ޔޫރޯ 2024 ލައިވް: އިޓަލީ 2-1 އަލްބޭނިއާ (ފުލްޓައިމް)

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 2-1ގެ ނަތީޖާއަކުން އިޓަލީ ކުރީގައި އޮވެގެން.

'90+2 - އިޓަލީގެ ބަދަލެއް. ބަރޭލާގެ ބަދަލުގައި ކުޅެން ނުކުތީ މިޝެލް ފޮލޮރުންޝޯ.

ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'90 - އަލްބޭނިއާއަށް ރަނގަޅު ފުރުސަތެއް. ރޭ މަނާއީއަށް ޕެނަލްޓީ އޭރިއާ ތެރެއިން ލިބުނު ބޯޅައަކުން ފޮނުވާލި ހަމަލާ ވަނީ އިޓަލީ ކީޕަރު ޑޮނަރޫމާގެ ގައިގައި ޖެހި ބޯޅަ ބޭރުވެފައި. ނަމަވެސް އަލްބޭނިއާއަށް ކޯނަރެއް ދީފައެއް ނުވޭ.

'87 - އަލްބޭނިއާގެ އިތުރު ބަދަލެއް. ބައިރާމީގެ ބަދަލުގައި ކުޅެން ނުކުތީ އާނެސްޓް މޫޗީ.

'83 - އިޓަލީގެ ދެ ބަދަލެއް. ޑިމާކާ އާއި ސްކަމާކާގެ ބަދަލުގައި ކުޅެން ނުކުތީ މަޓެއޯ ޑާމިއަން އަދި މަޓެއޯ ރަޓެގޫ.

'80 - އިޓަލީގެ ހަމަލާއެއް. ބޯޅަ ހިފައިގެން ކުރިއަށްޖެހި، ޕެނަލްޓީ އޭރިއާ ބޭރުން ޑިމާކޯ ފޮނުވާލި ބޯޅަ، އަލްބޭނިއާގެ ކީޕަރު ސްޓްރަކޯޝާ ވަނީ މާބޮޑު އުނދަގުލެއް ނެތި ހޯދާފައި.

'77 - އިޓަލީން ދެ ބަދަލެއް. ޕެލެގްރިނީ އާއި ކިއޭސާގެ ބަދަލުގައި ކުޅެން ނުކުތީ ބްރަޔަން ކްރިސްޓަންޓޭ އަދި އަންދްރޭ ކެމްބިއާސޯ.

'76 - އަލްބޭނިއާގެ ބަދަލެއް. ބްރޯހާގެ ބަދަލުގައި ކުޅެން ނުކުތީ ރޭ މަނާއީ.

'74 - ފްރަޓޭސީއަށް ކުރި ފައުލަކާ ގުޅިގެން އަލްބޭނިއާގެ ހޮޖާއަށް ރީނދޫ ކާޑެއް.

'69 - އަލްބޭނިއާގެ ދެ ބަދަލެއް. އަސާނީ އާއި ސެފެރީގެ ބަދަލުގައި ކުޅެން ނުކުތީ އާބާ ހޮޖާ އަދި ގާޒިމް ލަޗީ.

'60 - އިޓަލީއަށް ފުރުސަތެއް. ސްކަމާކާ ދިން ބޯޅައަކުން ޕެނަލްޓީ އޭރިއާ ތެރެއިން ކިއޭސާ ފޮނުވާލި ހަމަލާ ދިޔައީ އަލްބޭނިއާ ގޯލުގެ އަރިމަތީ ދަނޑިކައިރިން ބޭރަށް.

'56 - ޑިމާކޯ ދިން ބޯޅައަކުން ޕެނަލްޓީ އޭރިއާ ތެރެއިން އިޓަލީގެ ފްރަޓޭސީ ފޮނުވާލި ހަމަލާ، އަލްބޭނިއާގެ ކީޕަރު ސްޓްރަކޯޝާ މަތަކޮށްފި. ނަމަވެސް ފްރަޓޭސީ ހުރީ ވެސް އޮފްސައިޑް މަގާމެއްގައި.

'54 - ފުރަތަމަ ހާފުގައި ޑިފެންސަށް ވިސްނައިގެން ގިނަ ވަގުތު ފަހަތަށް ފައިބައިގެން ކުޅުނު ނަމަވެސް، ދެވަނަ ހާފުގައި އަލްބޭނިއާގެ ކުޅުން ތަފާތު. ބޯޅަ ލިބުމާއެކު އަލްބޭނިއާ އިން ދަނީ ބޯޅަ ހިފަހައްޓަން މަސައްކަތްކޮށް، އެޓޭކުކުރުމަށް ވެސް މަސައްކަތްކުރަމުން.

'51 - ބްރޯހާއަށް ކުރި ފައުލަކާ ގުޅިގެން އިޓަލީގެ ކަލަފިއޮރީއަށް ރީނދޫ ކާޑެއް، ބްރޯހާއަށް ވެސް ވަނީ ރީނދޫ ކާޑެއް ދައްކާފައި.

