އިންޑިއާގެ ފުރަތަމަ އިރުގެ މިޝަން އަންނަ މަހުގެ އިފްތިތާހު ކުރަނީ

އިންޑިއާގެ ފުރަތަމަ އިރުގެ މިޝަން އަންނަ މަހުގެ ދެވަނަ ދުވަހު ލޯންޗު ކުރަން ނިންމައިފިއެވެ.

އިންޑިއާގެ ޖައްވީ އިދާރައާ ބެހޭ މައި އިދާރާ އިސްރޯ އިން ވަނީ އެގައުމުން ހަނދަށް ފޮނުވާލި ''ޗަންދްރަޔާން -3 '' ގެ ކާމިޔާބަށްފަހު ދެން އޮތް މިޝަންގެ މައުލޫމާތު ހިއްސާކޮށް ޓުވީޓެއް ކޮށްފައެވެ.

އިސްރޯ އިން ކޮށްފައިވާ ޓުވީޓުގައި ވާގޮތުން އިންޑިއާއިން އިރުގެ ތަހުލީލުތަކަށް ފޮނުވާ މިޝަން ''އަދިތިޔާ-އެލް 1'' އަކީ ސޯލާ އޮބްޒަވޭޓަރެކެވެ.

އިންޑިއާއިން ރާވާފައިވާ ގޮތަށް ސޯލާ މިޝަން ކުރިޔަށް ގޮސްފިނަމަ އަންނަމަހު ފޮނުވާލާ އުޅަނދު ސޯލާ ސިސްޓަމުގެ ހަލޯ އޭރިއާގައި އޯބިޓް ވާނެ އެވެ. އެއީ ދުނިޔެއާ 1.5 މިލިއަން ކިލޯމީޓަރު ދުރު ހިސާބެކެވެ.

''އަދިތިޔާ-އެލް 1'' މިޝަން ގައި އިރުގެ ހަރަކާތްތައް ބެލުމުގެ އިތުރުން އިރުގެ ސަބަބުން ސޯލާ ސިސްޓަމަށް ދިމާވާ ބަދަލުތައް ބެލުމަށް ވަނީ ހަމަޖެހިފައެވެ.