޕެޑްރީ ފޮނުވާލި ހަމަލާ، އިޓަލީގެ ގޯލާ އަމާޒުވެފައެއް ނުވޭ.

'51 - އިޓަލީގެ ކައުންޓާ އެޓޭކެއް. ޖިއަންލޫކާ ސްކަމާކާ ބޯޅަ ހިފައިގެން ކުރިއަށް ގޮސް، ދިން ބޯޅަ ފެޑެރީކޯ ކިއޭސާއަށް ލިބުމުގެ ކުރިން ސްޕެއިންގެ ކީޕަރު އުނައި ސިމޮން ވަނީ ހޯދާފައި.

'46 - ރޮޑްރީއަށް ކުރި ފައުލަކާ ގުޅިގެން އިޓަލީގެ ބްރަޔަން ކްރިސްޓަންޓޭއަށް ރީނދޫ ކާޑެއް.

އިޓަލީން ދެވަނަ ހާފަށް ކުޅެން ނުކުތީ ދެ ބަދަލަކާއެކު. ޖޯޖީނިއޯ އާއި ޑޭވިޑް ފްރަޓޭސީގެ ބަދަލުގައި ކުޅެން ނުކުތީ ބްރަޔަން ކްރިސްޓަންޓޭ އަދި އަންދްރޭ ކެމްބިއާސޯ.

ދެވަނަ ހާފުގެ ކުޅުން ފެށީ ސްޕެއިނުން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ގޯލެއް ނުޖެހި އެއްވަރުވެގެން.

'45+2 - ރެފްރީއަށް ރައްދުކުރި ބަސްތަކަކާ ގުޅިގެން ސްޕެއިން މިޑްފީލްޑަރު ރޮޑްރީއަށް ރީނދޫ ކާޑެއް، މުބާރާތުގައި ދެ ކާޑު ހަމަވުމުން އޭނާއަށް ގްރޫޕު ސްޓޭޖުގެ ފަހު މެޗުގައި ނުކުޅެވޭނެ.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

'45 - އިޓަލީގެ ހަމަލާއެއް. ޕެނަލްޓީ އޭރިއާ ތެރެއަށް ވަނުމަށްފަހު ފެޑެރީކޯ ކިއޭސާ ފޮނުވާލި ހަމަލާ، ސްޕެއިންގެ ގޯލާ އަމާޒުވެފައެއް ނުވޭ.

'41 - ސްޕެއިންގެ ހަމަލާއެއް. ޕެނަލްޓީ އޭރިއާ ބޭރުން ލިބުނު ބޯޅައަކުން ފަބިއަން ރުއިޒް ފޮނުވާލި ބާރު ހަމަލާ އަމާޒުވީ އިޓަލީގެ ކީޕަރު ޑޮނަރޫމާއާ ދިމާއަށް.

'38 - ސްޕެއިންގެ ނުރައްކާ އެޓޭކެއް. ރީތި ކުޅުމަކާއެކު ޕެޑްރީ ދިން ބޯޅައަކުން ޕެނަލްޓީ އޭރިއާ ތެރެއިން ނިކޯ ވިލިއަމްސް ގޯލަށް ނުރައްކާކުރުމުގެ ކުރިން އިޓަލީ ޑިފެންޑަރު ބަސްޓޯނީ ވަނީ ދިފާއުކޮށްފައި.

'28 - ސްޕެއިންގެ އިތުރު ނުރައްކަލެއް. ޑެނީ ކާވަހާލް ދިން ބޯޅައަކުން ޕެނަލްޓީ އޭރިއާ ބޭރުން ރޮޑްރީ ފޮނުވާލި ހަމަލާ، ގޯލު ކުރިމަތިން އިޓަލީގެ އަލެސަންޑްރޯ ބަސްޓޯނީ ވަނީ ބްލޮކްކޮށްފައި.

'27 - އަނެއްކާވެސް ސްޕެއިންގެ ހަމަލާއެއް. ރޮޑްރީ ދުރުން ފޮނުވާލި ހަމަލާ، އިޓަލީގެ ގޯލާ އަމާޒުވެފައެއް ނުވޭ.

'25 - ސްޕެއިންގެ އިތުރު ނުރައްކަލެއް. ރޮޑްރީ ދިން ބޯޅައަކުން ފަބިއަން ރުއިޒް ދުރުން ފޮނުވާލި ބާރު ހަމަލާ ވެސް އިޓަލީގެ ކީޕަރު ޑޮނަރޫމާ ވަނީ މަތަކޮށްފައި.

'24 - ސްޕެއިނަށް ފުރުސަތެއް. ޕެނަލްޓީ އޭރިއާ ތެރެއިން މޮރާޓާ ފޮނުވާލި ހަމަލާ، އިޓަލީގެ ކީޕަރު ޑޮނަރޫމާ ވަނީ މަތަކޮށްފައި.

'20 - ފެޑެރީކޯ ޑިމާކޯ ކުރިއަށް ޖެހި ޕެނަލްޓީ އޭރިއާ ތެރެއިން ބޯޅައެއް ޖައްސާލި ނަމަވެސް، އެ ބޯޅަ ލިބޭ ހިސާބުގައި އިޓަލީގެ ކުޅުންތެރިޔަކު ނެތް.

'10 - ސްޕެއިނަށް ހުސް ފުރުސަތެއް. ކެޕްޓަން އަލްވާރޯ މޮރާޓާ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުސްކޮށް ހުރެ ނިކޯ ވިލިއަމްސް ބޮލުން ފޮނުވާލި ހަމަލާ، އިޓަލީގެ ގޯލާ އަމާޒުވެފައެއް ނުވޭ.

'3 - ސްޕެއިންގެ އިތުރު ނުރައްކަލެއް. އިޓަލީގެ އަލެސަންޑްރޯ ބަސްޓޯނީ އަދި ޖޯޖީނިއޯ ކައިރިން ނައްޓާލި ނަމަވެސް، ނިކޯ ވިލިއަމްސްއަށް ވަނީ ޕެނަލްޓީ އޭރިއާ ތެރެއިން ގޯލަށް ހަމަލާއެއް ފޮނުވާލެވޭ ގޮތް ނުވެފައި.

'2 - ސްޕެއިންގެ ނުރައްކާތެރި ހަމަލާއެއް. ނިކޯ ވިލިއަމްސް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ޕެޑްރީ ބޮލުން ފޮނުވާލި ހަމަލާ، އިޓަލީގެ ކީޕަރު ޖިއަންލުއިޖީ ޑޮނަރޫމާ ވަނީ މަތަކޮށްފައި.

މެޗުގެ ކުޅުން ފަށައިފި. ކިކްއޯފް ކުރީ އިޓަލީން.

އިޓަލީގެ ފުރަތަމަ 11:

ސްޕެއިންގެ ފުރަތަމަ 11: