ކޮންވެންޝަން ސެންޓަރާ ދިމާ ވަލުތެރޭގައި ރޯވެގެން ސިފައިން ހަރަކާތްތެރިވަނީ

އައްޑޫ ސިޓީ ހިތަދޫގައި ހުރި ކޮންވެންޝަން ސެންޓަރާ ދިމާ ވަލުތެރޭގައި އަލިފާން ރޯވެއްޖެއެވެ.

އެމްއެންޑީއެފުން ބުނީ، އަލިފާން ނިއްވުމަށް ސިފައިން ހަރަކާތްތެރިވަމުން އަންނަ ކަމަށެވެ.

އެމްއެންޑީއެފުން ބުނީ އަލިފާނުގެ ހާދިސާ ހިނގިކަމުގެ ރިޕޯޓް ލިބިފައިވަނީ މިއަދު 12:42 ގައި ކަމަށެވެ.

އެމްއެންޑީއެފުން ބުނިގޮތުގައި ވަލުތެރޭގައި އެކި ހިސާބުތަކުގައި ގާތްގަނޑަކަށް 200 މީޓަރު ސަރަހައްދެއްގައި ރޯވެފައިވާކަމަށެވެ. އަދި ބޮޑަށް ރޯވެފައި ހުރީ ކަށިކެޔޮ ގަހާއި ބުރު ގަސްތަކުގައި ކަމަށާއި މިހާރު 50 ޕަސެންޓް ކޮންޓްރޯލް ކުރެވިފައިވާކަމަށެވެ.