ޔޫރޯ 2024 ލައިވް: ޑެންމާކު 1-1 އިންގްލެންޑް (ދެވަނަ ހާފް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

ދެވަނަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.

'84 - ޑެންމާކްގެ އިތުރު ހަމަލާއެއް. ޕެނަލްޓީ އޭރިއާ ބޭރުން ލިބުނު ބޯޅައަކުން ހޮއިބިއާ ފޮނުވާލި ހަމަލާ، އިންގްލެންޑްގެ ގޯލާ އަމާޒުވެފައެއް ނުވޭ.

'83 - ޑެންމާކަށް ހުސް ފުރުސަތެއް. އަންދްރޭސް ސްކޯވް އޮލްސެން ނަގައިދިން ކޯނަރަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ޑެންމާކްގެ އަންދްރޭސް ކްރިސްޓެންސެން ފޮނުވާލި ހަމަލާ ދިޔައީ އިންގްލެންޑް ގޯލުގެ ހުރަސް ދަނޑިމަތިން ބޭރަށް.

'82 - ޑެންމާކްގެ ކައުންޓާ އެޓޭކެއް. ހުސްކޮށް ހުރެ އެލެކްސެންޑާ ބާ ޕެނަލްޓީ އޭރިއާ ތެރެއަށް ވަނުމަށްފަހު، ހަމަލާއެއް ފޮނުވާލުމުގެ ކުރިން އިންގްލެންޑް ޑިފެންޑަރު މާކް ގުއޭހީ ވަނީ ދިފާއުކޮށްފައި.

'82 - ޑެންމާކްގެ ދެ ބަދަލެއް. ހިޖޫލްމަންޑާއި އެރިކްސަންގެ ބަދަލުގައި ކުޅެން ނުކުތީ އެންދްރޭސް ސްކޯވް އޮލްސެން އަދި ކްރިސްޓިއަން ނޯގާޑް.

'73 - ޑެންމާކުގެ ނުރައްކާތެރި ހަމަލާއެއް. އެރިކްސަން ދިން ބޯޅައަކުން ޕެނަލްޓީ އޭރިއާ ބޭރުން ހޮއިބިއާ ފޮނުވާލި ބާރު ހަމަލާ، އިންގްލެންޑްގެ ކީޕަރު ޕިކްފޯޑް ވަނީ މަތަކޮށްފައި.

'71 - އިންގްލެންޑަށް ހުސް ފުރުސަތެއް. ޖޫޑް ބެލިންހަމް ދިން ރީތި ބޯޅައަކުން ޕެނަލްޓީ އޭރިއާ ތެރެއިން ހުސްވެލުމަށްފަހު އޮލީ ވޮޓްކިންސް ފޮނުވާލި ހަމަލާ، ޑެންމާކް ކީޕަރު ކެސްޕާ ޝްމައިކަލް ވަނީ މަތަކޮށްފައި.

'69 - އިންގްލެންޑްގެ ތިން ބަދަލެއް. ފޯވަޑް ލައިނުގައި ހިމެނޭ ކެޕްޓަން ކޭން އާއި ފޮޑެން އަދި ސަކާގެ ބަދަލުގައި ކުޅެން ނުކުތީ ޖެރޮޑް ބޮވެން އާއި އޮލީ ވޮޓްކިންސް އަދި އެބެރެޗީ އެޒާ.

'68 - ޑެންމާކްގެ ހަމަލާއެއް. ޕެނަލްޓީ އޭރިއާ ބޭރުން މިކެލް ޑެމްސްގާޑް ފޮނުވާލި ހަމަލާ އަމާޒުވީ އިންގްލެންޑް ކީޕަރު ޖޯޑަން ޕިކްފޯޑްއާ ދިމާއަށް.

'67 - ޑެންމާކުގެ ބަދަލެއް. ހޮއިލުންޑްގެ ބަދަލުގައި ކުޅެން ނުކުތީ ޔޫސުފް ޕޮލްސަން.

'63 - ޑެންމާކްގެ ހަމަލާއެއް. ޕެނަލްޓީ އޭރިއާ ބޭރުން ކްރިސްޓިއަން އެރިކްސަން ފޮނުވާލި ހަމަލާ، އިންގްލެންޑްގެ ގޯލާ އަމާޒުވެފައެއް ނުވޭ.

'62 - އަންދްރޭސް ކްރިސްޓެންސެންއަށް ކުރި ފައުލަކާ ގުޅިގެން އިންގްލެންޑް މިޑްފީލްޑަރު ކޮނޯ ގަލެގާއަށް ރީނދޫ ކާޑެއް.

'59 - އިންގްލެންޑްގެ އިތުރު ހަމަލާއެއް. ޑެންމާކް ޑިފެންޑަރު އަންދްރޭސް ކްރިސްޓެންސެން ކައިރިން ނައްޓާލުމަށްފަހު، ޕެނަލްޓީ އޭރިއާ ތެރެއިން ސަކާ ފޮނުވާލި ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

'57 - ޑެންމާކްގެ ދެ ބަދަލެއް. ވިކްޓާ ކްރިސްޓިއަންސެން އާއި ޖޮނަސް ވިންޑްގެ ބަދަލުގައި ކުޅެން ނުކުތީ މިކެލް ޑެމްސްގާޑް އަދި އެލެކްސެންޑާ ބާ.

