ޔޫރޯ 2024 ލައިވް: ބެލްޖިއަމް 0-1 ސްލޮވޭކިއާ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-0 ގެ ނަތީޖާއަކުން ސްލޮވާކިއާ ކުރީގައި އޮވެގެން.

'90+4 - ސްލޮވާކިއާގެ ބަދަލެއް. ޑޫޑާގެ ބަދަލުގައި ކުޅެން ނުކުތީ އެޑަމް އޯބާޓް.

'90+3 - ބެލްޖިއަމްގެ ހަމަލާއެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ޑި ބްރޭނާ ފޮނުވާލި ހަމަލާ، ސްލޮވާކިއާ ކީޕަރު ޑުބްރާވްކާ ވަނީ މަތަކޮށްފައި.

'90+2 - ލުކާކޫ ދިން ބޯޅަ، ޕެނަލްޓީ އޭރިއާ ތެރެއިން އޮޕެންޑާއަށް ލިބުމުގެ ކުރިން ސްލޮވާކިއާގެ ކީޕަރު ޑުބްރާވްކާ އެ ބޯޅަ ހޯދައިފި.

ދެވަނަ ހާފުގެ އިތުރު ވަގުތުގެ ގޮތުގައި ހަތް މިނެޓުގެ ކުޅުން ދައްކައިފި.

'88 - ވީއޭއާރަށް ބެލުމަށްފަހު ރެފްރީ ނިންމީ ބެލްޖިއަމްގެ ގޯލެއް ނޫން ކަމަށް. ރެފްރީ އެ ނިންމުން ނިންމާފައިވަނީ ބޯޅަ ހޯދުމުގެ ތެރޭގައި އޮޕެންޑާގެ އަތުގައި ބޯޅަ ޖެހިފައިވުމުން.

'87 - ބެލްޖިއަމުން ގޯލެއް ޖަހައި ނަތީޖާ ހަމަހަމަކޮށްފި. އިކޯމާ ލޮއިސް އޮޕެންޑާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަމަލާއަކުން ބެލްޖިއަމަށް އެ ގޯލު ކާމިޔާބުކޮށްދިނީ ލުކާކޫ.

'85 - ހެންކޯއަށް ކުރި ފައުލަކާ ގުޅިގެން ބަދަލު ކުޅުންތެރިއެއްގެ ގޮތުގައި މިނެޓެއް ކުރިން ކުޅެން ނުކުތް ބެލްޖިއަމްގެ ޑޯޑީ ލުކެބާކިއޯއަށް ރީނދޫ ކާޑެއް.

'84 - ބެލްޖިއަމްގެ ދެ ބަދަލެއް. ޑޯކޫ އާއި ކަރަސްކޯގެ ބަދަލުގައި ކުޅެން ނުކުތީ ޑޯޑީ ލުކެބާކިއޯ އަދި އިކޯމާ ލޮއިސް އޮޕެންޑާ.

'81 - ސްލޮވާކިއާގެ ބަދަލެއް. ސްލޮވާކިއާއަށް ގޯލު ޖަހައިދިން ޝްރާންޒްގެ ބަދަލުގައި ކުޅެން ނުކުތީ ޑޭވިޑް ޑުރިސް.

'80 - ބެލްޖިއަމްގެ ހަމަލާއެއް. ޑި ބްރޭނާ ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، އޮނާނާ ބޮލުން ފޮނުވާލި ހަމަލާ، ސްލޮވާކިއާގެ ގޯލާ އަމާޒުވެފައެއް ނުވޭ.

'76 - ސުސްލޯވްއަށް ކުރި ފައުލަކާ ގުޅިގެން ބެލްޖިއަމްގެ ޓީލެމަންސްއަށް ރީނދޫ ކާޑެއް.

'74 - ބެލްޖިއަމްގެ ބަދަލެއް. ޓްރޮސާޑްގެ ބަދަލުގައި ކުޅެން ނުކުތީ ޔޫރޯ ޓީލެމެންސް.

'70 - ސްލޮވާކިއާ އިން ދެ ބަދަލެއް. ބޮޒެނިކް އާއި ހަރާސްލިންގެ ބަދަލުގައި ކުޅެން ނުކުތީ ތޯމަސް ސުސްލޯވް އަދި ޑޭވިޑް ސްޓެރެލެޗް.

