ޔޫރޯ 2024 ލައިވް: ޕޮލެންޑް 1-2 ނެދަލޭންޑްސް (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 2-1ގެ ނަތީޖާއަކުން ނެދަލެންޑްސް ކުރީގައި އޮވެގެން.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'89 - ޕޮލެންޑުގެ ނުރައްކާތެރި ހަމަލާއެއް. ޔަކުބް ޕޮޓްރޮވްސްކީ ދިން ބޯޅައަކުން ޕެނަލްޓީ އޭރިއާ ތެރެއިން ކެރޮލް ސްވިޑާސްކީ ފޮނުވާލި ހަމަލާ، ނެދަލެންޑްސް ކީޕަރު ވާބްރުގެން ވަނީ މަތަކޮށްފައި.

'87 - ނެދަލެންޑްސް އިން ވެސް ބަދަލެއް. އަކޭގެ ބަދަލުގައި ކުޅެން ނުކުތީ މިކީ ވެން ޑެ ވެން.

'86 - ޕޮލެންޑުން ބަދަލެއް. ބާޓޯޒް ސަލަމޮންގެ ބަދަލުގައި ކުޅެން ނުކުތީ ބާޓޯޒް ބެރެޒީންސްކީ.

'83 - ނެދަލެންޑްސް އިން ގޯލެއް ޖަހައި ލީޑު ހޯދައިފި. ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ނެދަލެންޑްސްއަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ވެގްހޯސްޓް. އޭނާގެ ހަމަލާ އަމާޒުކޮށްލާފައިވަނީ ޕޮލެންޑް ގޯލުގެ ތިރީ ކަނަކަށް.

'81 - ނެދަލެންޑްސް އިން ދެ ބަދަލެއް. ޑިޕާއީ އާއި ގަކްޕޯގެ ބަދަލުގައި ކުޅެން ނުކުތީ ވޫޓް ވެގްހޯސްޓް އަދި ޖެރެމީ ފްރިމްޕޮންގް.

'77 - ޕޮލެންޑުން ބަދަލެއް. ޒީލިންސްކީގެ ބަދަލުގައި ކުޅެން ނުކުތީ ޔަކުބް ޕިއޮޓްރޮވްސްކީ.

'73 - ނެދަލެންޑްސްއަށް ރަނގަޅު ފުރުސަތެއް. ޑިޕާއީ ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ސްޓެފަން ޑި ވްރައި ބޮލުން ފޮނުވާލި ހަމަލާ ދިޔައީ ޕޮލެންޑް ގޯލުގެ ހުރަސް ދަނޑިމަތިން ބޭރަށް.

'70 - ނެދަލެންޑްސްއަށް އިތުރު ފުރުސަތެއް. ޑިޕާއީ ދިން ބޯޅައަކުން ޕެނަލްޓީ އޭރިއާ ތެރެއިން ޑަމްފްރީސް ފޮނުވާލި ހަމަލާ، ޕޮލެންޑް ކީޕަރު ޝެޒްނީ ވަނީ މަތަކޮށްފައި.

'65 - ނެދަލެންޑްސްއަށް ރަނގަޅު ފުރުސަތެއް. ޑޮންޔެލް މަލެން ދިން ބޯޅައަކުން ޕެނަލްޓީ އޭރިއާ ތެރެއިން ޑެންޒެލް ޑަމްފްރީސް ފޮނުވާލި ހަމަލާ ދިޔައީ ޕޮލެންޑް ގޯލުގެ އަރިމަތީ ދަނޑިކައިރިން ބޭރަށް.

'62 - ނެދަލެންޑްސްގެ ދެ ބަދަލެއް. ޒަވީ ސިމޮންސް އާއި ވާމަންގެ ބަދަލުގައި ކުޅެން ނުކުތީ ޖޯޖީނިއޯ ވައިނަލްޑަމް އަދި ޑޮންޔެލް މަލެން.

'61 - ޕޮލެންޑުގެ އިތުރު ހަމަލާއެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން ޒަލެވްސްކީ ފޮނުވާލި ހަމަލާ، ނެދަލެންޑްސްގެ ގޯލާ އަމާޒުވެފައެއް ނުވޭ.