'56 - އިންގްލެންޑްގެ ނުރައްކާތެރި ހަމަލާއެއް. ބުކަޔޯ ސަކާ ދިން ބޯޅައަކުން ޕެނަލްޓީ އޭރިއާ ބޭރުން ފިލް ފޮޑެން ފޮނުވާލި ބާރު ހަމަލާ އަމާޒުވީ ޑެންމާކް ގޯލުގެ އަރިމަތީ ދަނޑިއަށް. ޕެނަލްޓީ އޭރިއާ ތެރެއިން ސަކާއަށް ރީބައުންސް ބޯޅަ ލިބުނު ނަމަވެސް، އޭނާގެ ހަމަލާ ޑެންމާކުގެ ގޯލާ އަމާޒުވެފައެއް ނުވޭ.

'54 - އިންގްލެންޑްގެ ބަދަލެއް. ޓްރެންޓް އެލެކްސެންޑާ އާނޯލްޑްގެ ބަދަލުގައި ކުޅެން ނުކުތީ ކޮނޯ ގަލެގާ.

'53 - އިންގްލެންޑްގެ ނުރައްކަލެއް. ޓްރެންޓް އެލެކްސެންޑާ އާނޯލްޑް ދިން ބޯޅައަކުން ޕެނަލްޓީ އޭރިއާ ތެރެއިން ބުކަޔޯ ސަކާ ފޮނުވާލި ހަމަލާ، ޑެންމާކްގެ ގޯލާ އަމާޒުވެފައެއް ނުވޭ.

'51 - އިންގްލެންޑްގެ ހަމަލާއެއް. ކިއެރެން ޓްރިޕިއާ ދިން ބޯޅައަކުން ޕެނަލްޓީ އޭރިއާ ބޭރުން ޑެކްލެން ރައިސް ފޮނުވާލި ހަމަލާ، ޑެންމާކްގެ ރަސްމުސް ހޮއިލުންޑް ވަނީ ބްލޮކްކޮށްފައި.

'47 - ޑެންމާކްގެ އެޓޭކެއް. ރަސްމުސް ހޮއިލުންޑް ދިން ބޯޅައަކުން ޕެނަލްޓީ އޭރިއާ ތެރެއިން ޖޮނަސް ވިންޑް ފޮނުވާލި ހަމަލާ، އިންގްލެންޑުގެ ޑިފެންސުން ވަނީ ބްލޮކްކޮށްފައި.

ދެވަނަ ހާފުގެ ކުޅުން ފެށީ ޑެންމާކުން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

'45 - އިންގްލެންޑްގެ ހަމަލާއެއް. ޕެނަލްޓީ އޭރިއާ ބޭރުން ފިލް ފޮޑެން ފޮނުވާލި ހަމަލާ، ޑެންމާކްގެ ގޯލާ އަމާޒުވެފައެއް ނުވޭ.

'44 - ޑެންމާކްގެ ނުރައްކަލެއް. ރަސްމުސް ހޮއިލުންޑް ދިން ބޯޅައަކުން ޕެނަލްޓީ އޭރިއާ ބޭރުން ޕިއެރޭ އެމީލް ހޮއިބިއާ ފޮނުވާލި ބާރު ހަމަލާ އަމާޒުވީ އިންގްލެންޑް ކީޕަރު ޖޯޑަން ޕިކްފޯޑްއާ ދިމާއަށް.

'41 - އިންގްްލެންޑުގެ ހަމަލާއެއް. ޕެނަލްޓީ އޭރިއާ ބޭރުން ފިލް ފޮޑެން ފޮނުވާލި ހަމަލާ އަމާޒުވީ ޑެންމާކް ކީޕަރު ކެސްޕާ ޝްމައިކަލްއާ ދިމާއަށް، އޭނާ ވަނީ ފަސޭހަކަމާއެކު އެ ބޯޅަ ހޯދާފައި.

'38 - ޑެންމާކްގެ އިތުރު ހަމަލާއެއް. ޕެނަލްޓީ އޭރިއާ ބޭރުން ހިޖޫލްމަންޑް ފޮނުވާލި ހަމަލާ، އިންގްލެންޑުގެ ޑިފެންސުން ވަނީ ބްލޮކްކޮށްފައި.

