ހުޅުމާލެ ފޭސް ދޭއްގެ ހިޔާ ޓަވަރެއްގެ އެޕާޓްމަންޓެއްގެ ތެރޭގައި މީހަކު ރަހީނުކުރި މައްސަލައިގައި ހައްޔަރުކުރި 12 މީހުންގެ ބަންދުގެ މުއްދަތުވެސް އިތުރުކޮށްފިއެވެ.
އެޗް9-20-11 ގައި މީހަކު ރަހީނުކޮށްގެން ގެންގުޅެނިކޮށް އޭނާ ސަލާމަތްކުރީ މި މަހުގެ ހަތްވަނަ ދުވަހު ފުލުހުން ހިންގި ހާއްސަ އޮޕަރޭޝަނެއްގައެވެ. ފުލުހުން ބުނި ގޮތުގައި މަސްތުވާތަކެއްޗާ ގުޅޭ މައްސަލައެއްގައި އެ މީހާ ރަހީނުކުރީ ގޭންގަކަށް ނިސްބަތްވާ ބައެކެވެ. އަދި އޭނާ ސަލާމަތް ކުރެވުނީ އޭނާގެ ބޯ ބާލައި އިނގިލިތައް ބުރިކޮށްލަން އުޅެނިކޮށް ކަމަށްވެސް ބުންޏެވެ.
އެ މައްސަލައިގައި ހައްޔަރުކުރި 12 މީހުންނަކީ:
- ގދ. ވާދޫ، ވެހި، އަލްމާން އަލީ ހާލިދު (22އ)
- މާލެ، މ. ހަތިކަނޑު، މުހައްމަދު އިޒްކާން (18އ)
- ކ. ގުރައިދޫ، ޒުނައިޓްވިލާ، އިޒާން އަހުމަދު (18އ)
- ށ. ފޯކައިދޫ، ދަންމަރު، އަހްމަދު ޒާހިދު (36އ)
- ލ. މާވަށް، ޖަމީލާމަންޒިލް، އާދަމް ހުސައިން (48އ)
- ލ. އިސްދޫ، ހިޔަލީގުލްޝަން، އިބްރާހިމް ނަޝީދު (34އ)
- މ. ކޮޅުފުށި، އާރެސް، ހަސަން އާލިބް (38އ)
- ގދ. ވާދޫ، ޖަނަވަރީގެ، މުޝްތާގު ޝާކިރު (37އ)
- ހުޅުމާލެ، ހިޔާ 03-17-14 މާލެ، ވިސާން މުހައްމަދު (30އ)
- ގދ. ވާދޫ، ޗިޗަންޑާގެ، ވިޝާމް މުހައްމަދު (23އ)
- މާލެ، ވ. ގާމާ، އިސްމާއިލް ވިސާމް މުހައްމަދު (29އ)
- ބ. ގޮއިދޫ، ނައިޓްސްޓާ، އަހުމަދު ސަމީހު (22އ)
މި މީހުންގެ ތެރެއިން އަލްމަން، އިޒްކާން އަދި އިޒާންގެ ބަންދަށް ކްރިމިނަލް ކޯޓުން ފުރަތަމަ ދިނީ ފަސް ދުވަހެވެ. އަނެއް ނުވަ މީހުންގެ ބަންދަށް ދިނީ ހަތް ދުވަހެވެ.
ފުލުހުން މިއަދު ބުނީ، އެ މީހުންގެ ބަންދާމެދު އިތުރަށް ގޮތެއް ނިންމުމަށް ކޯޓަށް ހާޒިރުކުރުމުން ޒާހިދު އިތުރު ފަސް ދުވަހަށް، އަލްމާން، އިޒްކާން އަދި އިޒާން އިތުރު އަށް ދުވަހަށް ބަންދުކޮށްފައިވާ ކަމަށެވެ. އަދި ބާކީ ތިބި އަށް މީހުން ތަހުގީގު މަރުހަލާ ނިމެންދެން ބަންދުކުރުމަށް އަމުރުކޮށްފައިވާ ކަމަށްވެސް ބުންޏެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