ދެވަނަ ހާފުގެ ކުޅުން ފެށީ އިޓަލީން.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-1ގެ ނަތީޖާއަކުން އިޓަލީ ކުރީގައި އޮވެގެން.

'40 - އިޓަލީއަށް އިތުރު ފުރުސަތެއް. ޕެލެގްރިނީ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ސްކަމާކާ ފޮނުވާލި ހަމަލާ، އަލްބޭނިއާގެ ކީޕަރު ސްޓްރަކޯޝާ ވަނީ މަތަކޮށްފައި.

'33 - އިޓަލީއަށް ހުސް ފުރުސަތެއް. ޖިއަންލޫކާ ސްކަމާކާ ދިން ބޯޅައަކުން ޕެނަލްޓީ އޭރިއާ ހުސްކޮށް ހުރެ އަލްބޭނިއާ ކީޕަރު ތޯމަސް ސްޓްރަކޯޝާގެ ބޯމަތިން ޑޭވިޑް ފްރަޓޭސީ ފޮނުވާލި ހަމަލާ އަމާޒުވީ ގޯލުގެ އަރިމަތީ ދަނޑިއަށް.

'28 - އިޓަލީން އަދިވެސް ކުޅެމުންދަނީ ވަރަށް ކުރިއަށް ޖެހިގެން ބޯޅަ ހިފަހައްޓައިގެން. އަލްބޭނިއާ އިން ފަހަތަށް ޖެހިގެން ޑިފެންސްކުރަމުންދާ އިރު، ކައުންޓާ އެޓޭކުތަކުގައި ނުރައްކާކުރުމަށް މަސައްކަތްކުރޭ.

'21 - ބްރޯހާއަށް ކުރި ފައުލަކާ ގުޅިގެން އިޓަލީގެ ޕެލެގްރިނީއަށް ރީނދޫ ކާޑެއް.

'16 - އިޓަލީން އިތުރު ގޯލެއް ޖަހައި ލީޑު ހޯދައިފި. ޕެނަލްޓީ އޭރިއާ ބޭރުން ލިބުނު ބޯޅައަކުން އިޓަލީއަށް އެ ގޯލު ކާމިޔާބުކޮށްދިނީ ނިކޮލާ ބަރޭލާ.

'11 - އިޓަލީން ގޯލެއް ޖަހައި ނަތީޖާ ހަމަހަމަކޮށްފި. ކޯނަރެއްގެ ތެރެއިން ލޮރެންޒޯ ޕެލެގްރިނީ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން އިޓަލީއަށް އެ ގޯލު ކާމިޔާބުކޮށްދިނީ އެލެސެންޑްރޯ ބަސްޓޯނީ.

އިޓަލީން ނަތީޖާ ހަމަހަމަކުރުމަށް މަސައްކަތްތަކެއް ކުރަމުންދިޔަ ނަމަވެސް، އަލްބޭނިއާގެ ޑިފެންސް ފެންނަނީ ވަރަށް ވަރުގަދަކޮށް. އެޓޭކުގައި ކުޅޭ ކުޅުންތެރިން ވެސް އަލްބޭނިއާގެ ޑިފެންސްގައި މަސައްކަތްކުރޭ.

'7 - އަލްބޭނިއާގެ ނުރައްކަލެއް. ޕެނަލްޓީ އޭރިއާ ތެރެއިން އަސާނީ ފޮނުވާލި ހަމަލާ، އިޓަލީގެ ޑިފެންޑަރެއް ގައިގައި ޖެހި ވަނީ ބްލޮކްވެފައި.

'1 - އަލްބޭނިއާ އިން ލީޑު ހޯދައިފި. އިޓަލީ ޑިފެންޑަރު ފެޑެރީކޯ ޑިމާކޯއަށް ހެދުނު ގޯހަކުން ޕެނަލްޓީ އޭރިއާ ތެރެއިން ލިބުނު ބޯޅައަކުން އަލްބޭނިއާއަށް އެ ގޯލު ކާމިޔާބުކޮށްދިނީ ނެދީމް ބައިރާމީ. ހުސްކޮށް ހުރެ އޭނާ ވަނީ ގޯލުގެ ތެރެއަށް ބޯޅަ ފޮނުވާލާފައި. ފުރަތަމަ 23 ސިކުންތުގެ ތެރޭގައި ޖެހި މި ގޯލަކީ ޔޫރޯގެ ތާރީހުގައި ޖެހި އެންމެ އަވަސް ގޯލު.

މެޗުގެ ކުޅުން ފަށައިފި. ކިކްއޯފް ކުރީ އަލްބޭނިއާ އިން.

އަލްބޭނިއާގެ ފުރަތަމަ 11:

އިޓަލީގެ ފުރަތަމަ 11: