ސަރުކާރުގެ ވިޔަފާރި ކުންފުނި، އެސްޓީއޯއިން ކަނޑައަޅާ ހާއްސަ އަގެއްގައި ތެޔޮ ފޯރުކޮށްދިނުމަށް ކޮންމެ އަތޮޅެއްގައި ފިއުލް ސްޓޯރޭޖް ގާއިމުކުރުމުގެ މަޝްރޫއު ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިފްތިތާހިކޮށްދެއްވައިފިއެވެ.
ފިއުލް ސްޓޯރޭޖުތައް ގާއިމުކުރުމުގެ މަޝްރޫއު ފެއްޓުމަށް ރައީސް އޮފީހުގައި މިއަދު ބޭއްވި ނޫސްވެރީންގެ ބައްދަލުވުމުގައި އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވީ، އަމާޒަކީ ފެބްރުއަރީ 2026 ގެ ކުރިން ރާއްޖޭގެ އެކި ސަރަހައްދުތަކުގައި 19 ރަށެއްގައި ފިއުލް ސެޓަޕް ގާއިމުކޮށް މަސްވެރީންނާއި އާއްމު ރައްޔިތުންނަށް އެސްޓީއޯއިން ތެޔޮ ވިއްކާ ރޭޓުގައި ތެޔޮ ލިބޭނެ ގޮތް ހަމަޖެހިގެން ދިއުން ކަމަށެވެ
ފިއުލް ސެޓަމް ގާއިމްކުރާ ރަށް/ ސިޓީތައް
- ހދ. ހަނިމާދޫ
- ހއ. އިހަވަންދޫ
- ނ. މަނަދޫ
- ށ. މިލަންދޫ
- ޅ. ފެލިވަރު
- ރ. ދުވާފަރު
- އއ. މަތިވެރި
- އދ. މާމިގިލި/ މަހިބަދޫ
- ހުޅުމާލެ (ނިމި، ބޭނުންކުރަމުން)
- ވ. ފުލިދޫ
- މ. މުލަކު
- ފ. ނިލަންދޫ
- ދ. ކުޑަހުވަދޫ
- ތ. ހިރިލަންދޫ
- ފުވައްމުލައް ސިޓީ
- ގދ. ފަރެސްމާތޮޑާ
- ގއ. ކޫއްޑޫ
- ސ. ހުޅުމީދޫ
- ބ. ތުޅާދޫ
- ލ. ގަން
ޝިމާދު ވިދާޅުވީ، ހަރަދުކުޑަކުރުމުގެ ގޮތުން ހަދާނީ ކޮންޓެއިނާ ފިއުލް ސްޓޭޝަންތައް ކަމަށާއި އެ ސްޓޭޝަންތައް އެޅުމަށް މިހާރުވެސް ގިނަ ރަށްރަށުގެ ބަނދަރުން ބިން ހަމަޖައްސާފައިވާ ކަމަށެވެ.
އެ ރަސްމިއްޔާތުގައި ފިޝަރީޒް މިނިސްޓަރު އަހުމަދު ޝިޔާމް ވިދާޅުވީ، މަސްވެރީންނަށް ދިމާވާ ތެލުގެ ދަތިކަމަށް އެ މަޝްރޫއުގެ ސަބަބުން ހައްލެއް ލިބޭނެ ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