'59 - ޕޮލެންޑްގެ ނުރައްކާތެރި ހަމަލާއެއް. ނިކޮލާ ޒަލެވްސްކީ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުސްކޮށް ހުރެ ޔަކުބް ކިވިއޯ ފޮނުވާލި ހަމަލާ، ނެދަލެންޑްސްގެ ކީޕަރު ވާބްރުގެން ވަނީ މަތަކޮށްފައި. އޭގެ ފަހުން ޕެނަލްޓީ އޭރިއާ ބޭރުން ޕޮލެންޑް ކެޕްޓަން ޒީލިންސްކީ ފޮނުވާލި ހަމަލާގައި ނުރައްކަލެއް ނެތް.

'55 - ޕޮލެންޑުން އިތުރު ދެ ބަދަލު. ކެސްޕާ އުރްބަންސްކީ އާއި ޓެރާސް ރޯމަންޒުކްގެ ބަދަލުގައި ކުޅެން ނުކުތީ ބާޓޯޒް ސްލިޒް އަދި ކެރޯލް ސްވިޑާސްކީ.

'54 - ނެދަލެންޑްސްއަށް ރަނގަޅު ފުރުސަތެއް. ކައުންޓާ އެޓޭކެއްގައި ގަކްޕޯ ދިން ބޯޅައަކުން ޕެނަލްޓީ އޭރިއާ ތެރެއިން ޒަވީ ސިމޮންސް ފޮނުވާލި ހަމަލާ، ޕޮލެންޑްގެ ގޯލާ އަމާޒުވެފައެއް ނުވޭ.

'49 - ނެދަލެންޑްސްގެ ހަމަލާއެއް. ވާމަން ދިން ބޯޅައަކުން ޕެނަލްޓީ އޭރިއާ ބޭރުން ޑިޕާއީ ފޮނުވާލި ހަމަލާ ގޯލާ އަމާޒުވެފައެއް ނުވޭ.

'46 - ޕޮލެންޑުގެ ބަދަލެއް. ޒީމާންސްކީގެ ބަދަލުގައި ކުޅެން ނުކުތީ ޔަކުބް މޮޑާ.

ދެވަނަ ހާފުގެ ކުޅުން ފެށީ ނެދަލެންޑްސް އިން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1ގެ ނަތީޖާއަކުން ދެ ޓީމު އެއްވަރުވެގެން.

'45+1 - ލީޑު ހޯދުމަށް ނެދަލެންޑްސްއަށް ރަނގަޅު ފުރުސަތެއް. އަކޭ ދިން ރީތި ބޯޅައަކުން ޕެނަލްޓީ އޭރިއާ ތެރެއިން ޑިޕާއީ ފޮނުވާލި ހަމަލާ ދިޔައީ ޕޮލެންޑް ގޯލުގެ އަރިމަތީ ދަނޑިކައިރިން ބޭރަށް.

ފުރަތަމަ ހާފުގެ އިތުރު ވަގުތުގެ ގޮތުގައި އެއް މިނެޓުގެ ކުޅުން ދައްކައިފި.

'42 - ނެދަލެންޑްސްގެ ނުރައްކާތެރި ހަމަލާއެއް. ނޭތަން އަކޭ ދިން ބޯޅައަކުން ޕެނަލްޓީ އޭރިއާ ތެރެއިން ކޯޑީ ގަކްޕޯ ފޮނުވާލި ހަމަލާ ދިޔައީ ޕޮލެންޑް ގޯލުގެ ހުރަސް ދަނޑިމަތިން ބޭރަށް.

'31 - ޕޮލެންޑުގެ ނުރައްކަލެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން ޔަކުބް ކިވިއޯ ފޮނުވާލި ބާރު ހަމަލާ، ނެދަލެންޑްސްގެ ކީޕަރު ބާޓް ވާބްރުގެން ވަނީ މަތަކޮށްފައި.

'29 - ނެދަލެންޑްސް އިން ގޯލެއް ޖަހައި ނަތީޖާ ހަމަހަމަކޮށްފި. ޕެނަލްޓީ އޭރިއާ ބޭރުން ފޮނުވާލި ބާރު ހަމަލާއަކުން ނެދަލެންޑްސްއަށް އެ ގޯލު ކާމިޔާބުކޮށްދިނީ ގަކްޕޯ. އޭނާ ފޮނުވާލި ހަމަލާ، ގޯލުގެ ތެރެއަށް ވަދެފައިވަނީ ޕޮލެންޑުގެ ޑިފެންޑަރު ބާޓޯޒް ސަލަމޮންގެ ފައިގައި ޖެހިފައި.

'28 - ނެދަލެންޑްސްގެ ހަމަލާއެއް. ޕޮލެންޑްގެ ޕެނަލްޓީ އޭރިއާ ބޭރުން ގަކްޕޯ ފޮނުވާލި ހަމަލާ ވެސް ޕޮލެންޑްގެ ގޯލާ އަމާޒުވެފައެއް ނުވޭ.

