ކޮވިޑަށް ޕޮޒިޓިވް މީހަކު މާލެ ތެރޭން ފެނިއްޖެ

ކޮވިޑަށް ޕޮޒިޓިވް މީހަކު މާލެ ތެރޭން ފެނިއްޖެ އެވެ.

ހެލްތް ޕްރޮޓެކްޝަން އެޖެންސީން ދާދި ދެންމެ ކުރި ޓުވީޓެއްގައި ބުނީ، ކޮވިޑް19 ޖެހިފައި ވަނިކޮށް މާލެތެރޭން ފެނުނު މީހާއަކީ މާލެ ފުލޫ ކްލިނިކަށް ދައްކަން ދިޔަ ދިވެއްސެއް ކަމަށެވެ.

މިއީ މާލޭން ތެރެއިން މި ބަލި ފެނުނު ފުރަތަމަ ފަހަރެވެ. އަދި މިއީ ދިވެހިންގެ ތެރެއިން މި ބައްޔަށް ޕޮޒިޓިވް ވި ހަވަނަ މީހާ

އެވެ. މި މީހާ އައިސޮލޭޝަން ފެސިލިޓީއަށް ގެންދިއުމަށް މިހާރު މަސައްކަތް ކުރަމުން އަންނަ ކަމަށް ވެސް އެޗްޕީއޭއިން ބުނެފައިވެ އެވެ.

ފްލޫ ކުލިނިކަކީ، މާލޭ ހިޔާގެ ބިއްދޮށުގައި ހުންނަ ކުލިނެކެވެ.