'63 - ބެލްޖިއަމަށް ރަނުގެ ފުރުސަތެއް. ޑޯކޫ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ޔޮހާން ބަކަޔޯކޯ ފޮނުވާލި ހަމަލާ، ގޯލު ލައިންމަތިން ސްލޮވާކިއާގެ ޑޭވިޑް ހެންކޯ ވަނީ ދިފާއުކޮށްފައި.

'62 - ބެލްޖިއަމަށް ހުސް ފުރުސަތެއް. ޑި ބްރޭނާ ދިން ރީތި ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ލުކާކޫ ފޮނުވާލި ހަމަލާ، ސްލޮވާކިއާގެ ގޯލާ އަމާޒުވެފައެއް ނުވޭ.

'61 - ބެލްޖިއަމްގެ އެޓޭކު ވަރުގަދަ. ކޯނަރެއްގެ ތެރެއިން ކަރަސްކޯއަށް ލިބުނު ބޯޅައަކުން އޭނާ ފޮނުވާލި ހަމަލާ ވަނީ ބްލޮކްވެފައި.

'59 - ބެލްޖިއަމްގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ޓްރޮސާޑް ފޮނުވާލި ބާރު ހަމަލާ، ސްލޮވާކިއާގެ ކީޕަރު ޑުބްރާވްކާ ވަނީ ހުޝިޔާރުކަމާއެކު މަތަކޮށްފައި.

'58 - ބެލްޖިއަމްގެ ބަދަލެއް. އޮރެލް މަންގާލާގެ ބަދަލުގައި ކުޅެން ނުކުތީ ޔޮހާން ބަކަޔޯކޯ.

'57 - ކޯނަރެއްގެ ތެރެއިން އަމަޑޫ އޮނާނާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ލުކާކޫ، ސްލޮވާކިއާގެ ގޯލުގެ ތެރެއަށް ބޯޅަ ފޮނުވާލައިފި. ނަމަވެސް ވީއޭއާރުގެ އެހީގައި ރެފްރީ ނިންމީ ލުކާކޫ އޮފްސައިޑް މަގާމެއްގައި ހުރި ކަމަށް.

'55 - ބެލްޖިއަމަށް ހުސް ފުރުސަތެއް. ޓްރޮސާޑް ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ލުކާކޫ ފޮނުވާލި ހަމަލާ، ސްލޮވާކިއާ ކީޕަރު ޑުބްރާވްކާ ވަނީ މަތަކޮށްފައި.

'52 - ސްލޮވާކިއާގެ އިތުރު ހަމަލާއެއް. ޑެނިސް ވަވްރޯ ދުރުން ފޮނުވާލި ބާރު ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑިކައިރިން ބޭރަށް.

'47 - ސްލޮވާކިއާގެ ހަމަލާއެއް. ޕެނަލްޓީ އޭރިއާ ބޭރުން ލޫކަސް ހަރަސްލިން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

މެޗުގެ ދެވަނަ ހާފު ފެށީ ބެލްޖިއަމުން.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ސްލޮވާކިއާ ކުރީގައި އޮވެގެން.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

'43 - ބެލްޖިއަމަށް ހުސް ފުރުސަތެއް. ޕެނަލްޓީ އޭރިއާ ތެރެއިން ލިބުނު ބޯޅަ، ރަނގަޅަށް ކޮންޓްރޯލު ނުކުރެވިގެން ލުކާކޫއަށް އެ ބޯޅައިގައި ބޭނުން ހިފޭ ގޮތް ވެފައެއް ނުވޭ.

'39 - ސްލޮވޭކިއާގެ ނުރައްކާތެރި ހަމަލާއެއް. އޭރިއާ ތެރެއަށް ހުރަސްވެގެން އައި ބޯޅަ ވައިގެ ތެރޭގައި އޮއްވާ ހަރެސްލިން ފޮނުވާލި ވޮލީ މަތަކުރީ ބެލްޖިއަމްގެ ކީޕަރު ކަސްޓީލްސް. މޮޅު ސޭވެއް.

'36 - ބެލްޖިއަމްއަށް ފުރުސަތެއް. ޑި ބްރޭނާ ނެގި ބޯޅައިން އޮނާނާ ބޮލުން ޖެހި ނަމަވެސް ދިޔައީ ކީޕަރު އަތަށް.

'31 - ސްލޮވާކިއާގެ ހަމަލާއެއް. ލޫކަސް ހަރަސްލިން ދިން ބޯޅައަކުން ޕެނަލްޓީ އޭރިއާ ބޭރުން ރޮބާޓް ބޮޒެނިކް ފޮނުވާލި ހަމަލާ އަމާޒުވީ ބެލްޖިއަމް ކީޕަރު ކޮއެން ކަސްޓީލްސްއާ ދިމާއަށް.

29 - މެޗުގެ ފުރަތަމަ ރީނދޫ ކާޑު ބެލްޖިއަމަށް. ބެލްޖިއަމްގެ އޮރެލް މަންގާލާއަށް ރީނދޫ ކާޑު ދެއްކީ ސްލޮވާކިއާގެ ލޫކަސް ހަރަސްލިންއަށް ކުރި ފައުލަކާ ގުޅިގެން.

'21 - ބެލްޖިއަމްއަށް ފުރުސަތެއް. ސްލޮވޭކިއާގެ ގޯލްކީޕަރު ޑުބްރުވާކާއަށް ހެދުނު ގޯހަކުން އޭރިއާ ބޭރުން ލެއާންޑްރޯ ޓްރޮސާޑަށް ލިބުނު ބޯޅަ އޭނާ ދުރުން ފޮނުވާލި ނަމަވެސް، ބޯޅަ ދިޔައީ މަތިން ބޭރަށް.

'16 - ބެލްޖިއަމްގެ ހަމަލާއެއް. ޖެރެމީ ޑޮކޫ އަރިމަތިން ވަދެ ފޮނުވާލި ހަމަލާ ބްލޮކް ކުރީ ޑޭވިޑް ހެންކޯ.

'13 - ބެލްޖިއަމްއަށް ފުރުސަތެއް. ކެވިން ޑި ބްރޭނާ ނަގައިދިން ހުރަސް ނުރައްކާތެރިކޮށް ހުރަސްވެގެން ދިޔަ ނަމަވެސް އެއްވެސް ކުޅުންތެރިޔަކަށް ރަނގަޅަށް ބޯޅައިގައި ޖެއްސޭ ގޮތެއް ނުވި.

'7 - ސްލޮވޭކިއާއިން ގޯލު ޖަހައި ލީޑު ނަގައިިފި. ބެލްޖިއަމްގެ ފަހަތުން ހެދުނު ގޯހެއްގެ ބޭނުންހިފައި، ކުޗްކާ ޖެހި ބޯޅަ ބެލްޖިއަމް ކީޕަރު ކަސްޓީލްސް މަތަކުރި ނަމަވެސް، އަރިމައްޗަށް ދިޔަ ރީބައުންސް ބޯލައިގައި އިވާން ޝަންރޭންޒް ފޮނުވާލި ބޯޅަ ވަނީ ތިރިތިރީން ގޯލަށް ވައްދާލައިފައި.

'3 - ބެލްޖިއަމްއަށް ހުސް ފުރުސަތެއް. ޖެރެމީ ޑޮކޫ ތިން ކުޅުންތެރިން ނައްޓާލައިފައި އޭރިއާ ތެރެއަށް ވަދެ ފޮނުވާލަން މަސައްކަތް ކުރި ބޯޅަ، ކެވިން ޑި ބްރޭނާ ޖައްސާލުމުން ލިބުނީ ރޮމެލޫ ލުކާކޫއަށް. ލުކާކޫ ފޮނުވާލި ބޯޅަ ބޭރުވީ ކީޕަރު ޑިބްރުވާކާ ގައިގައި ޖެހިފައި.

މެޗުގެ ކުޅުން ފަށައިފި. ކިކްއޯފް ކުރީ ސްލޮވޭކިއާ.

ސްލޮވޭކިއާގެ ފުރަތަމަ 11

ބެލްޖިއަމްގެ ފުރަތަމަ 11