އިތުރު 85 މީހުން ރަނގަޅުވެ، ކޮވިޑަށް ޕޮޒިޓިވް މީހުންނަށްވުރެ ބަލީން ފަސޭހަވީ މީހުންގެ އަދަދު އިތުރުވެއްޖެ

އިތުރު 85 މީހުން ރަނގަޅުވެ، ކޮވިޑަށް ޕޮޒިޓިވް މީހުންނަށްވުރެ ބަލީން ފަސޭހަވީ މީހުންގެ އަދަދު އިތުރުވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ރާއްޖޭގައި ކޮވިޑަށް ފަރުވާ ހޯދަމުންދިޔަ އިތުރު 85 މީހަކު ރަނގަޅުވެ، ބަލިން ފަސޭހަވީ މީހުންގެ ޖުމުލަ 1010 އަށް އަރާފައިވާ ކަމަށެވެ.

މިދިޔަ 24 ގަޑިއިރުގެ ތެރޭގައި (އިއްޔެ ހަވީރު 6:00 އިން މިއަދު ހަވީރު 6:00 އަށް) ރާއްޖޭގައި ކޮވިޑަށް ޕޮޒިޓިވްވީ 26 މީހެކެވެ. ރާއްޖޭގައި ޖުމުލަ 1942 މީހަކު ކޮވިޑަށް ޕޮޒިޓިވްވެފައިވާ އިރު، މިހާރު ކޮވިޑަށް ފަރުވާ ހޯދަމުން އަންނަނީ ޖުމުލަ 922 މީހެކެވެ. އެހެންކަމުން ބަލިން ރަނގަޅުވީ މީހުންގެ އަދަދަށްވުރެ ބަލިން ފަސޭހަވީ މީހުންގެ އަދަދު މިވަނީ އިތުރުވެފައެވެ.

ރާއްޖޭގައި ކޮވިޑަށް ޕޮޒިޓިވްވި މީހުންގެ ތެރެއިން އަށް މީހަކު ވަނީ މަރުވެފައެވެ. އެއީ އުމުރުން ދުވަސްވީ ހަތަރު ދިވެއްސަކާއި ބަންގުލަދޭޝްގެ ހަތަރު މީހެކެވެ.