ޖީއެސްޓީ، އިމްޕޯޓް ޑިއުޓީ، ޓެލެކޮމް ފީތައް އަދި ގްރީން ޓެކްސް ބޮޑުކުރަން ސަރުކާރުން ނިންމައިފި

އިމްޕޯޓް ޑިއުޓީ، ގްރީން ޓެކްސް އަދި ޖީއެސްޓީ ބޮޑުކުރަން ނިންމައިފައިވާކަން ފިނޭންސް މިނިސްޓްރީން މިއަދު ހާމަކޮށްފިއެވެ.

ފިނޭންސް މިނިސްޓްރީން މިއަދު އާންމުކުރި މީޑިއަމް ޓާމް ރެވެނިއު ސްޓްރެޓެޖީ ރިޕޯޓުގައިވާ ގޮތުން މިއަހަރު ނިމުމުގެ ކުރިން ދައުލަތުގެ އާމްދަނީ އިތުރުކުރުމުގެ ގޮތުން އެއާޕޯޓް ބޭނުން ކުރާ މީހުންގެ އަތުން ނަގާ ފީ އާއި ޓެކްސްތައް ބޮޑުކުރާނެއެވެ. ނަމަވެސް ބޮޑު ކުރަން ނިންމާފައިވަނީ ކިހާ ރޭޓެއް ކަމެއް ހާމަކޮށްފައެއް ނުވެއެވެ.

ދައުލަތުގެ އާމްދަނީ އިތުރުކުރުމުގެ ގޮތުން މިހާރު އިމްޕޯޓް ޑިއުޓީ ނުނަގާ ބައެއް ތަކެތިން އިމްޕޯޓް ޑިއުޓީ ނަގަން ފަށާނެ ކަމަށް ރިޕޯޓުގައި، ފިނޭންސް މިނިސްޓްރީން ބުންޏެވެ.

މީގެ އިތުރުން އާމްދަނީ އިތުރު ކުރުމުގެ މިއަންނަ އަހަރުގެ ތެރޭގައި ގިނަ ޓެކްސްތަކަކާއި ފީތަށް ބޮޑުކުރަން ވެސް ނިންމައިފައިވެއެވެ.

މިއަންނަ އަހަރު ބޮޑުކުރަން ނިންމައިފައިވާ ފީތަކާއި ޓެކްސްތައް:

އޭގެ ތެރެއިން ގިނަ ފިޔަވަޅުތަކެއް މިއަންނަ އަހަރުގެ ފުރަތަމަ ކުއާޓަރުގައި އަޅައި ތަންފީޒުކުރަން ފަށާނެއެވެ.

އާމްދަނީ އިތުރުކުރުމަށް 2026، 2027 އަދި 2028 ވަނަ އަހަރު އަޅަން ނިންމައިފައިވާ ފިޔަވަޅުތައް:

އެ ފިޔަވަޅުތަކަކީ ދައުލަތުގެ ހަރަދުތަައް ހަމަޖެއްސުމަށް ބޭރުގެ ފަރާތްތަކަށް ބަރޯސާވާވުން ކުޑަކުރުމުގެ މަގްސަދުގައި އަޅާ ފިޔަވަޅުތަކެއް ކަމަށް ރިޕޯޓުގައި ފިނޭންސުން ބުންޏެވެ.

މީޑިއަމް ޓާމް ރެވެނިއު ސްޓްރެޓެޖީގެ ސަބަބުން ޖީޑީޕީގެ ނިސްބަތުން ދައުލަތުގެ އާމްދަނީ 35.5 ޕަސަންޓަށް އިތުރުކުރެވޭނެ ކަމަށާއި މިހާރު ޓެކްސް އާމްދަނީއަކީ ޖީޑީޕީގެ ނިސްބަތުން 32.5 ޕަސަންޓް ކަމަށެވެ.