ރާއްޖޭގައި ކޮވިޑު ޖެހުނު އިތުރު ހަތަރު މީހުން ރަނގަޅުވެ ބަލީން ފަސޭހަވީ މީހުންގެ ޖުމުލަ 648 އަށް

ރާއްޖޭގައި ކޮވިޑު ޖެހުނު އިތުރު ހަތަރު މީހުން ރަނގަޅުވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ކޮވިޑަށް ފަރުވާ ހޯދަމުންދިޔަ ޖުމުލަ 648 މީހަކު ބަލިން ރަނގަޅުވެފައިވާ ކަމަށެވެ.

މިދިޔަ 24 ގަޑިއިރުގެ ތެރޭގައި (އިއްޔެ ހަވީރު 6:00 އިން މިއަދު ހަވީރު 6:00 އަށް) ރާއްޖޭގައި ކޮވިޑަށް ޕޮޒިޓިވްވެފައިވަނީ 22 މީހެކެވެ. އެއީ ނުވަ ދިވެއްސަކާއި ބަންގުލަދޭޝްގެ ދިހަ މީހަކާއި އިންޑިއާގެ ތިން މީހެކެވެ. އެއާއެކު ރާއްޖޭގައި ކޮވިޑަށް ޕޮޒިޓިވްވީ މީހުންގެ އަދަދު މިވަނީ 1872 އަށް އަރައިފައެވެ.

ފާއިތުވެދިޔަ ދެ ދުވަހު ވެސް ރާއްޖޭގައި ކޮވިޑަށް ޕޮޒިޓިވްވި މީހުންގެ އަދަދު މަދެވެ. މިދިޔަ އަންގާރަ ދުވަހު 12 މީހަކު ޕޮޒިޓިވްވެފައިވާ އިރު، އިއްޔެ ޕޮޒިޓިވްވެފައިވަނީ ނުވަ މީހެކެވެ.

ރާއްޖޭގައި ކޮވިޑަށް ޕޮޒިޓިވްވި މީހުންގެ ތެރެއިން ހަތް މީހަކު ވަނީ މަރުވެފައެވެ. އެއީ އުމުރުން ދުވަސްވީ ހަތަރު ދިވެއްސަކާއި ބަންގުލަދޭޝްގެ ތިން މީހެކެވެ.