ކެނަބިސް ޓްރެފިކު ކުރި މީހަކު 23 އަހަރަށް ޖަލަށްލުމާއެކު 100،000 ރުފިޔާއިން ޖޫރިމަނާކޮށްފި

ކެނަބިސް ޓްރެފިކް ކުރި މީހަކު 23 އަހަރާއި 10 މަހުގެ މުއްދަތަަށް ޖަލަށްލުމާ އެކު 100،000 ރުފިޔާއިން ޖޫރިމަނާ ކުރަން ކުރިމިނަލް ކޯޓުން ހުކުމްކޮށްފިއެވެ.

އެ މައްސަލައިގައި ކުރިމިނަލް ކޯޓުން ހުކުމް ކުރީ، މަރަދޫ، ކޮރަލް އަހްމަދު ސާތިއުގެ މައްޗަށެވެ.

އެ މައްސަލައިގައި ކެނަބިސްއާ އެކު އޭނާ އަތުލައިގެންފައި ވަނީ، ނޯތު ހާބަރުގައި އޮތް ސ. މަރަދޫ ރަންދޫ ނަމަކަށް ކިޔާ ބޯޓަކުން މަަސްތުވާތަކެތި ހިފައިގެން ފުރަން އުޅެނިކޮށެވެ. އެމައުލޫމާތާ ގުޅިގެން ފުލުހުން އެ ސަރަހައްދަށް ގޮސް އޭނާ ހިފަހައްޓައި ޗެކް ކުރުމަށްފަހު ހައްޔަރު ކުރިއެވެ.

މި މައްސަލައިގައި އޭނާ ޖަލަށް ލުމާއެކު 100،000 ރުފިޔާއިން ޖޫރިމަނާކޮށްފައިވާ އިރު، ޖޫރިމަނާގެ ފައިސާ 12 މަސް ދުވަހުގެ ތެރޭގައި މީރާއަށް ދެއްކުމަށްވެސް ކޯޓުން ވަނީ އޭނާގެ މައްޗަށް އަމުރުކޮށްފައެވެ.