ޔޫރޯ 2024 ލައިވް: ތުރުކީ 3-1 ޖޯޖިއާ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 3-1 ގެ ނަތީޖާއަކުން ތުރުކީ ކުރީގައި އޮވެގެން.

'90+7 - ތުރުކީން އިތުރު ގޯލެއް ޖަހައި ލީޑު ހޯދައިފި. ކީޕަރު ހިމެނޭހެން ކޯނަރަށް ޖޯޖިއާގެ ހުރިހާ ކުޅުންތެރިން އަރާފައި ވަނިކޮށް ލިބުނު ބޯޅައެއް ހިފައިގެން ކުރިއަށް ގޮސް ހުސް ގޯލަށް ފޮނުވާލައިގެން ތުރުކީއަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ކެރެމް އަކްޓުރްކޮގްލޫ.

'90+6 - ޖޯޖިއާއަށް އިތުރު ފުރުސަތެއް. ގޯލުގެ އަރިމަތީ ދަނޑީގައި ޖެހިފައި ނުކުތް ބޯޅައަކުން ޕެނަލްޓީ އޭރިއާ ތެރެއިން ޒުރިކޯ ޑަވިޓަޝްވިލީ ފޮނުވާލި ހަމަލާ، ތުރުކީ ޑިފެންޑަރު ސަމެތު އަކޭޑިން ވަނީ ބްލޮކްކޮށްފައި.

'90+4 - ނަތީޖާ ހަމަހަމަކުރުމަށް ޖޯޖިއާއަށް ހުސް ފުރުސަތެއް. ކިވިޗާ ކުވަރަޓްސްކޭލިއާ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ގިއޯގީ ކޮޗޮރަޝްވިލީ ފޮނުވާލި ހަމަލާ، ތުރުކީގެ ގޯލާ އަމާޒުވެފައެއް ނުވޭ.

'90+1 - ތުރުކީގެ ބަދަލެއް. ޗަލަނޯލޫގެ ބަދަލުގައި ކުޅެން ނުކުތީ ސާލިހް އޯޒްޗޭން.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'86 - ތުރުކީގެ ނުރައްކަލެއް. މެހްމެތު ޒެކީ ސެލިކް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ޔޫސުފް ޔަޒީކީ ބޮލުން ފޮނުވާލި ހަމަލާ، ޖޯޖިއާ ކީޕަރު މަމަރްދަޝްވިލީ ވަނީ ހުޝިޔާރުކަމާއެކު މަތަކޮށްފައި.

'85 - ތުރުކީން ވެސް އިތުރު ދެ ބަދަލު. މުލްދޫރް އާއި ޔިލްދީޒްގެ ބަދަލުގައި ކުޅެން ނުކުތީ މެހްމެތު ޒެކީ ސެލިކް އަދި ކެރެމް އަކްޓުރްކޮގްލޫ.

'85 - ޖޯޖިއާގެ ބަދަލެއް. ސޮލޮމޮން ކިވެރްކްވެލިޔާގެ ބަދަލުގައި ކުޅެން ނުކުތީ ބުޑޫ ޒިވްޒިވަޑްޒޭ.

'79 - ތުރުކީގެ ދެ ބަދަލެއް. ގުލާ އާއި އައިހާންގެ ބަދަލުގައި ކުޅެން ނުކުތީ މެރީހް ޑެމިރާލް އަދި ޔޫސުފް ޔަޒިޗީ.

'74 - ޖޯޖިއާގެ ދެ ބަދަލެއް. ޗަކްވެޓަޑްޒޭ އާއި ސިޓައިޝްވިލީގެ ބަދަލުގައި ކުޅެން ނުކުތީ ލޫކާ ލޮޗޮޝްވިލީ އަދި ޒުރިކޯ ޑަވިޓަޝްވިލީ.

'70 - ޖޯޖިއާއަށް ހުސް ފުރުސަތެއް. ޕެނަލްޓީ އޭރިއާ ތެރޭ ހުސްކޮށް ހުރެ ގިއޯގީ ޗަކްވެޓަޑްޒޭ ފޮނުވާލި ހަމަލާ، އަމާޒުވީ ތުރުކީ ގޯލުގެ ހުރަސް ދަނޑިއަށް.

