ސްނޯކަލިންއަށް ދިޔަ ދިވެއްސަކު މަރުވެއްޖެ

ސްނޯކަލިންއަށް ދިޔަ ދިވެހި ޒުވާނަކު މަރުވެއްޖެއެވެ.

ފުލުހުން ބުނީ އއ. މަޑިވަރު ބޭރުގައި ސްނޯކަލިންއަށް ދިޔަ 23 އަހަރުގެ ދިވެހި ފިރިހެނަކު މަރުވެގެން ރަސްދޫގައި ހުންނަ އަތޮޅު ހޮސްޕިޓަލަަށް ގެންގޮސްފައިވާކަމުގެ މައުލޫމާތެއް މިއަދު ހަވީރު 17:30 ހާއިރު ލިބިފައިވާ ކަމަށެވެ.

މައުލޫމާތު ލިބިފައިވާ ގޮތުގައި އެ ހާދިސާގައި މަރުވެފައިވަނީ ރ. މީދޫ/ ދެރަހަ، އަބްދުﷲ އަޒްވާން ނަމަކަށް ކިޔާ ޒުވާނެކެވެ.

ފުލުހުން ބުނީ، އެ ހާދިސާއާ ގުޅިގެން ފުލުހުން ބަލަން ޖެހޭ ކަންކަން ބަލަމުން އަންނަ ކަމަށެވެ.