ވެލިނަގަން ގޮސް އުޅުނު މީހަކު މަރުވެއްޖެ

ރ. މަޑުއްވަރީން ވެލިގަން ދިޔަ ދޯންޏެއްގައި ހުރި މީހަކު މަރުވެއްޖެއެވެ.

ފުލުހުން މިއަދު ބުނީ، ވެލިނަގަން ގޮސް އުޅުނު 52 އަހަރުގެ ދިވެހި ފިރިހެނަކު މަޑުއްވަރީ ހެލްތު ސެންޓަރަށް ގެނެސްފައިވާ ކަމުގެ މައުލޫމާތު މިއަދު ހަވީރު 5:12 އެހާކަންހާއިރު ލިބުނު ކަމަށެވެ.

ހެލްތު ސެންޓަރާ ހަވާލާދީ ފުލުހުން ބުނީ، އެމީހާ ސެންޓަރަށް ގެނައިއިރު ވެސް މަރުވެފައިވާ ކަމަށާއި ޝައްކުކުރެވޭ އެއްވެސް ކަމެއް ފާހަގަ ކުރެވިފައިނުވާ ކަމަށެވެ.

ނަމަވެސް އެ ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.