'69 - ތުރުކީއަށް އިތުރު ފުރުސަތެއް. ފެރްދީ ކަޑިއޮގްލޫ ދިން ބޯޅައަކުން ޕެނަލްޓީ އޭރިއާ ތެރެއިން އޮރްކުން ކުޗޫ ފޮނުވާލި ހަމަލާ ޖޯޖިއާގެ ގޯލާ އަމާޒުވެފައެއް ނުވޭ، އެ ބޯޅަ އޭނާގެ ފަޔަށް ރަނގަޅަށް އަރައިފައެއް ނުވޭ.

'65 - ތުރުކީން އިތުރު ގޯލެއް ޖަހައި އަލުން ލީޑު ހޯދައިފި. ޕެނަލްޓީ އޭރިއާ ބޭރުން ފޮނުވާލި ހަމަލާއަކުން ތުރުކީއަށް އެ ގޯލު ކާމިޔާބުކޮށްދިނީ އަރްދާ ގުލާ. އޭނާ ވަނީ ވަރަށް ރީތިކޮށް އެ ބޯޅަ، ޖޯޖިއާ ގޯލުގެ މަތީ ކަނަށް އަމާޒުކޮށްލާފައި.

'63 - ޖޯޖިއާގެ ހަމަލާއެއް. ސިޓައިޝްވިލީ ދިން ބޯޅައަކުން ކިވިޗާ ކްވަރަޓްސްކޭލިއާ ފޮނުވާލި ހަމަލާ ދިޔައީ ތުރުކީގެ ގޯލާ އަމާޒު ނުވެ ބޭރަށް، އެ ބޯޅަަ އޭނާގެ ފަޔަށް ރަނގަޅަށް އަރައިފައެއް ނުވޭ.

'57 - ތުރުކީގެ ހިލޭ ޖެހުން ނުރައްކާ. ތުރުކީ ކެޕްޓަން ހަކާން ޗަލަނޯލޫ ފޮނުވާލި ބާރު ހިލޭ ޖެހުން، ޖޯޖިއާގެ ކީޕަރު މަމަރްދަޝްވިލީ ވަނީ މަތަކޮށްފައި.

'56 - ކާން އައިހާންއަށް ކުރި ފައުލަކާ ގުޅިގެން ޖޯޖިއާގެ ގިއޯގީ ކޮޗޮރަޝްވިލީއަށް ރީނދޫ ކާޑެއް، ތުރުކީއަށް ހިލޭ ޖެހުމެއް.

'52 - ޖޯޖިއާގެ ނުރައްކަލެއް. ކިވްޗާ ކަވަރަޓްސްކޭލިއާ ދިން ބޯޅައަކުން ޕެނަލްޓީ އޭރިއާ ތެރެއިން މިކައުޓަޑްޒޭ ފޮނުވާލި ހަމަލާ، ތުރުކީގެ ޑިފެންސުން ވަނީ ބްލޮކްކޮށްފައި.

'49 - ޖޯޖިއާގެ ހަމަލާއެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން ހިއޮރްހީ ޝިޓައިޝްވިލީ ފޮނުވާލި ހަމަލާ އަމާޒުވީ ތުރުކީ ކީޕަރު ގުނޮކްއާ ދިމާއަށް.

'46 - ތުރުކީއަށް ހުސް ފުރުސަތެއް. ބަރިސް އަލްޕާ ޔިލްމާޒް ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ މެރްތު މުލްދޫރް ޖައްސާލި ބޯޅައިގައި ބާރެއް ނެތް، ޖޯޖިއާގެ ކީޕަރު މަމަރްދަޝްވިލީ ވަނީ އެ ބޯޅަ ފަސޭހަކަމާއެކު ހޯދާފައި.

ދެވަނަ ހާފުގެ ކުޅުން ފެށީ ތުރުކީން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

'35 - ލީޑު ހޯދުމަށް ޖޯޖިއާއަށް ހުސް ފުރުސަތެއް. އޮޓާރް ކަކަބަޑްޒޭ ދިން ބޯޅައަކުން ޕެނަލްޓީ އޭރިއާ ތެރެއިން މިކައުޓަޑްޒޭ މިފަހަރު ފޮނުވާލި ހަމަލާ ތުރުކީގެ ގޯލާ އަމާޒުވެފައެއް ނުވޭ.

'33 - ޖޯޖިއާ އިން ގޯލެއް ޖަހައި ނަތީޖާ ހަމަހަމަކޮށްފި. ގިއޯގީ ކަޗޮރަޝްވިލީ ދިން ބޯޅައަކުން ޖޯޖިއާއަށް އެ ގޯލު ކާމިޔާބުކޮށްދިނީ ޖޯޖެސް މިކައުޓަޑްޒޭ. ޕެނަލްޓީ އޭރިއާ ތެރެއިން އޭނާ ގޯލަށް ބޯޅަ ފޮނުވާލީ ހަނި އޭންގަލަކުން.