'34 - ޑެންމާކްގެ ހިތްގައިމު ގޯލެއް. އިންގްލެންޑް ކެޕްޓަން ހެރީ ކޭން އަތުން ހެދުނު ގޯހަކުން ވިކްޓާ ކްރިސްޓިއަންސެން ދިން ބޯޅަ، ދުރުން ފޮނުވާލައިގެން ޑެންމާކަށް އެ ގޯލު ކާމިޔާބުކޮށްދިނީ މޯޓެން ހިޖޫލްމަންޑް. އޭނާގެ ބާރު ހަމަލާ ގޯލުގެ ތެރެއަށް ވަދެފައިވަނީ އިންގްލެންޑް ގޯލުގެ އަރިމަތީ ދަނޑީގައި ޖެހިފައި.

'29 - ޕެނަލްޓީ އޭރިއާ ތެރެއިން ޑެންމާކް ފޯވަޑް ރަސްމުސް ހޮއިލުންޑަށް ރަނގަޅު ބޯޅައެއް ލިބުނު ނަމަވެސް، އެ ފުރުސަތުގެ ބޭނުމެއް ނުހިފުނު. އިންގްލެންޑް ޑިފެންޑަރުންގެ ޕްރެޝަރާ ގުޅިގެން އޭނާ އަތުން ވަނީ ބޯޅަ ގެއްލިފައި.

'26 - ބުކަޔޯ ސަކާއަށް ކުރި ފައުލަކާ ގުޅިގެން ޑެންމާކްގެ ޔެނިކް ވެސްޓަގާޑްއަށް ރީނދޫ ކާޑެއް.

'25 - ޑެންމާކްގެ ހަމަލާއެއް. ގޯލު ކުރިމައްޗަށް ހުރަސްވި ބޯޅަައަކުން ޕެނަލްޓީ އޭރިއާ ތެރޭ ހުރެ ޖޮނަސް ވިންޑް ބޮލުން ފޮނުވާލި ހަމަލާގައި މާބޮޑު ނުރައްކަލެއް ނެތް، އިންގްލެންޑް ކީޕަރު ޖޯޑަން ޕިކްފޯޑް ވަނީ އެ ބޯޅަ ފަސޭހަކަމާއެކު ހޯދާފައި.

'23 - އިންގްލެންޑުން ލީޑު ނެގުމާއެކު ޑެންމާކްގެ އެޓޭކް ވަރުގަދަކޮށްފި. ނަމަވެސް އިންގްލެންޑްގެ ޑިފެންސުން ފުރުސަތެއް ނުދޭ.

'18 - އިންގްލެންޑުން ގޯލެއް ޖަހައި ލީޑު ހޯދައިފި. ކައިލް ވޯކާ ދިން ބޯޅަ، ޕެނަލްޓީ އޭރިއާ ތެރެއިން ޑެންމާކްގެ ޑިފެންޑަރުންނަށް ރަނގަޅަށް ދިފާއުނުކުރެވުމާއެކު އިންގްލެންޑަށް އެ ގޯލު ކާމިޔާބުކޮށްދިނީ ކެޕްޓަން ހެރީ ކޭން. އޭނާއަށް ބޯޅަ ލިބުނު އިރު، ޑެންމާކްގެ ޕެނަލްޓީ އޭރިއާ ތެރޭ ހުރީ ވަރަށް ހުސްކޮށް.

'17 - އިންގްލެންޑްގެ އިތުރު ހަމަލާއެއް. ޕެނަލްޓީ އޭރިއާ ބޭރުން ކެޕްޓަން ހެރީ ކޭން ފޮނުވާލި ހަމަލާ، ޑެންމާކް ޑިފެންޑަރު ޔޯކިމް އެންޑަސަން ވަނީ ބްލޮކްކޮށްފައި.

'13 - އިންގްލެންޑަށް ހުސް ފުރުސަތެއް. ކައި ވޯކާ ދިން ބޯޅައަކުން ޑެންމާކްގެ ޑިފެންޑަރެއް ކައިރިން ނައްޓާލައި ޕެނަލްޓީ އޭރިއާ ތެރެއަށް ވަނުމަށްފަހު ފިލް ފޮޑެން ފޮނުވާލި ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

'7 - މެޗު ރަނގަޅަށް ފެށީ ޑެންމާކުން. އިންގްލެންޑަށް އަދި ރަނގަޅަށް ބޯޅަ ހިފަހައްޓައިގެން އެޓޭކެއް އުފެއްދިފައެއް ނުވޭ. ފުރަތަމަ ފަސް މިނެޓް ތެރޭގައި ޑެންމާކުން ދިޔައީ އިންގްލެންޑަށް ޕްރެޝަރު ކުރަމުން.

'1 - ޑެންމާކުގެ ހަމަލާއެއް. ޕިއޭ-އެމީލް ހޮއިބިއޭ އޭރިއާ ބޭރުން ފޮނުވާލި ހަމަލާ މަތަކުރީ އިންގްލެންޑްގެ ގޯލްކީޕަރު ޖޯޑަން ޕިކްފޯޑު.

މެޗުގެ ކުޅުން ފަށައިފި. ކިކް އޯފް ކުރީ އިންގްލެންޑުން.

އިންގްލެންޑްގެ ފުރަތަމަ 11

ޑެންމާކުގެ ފުރަތަމަ 11