ޚަބަރު

އުރީދޫ ކަސްޓަމަރުންނަށް، ދޯހާ މެރަތަންގައި ބައިވެރިވުމުގެ ފުރުސަތު

ފާތިމަތު ލިޔުޝާ

އުރީދޫގެ ކަސްޓަމަރުންނަށް އަންނަ އަހަރުގެ ދޯހާ މެރަތަން 2025 ގައި ބައިވެރިވުމުގެ ފުރުސަތު ހުޅުވާލައިފިއެވެ.

އުރީދޫން މިއަދު މީޑިއާތަކަށް ބުނީ، އުރީދޫގެ ވެބްސައިޓު މެދުވެރިކޮށް މި މަހުގެ 26 އިން ނޮވެމްބަރު 26ގެ 23:59 އާ ހަމައަށް ލަކީ ޑްރޯގައި ބައިވެރިވުމުގެ ފުރުސަތު ހުޅުވާލާނެ ކަމަށެެވެ.

ދޯހާ މެރެތަން 2025 ބޭއްވުމަށް ހަމަޖެހިފައިވަނީ އަންނަ އަހަރުގެ ޖެނުއަރީ 17ގައި ގަތަރުގައެވެ. އުރޫދޫ ކަސްޓަމަރުންގެ ތެރެއިން ދެ ނަސީބުވެރިޔަކަށް އެ ދުވުމުގައި ބައިވެރިވުމުގެ ފުރުސަތު ލިބިގެންދާނެއެވެ.

ލަކީ ޑްޜޯގައި ބައިވެރިވުމުގެ ޝަރުތުތައް:

އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން އެއް އަހަރު ދުވަހު ހުރުން، ލަސްވެގެން 1 އޮކްޓޯބަރު 2023 އިން ފެށިގެން
ދޯހާ މެރެތަންގައި ހާފް މެރެތަންއެއް ނުވަތަ މެރެތަންއެއް ދުވުމުގެ ގާބިލުކަން ހުރުން (ސިއްހީ ގޮތުން)، މީގެ ކުރިން ހާފް މެރެތަންއެއް ނުވަތަ މެރެތަންއެއް ދުވެފައިވުން
ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުން

ދޯހާ މެރެތަންއާ ގުޅޭ އިތުރު މައުލޫމާތު https://www.dohamarathonooredoo.com/ ވެބްސައިޓުން ލިބެން ހުންނާނެއެވެ.