ހުޅުމާލޭގައި ހިނގި އެކްސިޑެންޓެއްގައި ޒަހަމްވި ޒުވާނަކު މަރުވެއްޖެ

ހުޅުމާލެ ފޭސް ދޭއްގައި މިދިޔަ ހަފުތާގައި ހިނގި އެކްސިޑެންޓެއްގައި ޒަހަމްވި ޒުވާނަކު މިރޭ މަރުވެއްޖެއެވެ.

މަރުވެފައި ވަނީ ދ. ކުޑަހުވަދޫ، ރޭދުވާ، މުހައްމަދު ވިޝާލް، (18އ) އެވެ.

ފޭސް ދޭއްގައި އެ އެކްސިޑެންޓު ހިނގާފައިވަނީ މިދިޔަ ހަފުތާގެ ހުކުރު ދުވަހުގެ ހަވީރު، 5:00 ޖެހި އިރު ނިރޮޅުމަގާއި ގުލްއަލާމާ ހިނގުން ގުޅުނު ކަންމަތީގައި ދެ ސައިކަލު ޖެހިގެންނެވެ. އެކްސިޑެންޓު ލިބުނު ޒަހަމްތަކަށް ވިޝާލަށް ފަރުވާދެމުން އައީ އޭޑީކޭ ހޮސްޕިޓަލުގައެވެ.

ވިޝާލްގެ ކަށުނަމާދު ބާއްވާފައިވަނީ މިރޭ 12:00 ގައި ހުޅުމާލެ ސަހަރާގައެވެ.

އެ އެކްސިޑެންޓު ހިނގި މަންޒަރު ފެނުނު ބަޔަކު ތިބި ނަމަ ފުލުހުންނަށް އެކަމުގެ މައުލޫމާތު ހިއްސާކުރުމަށް ފުލުހުން ވަނީ މީގެ ކުރިން އެދިފައެވެ.