ހިޔާ މަޝްރޫއު މަޑުޖައްސާލަން އޭސީސީން އަންގައިފި

މި ސަރުކާރުން ފަށާފައިވާ "ހިޔާ މަޝްރޫއު" މަޑުޖައްސާލަން އެންޓި ކޮރަޕްޝަން ކޮމިޝަން (އޭސީސީ)އިން އަންގައިފިއެވެ.

ހިޔާ މަޝްރޫއު މަޑުޖައްސާލުމަށް އޭސީސީން ހައުސިން މިނިސްޓްރީއަށް އަންގާފައިވަނީ އެ މަޝްރޫއާ ގުޅޭ ޝަކުވާތަކެއްގެ މައްސަލަތައް އެ ކޮމިޝަނުން ބަލަމުންދާތީއެވެ.

ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް މިދިޔަ ނޮވެމްބަރު މަހުގެ 17 ވަނަ ދުވަހުގެ ރޭ އިފްތިތާހުކުރި ހިޔާ މަޝްރޫއުގެ ދަށުން 80،000 ރައްޔިތުންނަށް ބޯހިޔާވަހިކަން ކަށަވަރުވެގެންދާނެ ކަމަށް ހައުސިން މިނިސްޓްރީން ބުންޏެވެ.

އެ މަޝްރޫއުގެ ދަށުން ހުޅުމާލޭ ދެވަނަ ފޭސްގައި އިމާރާތް ކުރާ 7000 ފްލެޓަށް އެދުމުގެ ފުރުސަތު ހައުސިން މިނިސްޓްރީން ހުޅުވާލުމުން ގިނަ ބަޔަކު ވަނީ ފޯމް ހުށަހަޅާފައެވެ. ޖުމްލަ 12 ކެޓަގަރީއަކަށް ބަހާލައިގެން ދޫކުރާ އެ ފްލެޓުތަކަށް ފޯމް ހުށަހެޅުމުގެ މުއްދަތު ހަމަވީ އިއްޔެއެވެ.

ހައުސިން މިނިސްޓްރީން ފްލެޓު ދިނުމުގައި ޕީޕީއެމްގެ މީހުންނަށް އުސޫލުތަކާ ޚިލާފަށް ފްލެޓުދޭން އުޅޭ ކަމަށް އިދިކޮޅު އެމްޑީޕީއަށް ނިސްބަތްވާ ބައެއް ބޭފުޅުން އަންނަނީ ތުހުމަތު ކުރަމުންނެވެ. ނަމަވެސް ހައުސިން މިނިސްޓަރު ޑރ. މުހައްމަދު މުއިއްޒު ވަނީ އެކަން ދޮގުކުރައްވާފައެވެ.

ހިޔާ މަޝްރޫއުގެ ދަށުން ފްލެޓްތައް ދޫކުރުމަށް ހަމަޖެހިފައިވަނީ: