ސިނަމާލެ ބުރިޖުމަތީ މަސައްކަތްކުރަމުންދިޔަ ބިދޭސީއަކު މަރުވެއްޖެއެވެ.
ފުލުހުން މިއަދު ބުނީ ސިނަމާލެ ބުރިޖުގައި މަސައްކަތްކުރަމުންދިޔަ ބިދޭސީ މީހެއް އަނބުރައިގަނެގެން ރޭގެ ވަގުތެއްގައި ޓްރީޓޮޕް ހޮސްޕިޓަލަށް ގެންގޮސްފައިވާ ކަމަށެވެ.
ހޮސްޕިޓަލަށް ގެންދިޔައިރުވެސް އެ މީހާ މަރުވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ.
ސިނަމާލެ ބުރިޖުގެ މެއިންޓެނަންސް މަސައްކަތްތައް ކުރަމުންގެންދަނީ ޗައިނާގެ ސީސީސީސީ ކުންފުނިންނެވެ. މި ސަރުކާރުން އެ މަސައްކަތް އަލުން ސީސީސީސީއާ ހަވާލުކުރީ މިދިޔަ މެއި މަހުގެ 20 ވަނަ ދުވަހު ރާއްޖޭގެ އަޑުގެ ސެނެކޯ މާލަމުގައި ބޭއްވި ހާއްސަ ރަސްމިއްޔާތެއްގައެވެ. އެ ތަނުގެ މެއިންޓެނަންސް މަސައްކަތްތައް ޗައިނާގެ ކުންފުނިން ފެށީ މާޗު 31 ގައެވެ.
އެ އެއްބަސްވުމުގެ ދަށުން، ސިނަމާލެ ބުރިޖުގެ މެއިންޓެނަންސް މަސައްކަތް ސީސީސީސީ ކުންފުނިން ކުރިއަށް އޮތް ތިން އަހަރު ކުރާނެއެވެ. އޭގެ އިތުރުން އެ މަސައްކަތަށް ބެނުންވާ ދިވެހިން އުފެއްދުމާއި ތަމްރީނު ކުރުމާއި އިނިޝިއަލްގެ މަރާމާތުގެ މަސައްކަތާއި ބުރިޖު ބެލެހެއްޓުމުގެ (މެއިންޓެނަންސް) މަސައްކަތް ދިރާސާކުރުމަށް އެސެސްމަންޓުތައް ހެދުމާއި ރިކޯޑު ބަލަހައްޓާ ނިޒާމެއް ގާއިމުކުރުމުގެ މަސައްކަތްތައްވެސް ހިމެނެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