'27 - ތުރުކީގެ ކެނާން ޔިލްދީޒް، ޖޯޖިއާގެ ގޯލުގެ ތެރެއަށް ބޯޅަ ފޮނުވާލި ނަމަވެސް، ވީއޭއާރްގެ އެހީގައި ރެފްރީ ނިންމީ ޔިލްދީޒް އޮފްސައިޑް މަގާމެއްގައި ހުރި ކަމަށް.

'25 - ތުރުކީގެ ރީތި ގޯލެއް. ތުރުކީއަށް އެ ގޯލު ކާމިޔާބުކޮށްދިނީ މެރްތު މުލްދޫރް. ޖޯޖިއާގެ ޑިފެންޑަރުންނަށް ރަނގަޅަށް ދިފާއުނުކުރެވި ޕެނަލްޓީ އޭރިއާ ބޭރު ރޮނގުމަތިން ލިބުނު ބޯޅަ، މުލްދޫރް ވަނީ ވަރަށް ރީތިކޮށް ގޯލުގެ ތެރެއަށް ފޮނުވާލާފައި.

'21 - ތުރުކީގެ އިތުރު ހަމަލާއެެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން ކެޕްޓަން ހަކާން ޗަލަނޯލޫ އެނބުރިލާފައި ފޮނުވާލި ހަމަލާ ދިޔައީ ޖޯޖިއާ ގޯލުގެ އަރިމަތީ ދަނޑި ކައިރިން ބޭރަށް.

'14 - ތުރުކީގެ ހަމަލާއެއް. ޕެނަލްޓީ އޭރިއާ ތެރޭ އަރިމަތިން ލިބުނު ބޯޅައަކުން ކެނާން ޔިލްދީޒް ފޮނުވާލި ހަމަލާ، ޖޯޖިއާގެ ކީޕަރު ގިއޯޖީ މަމަރްޑަޝްވިލީ ވަނީ މަތަކޮށްފައި.

'12 - ޖޯޖިއާގެ ނުރައްކަލެއް. ޕެނަލްޓީ އޭރިއާ ބޭރުން ލިބުނު ބޯޅައަކުން އަންޒޯރް މެކްވަބިޝްވިލީ ފޮނުވާލި ހަމަލާ، ޑިފެންޑަރެއްގެ ގައިގައި ޖެހި ގޯލާ އަމާޒުވާން ދަނިކޮށް ތުރުކީގެ ކީޕަރު މެރްތު ގުނޮކް ވަނީ މަތަކޮށްފައި.

'11 - ތުރުކީގެ ނުރައްކާތެރި ހަމަލާއެއް. ޔެނާން ޔިލްދީޒް ދިން ބޯޅައަކުން ޕެނަލްޓީ އޭރިއާ ބޭރުން ކާން އައިހާން ފޮނުވާލި ބާރު ހަމަލާ އަމާޒުވީ ޖޯޖިއާ ގޯލުގެ އަރިމަތީ ދަނޑިއަށް.

'10 - ކޯނަރަކުން ތުރުކީގެ އިތުރު ނުރައްކަލެއް. އަރްދާ ގުލާ ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ އަބްދުލްކަރީމް ބަރްދާޗީ ފޮނުވާލި ހަމަލާ ވެސް ޖޯޖިއާގެ ގޯލާ އަމާޒުވެފައެއް ނުވެ.

'6 - ތުރުކީގެ ހަމަލާއެއް. ކެޕްޓަން ހަކާން ޗަލަނޯލޫ ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ކާން އައިހާން ބޮލުން ފޮނުވާލި ހަމަލާ، ޖޯޖިއާގެ ގޯލާ އަމާޒުވެފައެއް ނުވޭޭ.

'4 - ތުރުކީއަށް ފުރުސަތެއް. އަރިމަތިން ނަގައިދިން ހުރަސް، ޕެނަލްޓީ އޭރިއާ ތެރެއިން ތުރުކީގެ އޯކުން ކުޗޫގެ ބޮލުގައި ލައްވާލާ ގޮތް ވެފައެއް ނުވޭ.

މެޗުގެ ކުޅުން ފަށައިފި. ކިކްއޯފް ކުރީ ޖޯޖިއާ އިން.

ޖޯޖިއާގެ ފުރަތަމަ 11:

ތުރުކީގެ ފުރަތަަމަ 11: