17 ރަށަކަށް ބޭނުންވާ ލެބޯޓަރީ ސާމާނު ހޯދުމަށް ޗައިނާއާއެކު އެއްބަސްވުމެއްގައި ސޮއިކޮށްފި
ރާއްޖޭގެ 17 ރަށަކަށް ބޭނުންވާ ލެބޯޓަރީ ސާމާނު ހޯދުމަށް ޗައިނާއާއެކު "ލެޓަ އޮފް އެކްސްޗޭންޖް" ގައި މިއަދު ސޮއިކޮށްފިއެވެ.
ހެލްތު މިނިސްޓްރީގައި މިއަދު ބޭއްވި ރަސްމިއްޔާތެއްގައި އެކަމުގެ އެއްބަސްވުމުގައި އެ މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އަބްދުﷲ ހަލީލެވެ. ޗައިނާގެ ފަރާތުން ސޮއިކުރެއްވީ ރާއްޖެއަށް ކަނޑައަޅުއްވާފައި ހުންނަވާ އެގައުމުގެ ސަފީރު ވަން ލިޒިން އެވެ.
ލެބޯޓަރީ ސާމާނުތައް ހޯދާ ރަށްތައް:
- ނ. ފޮއްދޫ
- ގދ. ހޯޑެއްދޫ
- ހއ. މަރަދޫ
- ހއ. މާރަންދޫ
- ށ. ގޮއިދޫ
- ބ. ދޮންފަނު
- ބ. ކިހާދޫ
- ތ. ދިޔަމިގިލި
- ގއ. މާމެންދޫ
- ގއ. ނިލަންދޫ
- ށ. ނޫމަރާ
- ޅ. އޮޅުވެލިފުށި
- އދ. ހަންޏާމީދޫ
- ވ. ކެޔޮދޫ
- ކ. ގާފަރު
- ނ. މާޅެންދޫ
- އއ. މާޅޮސް
އެ ހުރިހާ ރަށެއްގެ ލެބޯޓަރީއަށް ބޭނުންވާ ސިއްހީ ސާމާނު ހޯދުމަށް ނިންމާފައިވަނީ ފަސް އަހަރުގެ މުއްދަތަށް ބަހާލައިގެންނެވެ.
ހެލްތު މިނިސްޓްރީން ބުނީ ޗައިނާއާއެކު ވެފައިވާ އެ އެއްބަސްވުމުގެ ސަބަބުން އެ ރަށްތަކުގައި ލެބޯޓަރީ ހިދުމަތް ނެތުމުން ދިމާވާ ދަތިތަކަށް ހައްލު ލިބިގެންދާނެ ކަމަށެވެ. އަދި ސިއްހީ މަރުކަޒުތަކުގައި ދެމުންގެންދާ ސިއްހީ ހިދުމަތް ހަރުދަނާވެ، ފަސޭހަކަމާއެކު ލެބޯޓަރީ ޓެސްޓުތައް ހެދި ފަރުވާ އަވަސްވެގެންދާނެ ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
