މިޔަރެއް ހަމަލާދީ މީހެއްގެ އަތް ވަރަށް ބޮޑަށް ޒަހަމްކޮށްލައިފިއެވެ.
މަސްވެރި އިހަވަންދޫގެ އެފްބީ ޕޭޖުގައި މިއަދު ކުރި ޕޯސްޓެއްގައި ބުނީ، ހއ. އަތޮޅުން ފާނަ މަސްވެރިކަން ކުރަމުންދިޔަ، ފ. ފިއަލީ ދޯންޏެއްގައި ހުރި ދިވެއްސަކަށް މިޔަރެއް ހަމަލާ ދިނުމުގެ ސަބަބުން އެމީހާގެ އަތް ވަރަށް ބޮޑަށް ޒަހަމްވެފައިވާ ކަމަށެވެ.
އެމީހާއަށް ފަރުވާ ދިނުމަށް ފުރަތަމަ ގެންގޮސްފައިވަނީ ހއ. ހޯރަފުށި ހެލްތު ސެންޓަރަށެވެ. އެ ހެލްތު ސެންޓަރުން "ވަން" އަށް ބުނީ މިއަދު ހެނދުނު 10:00 ހާއިރު މިޔަރެއް ހަމަލާދީގެން ދިވެއްސަކު އެ ސެންޓަރަށް ގެނެސްފައިވާ ކަމަށެވެ. އަދި އެ ސެންޓަރުން ފަރުވާ ދިނުމަށްފަހު އެމީހާ އިތުރު ފަރުވާއަށް ކުޅުދުއްފުށި ރީޖަނަލް ހޮސްޕިޓަލަށް ފޮނުވާލާފައިވާ ކަމަށެވެ.
ނަމަވެސް ކުޅުދުއްފުށި ހޮސްޕިޓަލުން ފޯނަށް ޖަވާބުދީފައިނުވާތީ މިކަމާ ގުޅޭ އިތުރު ތަފްސީލް ލިބޭ ގޮތް ވަނީ ނުވެފައެވެ.
މިއަދު އިތުރު މީހަކަށް މިޔަރެއް ހަމަލާދީފައިވާ އިރު، މިދިޔަ އާދިއްތަ ދުވަހުވެސް ވަނީ ވަލެއްގައި އޮޅިފައި އޮތް މިޔަރެއް ސަލާމަތްކުރަން އުޅުނު ބަޔަކަށް މިޔަރެއް ހަމަލާ ދީފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