'23 - ނެދަލެންޑްސްއަށް އިތުރު ފުރުސަތެއް. ޒަވީ ސިމޮންސް ދިން ބޯޅައަކުން ޕެނަލްޓީ އޭރިއާ ތެރެއިން މެމްފިސް ޑިޕާއީ ފޮނުވާލި ހަމަލާ، ޕޮލެންޑްގެ ގޯލާ އަމާޒުވެފައެއް ނުވޭ.

'20 - ނެދަލެންޑްސްއަށް ރަނގަޅު ފުރުސަތެއް. ޖޯއީ ވާމަން ނަގައިދިން ހުރަހަކުން ޕެނަލްޓީ އޭރިއާ ތެރެއިން ނެދަލެންޑްސް ކެޕްޓަން ވާޖިލް ވެން ޑައިކް ފޮނުވާލި ހަމަލާ ޕޮލެންޑުގެ ކީޕަރު ޝެޒްނީ ވަނީ މަތަކޮށްފައި.

'16 - ޕޮލެންޑުން ގޯލެއް ޖަހައި ލީޑު ހޯދައިފި. ޕިއޮޓާ ޒީލިންސްކީ ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ޕޮލެންޑަށް އެ ގޯލު ކާމިޔާބުކޮށްދިނީ އެޑަމް ބުކްސާ.

'14 - ނެދަލެންޑްސްގެ އިތުރު ހަމަލާއެއް. ޕެނަލްޓީ އޭރިއާ ބޭރުން ޒަވީ ސިމޮންސް ފޮނުވާލި ހަމަލާ ދިޔައީ ޕޮލެންޑް ގޯލުގެ އަރިމަތީ ދަނޑި ކައިރިން ބޭރަށް.

މެޗުގެ ފުރަތަމަ ދިހަ މިނެޓުގެ ތެރޭ ނެދަލެންޑްސްގެ އެޓޭކް ފެންނަނީ ވަރަށް ނުރައްކާކޮށް. ހާއްސަކޮށް ކޯޑީ ގަކްޕޯގެ ނުރައްކާ ފާހަގަކޮށްލެވޭ. ޕޮލެންޑްގެ ޑިފެންސް ފެންނަނީ ވަރަށް ބުރަކޮށް މަސައްކަތްކުރަން ޖެހޭ ތަން.

'10 - ނެދަލެންޑްސްއަށް ހުސް ފުރުސަތެއް. ޖާޑީ ޝޫޓެން ދިން ބޯޅައަކުން ޕެނަލްޓީ އޭރިއާ ތެރެއިން ޓިޖާނީ ރެއިންޑާސް ފޮނުވާލި ހަމަލާ ދިޔައީ ޕޮލެންޑް ގޯލުގެ އަރިމަތީ ދަނޑި ކައިރިން ބޭރަށް.

'6 - ޑެންޒެލް ޑަމްފްރީސް ނަގައިދިން ހުރަސް، ޕޮލެންޑުގެ ޕެނަލްޓީ އޭރިއާ ތެރެއިން ނެދަލެންޑްސްގެ ގަކްޕޯއަށް ރަނގަޅަށް ފޮނުވާލެވޭ ގޮތެއް ނުވި.

'3 - މެމްފިސް ޑިޕާއީ ދިން ބޯޅަ، ޕޮލެންޑްގެ ޕެނަލްޓީ އޭރިއާ ތެރެއިން ނެދަލެންޑްސް ފޯވަޑް ގަކްޕޯއަށް ރަނގަޅަށް ކޮންޓްރޯލެއް ނުކުރެވުނު.

'2 - މެޗުގެ ފުރަތަމަ ހަމަލާ ނެދަލެންޑްސް އިން. ޕެނަލްޓީ އޭރިއާ ތެރެއިން ލިބުނު ބޯޅައަކުން ކޯޑީ ގަކްޕޯ ފޮނުވާލި ހަމަލާ، ޕޮލެންޑުގެ ތަޖުރިބާކާރު ކީޕަރު ވޮޖްސިއެޗް ޝެޒްނީ ވަނީ މަތަކޮށްފައި.

މެޗުުގެ ކުޅުން ފަށައިފި. ކިކްއޯފް ކުރީ ޕޮލެންޑުން.

ނެދަލެންޑްސްގެ ފުރަތަމަ 11:

ޕޮލެންޑުގެ ފުރަތަމަ 11: