ރޯދަމަހު ވެމްކޯއިން ހިދުމަތް ދިނުމަށް ހަމަޖެހިފައިވާ ގަޑިތައް އާއްމުކޮށްފި

ރޯދަމަހު ވެމްކޯއިން ހިދުމަތް ދިނުމަށް ހަމަޖެހިފައިވާ ގަޑިތައް އާއްމުކޮށްފި އެވެ.

ވެމްކޯއިން މައުލޫމާތު ދިން ގޮތުގައި ކުރިއަށް މިއޮތް ރޯދަ މަހު ގޭގެއިން ކުނި ނެގުމަށް ހަމަޖެހިފައިވަނީ ހުކުރު ދުވަސް ފިޔަވާ ކޮންމެ ދުވަހަކު 14:00 އިން 17:00 އަދި 19:00 ގެ ފަހުންނެެވެ. އަދި ހުކުރު ދުވަހު 10:00 އިން 11:30 އަށް، 13:30 އިން 16:00 އަދި 19:00 އިން 00:30 އާއި ދެމެދު ގޭގެއިން ކުނި ނެގުމަށް ވަނީ ހަމަޖައްސައިފައެވެ.

މީގެ އިތުރުން ކޮމާޝަލް ކަލެކްޝަން ސާވިސްގެ ހިދުމަތް ހުކުރު ދުވަސް ފިޔަވައި ކޮންމެ ދުވަހަކު 10:00 އިން 16:00 އަދި 22:00 އިން 04:00 އަށް ކުރިއަށް ދާނެކަމަށް ވެމްކޯއިން މައުލޫމާތު ދިނެވެ. އަދި ހުކުރު ދުވަހު ކޮމާޝަލް ކަލެކްޝަން ސާވިސްގެ ހިދުމަތް ދިނުމަށް ހަމަޖައްސާފައި ވަނީ 13:30 އިން 17:00 އަދި 22:00 އިން 04:00 ކަށެވެ.

ވެމްކޯގެ ހުޅުމާލެ އަދި ވިލިމާލޭގެ ވޭސްޓް ޓްރާންސްފާ ސްޓޭޝަން ހުކުރު ދުވަސް ފިޔަވައި، ހުޅުވާފައި ހުންނާނީ ހެނދުނު 09:00 އިން ހަވީރު 17:00 އަށް އަދި ރޭގަނޑު 19:390 އިން ދަންވަރު 02:00 އަށެވެ.

މި ދެ ވޭސްޓް ޓްރާންސްފާ ސްޓޭޝަން ހުކުރު ދުވަހު ހުޅުވާފައި ހުންނާނީ މެނދުރު 14:00 އިން ހަވީރު 17:00 އަށެވެ. އަދި ރޭގަނޑު ވިލިމާލޭގެ ވޭސްޓް ޓްރާންސްފާ ސްޓޭޝަން 19:00 އިން ދަންވަރު 02:00 އަށް ހުޅުވުމަށް ހަމަޖެހިފައިވާއިރު، ހުޅުމާލެ ވޭސްޓް ޓްރާންސްފާ ސްޓޭޝަން ހުޅުވާފައި ހުންނާނީ ރެގަނޑު 19:30 އިން ދަންވަރު 02:00 އަށެވެ.

ވެމްކޯގެ ކޯޕަރޭޓް އޮފީހާއި ރީޖަނަލް އޮފީސްތައް ރޯދަމަހު ހުޅުވާފައި ހުންނާނީ ހެނދުނު 09:00 އިން މެންދުރު 13:00 އަށެވެ.