ޚަބަރު

ވަޒީރުންނަށް 74،000ރ، މަޖިލިސް ރައީސަށް 90،000 އަދި މެންބަރުންނަށް ކޮމިޓީ އެލަވަންސާއެކު އެއްލައްކަ ރުފިޔާ

އިބްރާހިމް ޒަކީ

1

ވަޒީރުންގެ މަޖިލީހުގެ މެންބަރުންނާއި ރައްޔިތުންގެ މަޖިލީހުގެ ރައީސް އާއި ނާއިބު ރައީސްގެ މުސާރަ ބޮޑުކުރަން ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ފާސްކޮށްފިއެވެ.

ދައުލަތުގެ މުސާރައިގެ އޮނިގަނޑަށް ބަދަލު ގެނެސް، ހުރިހާ ދާއިރާއެއްގެ މުސާރަ ބޮޑުކުރަން ނިންމި ނިންމުމާ ގުޅިގެން ކޮމިޓީން އެގޮތަށް ފާސްކުރީ، ރައްޔިތުންގެ މަޖިލީހުން މުސާރަ އާއި އިނާޔަތްތައް ކަނޑައަޅަން ޖެހޭ ފަރާތްތަކުގެ މުސާރައާއި އިނާޔަތްތައް ކަނޑައެޅުމަށްޓަކައި މިއަދު ބޭއްވި މާލިއްޔަތު ކޮމިޓީގެ ބައްދަލުވުމުގައި ކޮމިޓީގައި ތިއްބެވި ހުރިހާ މެންބަރުންގެ އިއްތިފާގުންނެވެ.

ވަޒީރުންގެ މިހާރުގެ މުސާރަ:

އަސާސީ މުސާރަ 42،500 ރުފިޔާ
ލިވިން އެލަވަންސް 15،000 ރުފިޔާ
ފޯނު އެލަވަންސް 1،000 ރުފިޔާ
ޖުމްލަ 58،500 ރުފިޔާ

ކޮމިޓީން ފާސްކުރި މުސާރަ:

އަސާސީ މުސާރަ 55،000 ރުފިޔާ
ލިވިން އެލަވަންސް 18،000 ރުފިޔާ
ފޯނު އެލަވަންސް 1،000 ރުފިޔާ
ޖުމްލަ 74،000 ރުފިޔާ

މީގެ އިތުރުން ކާރު އެލަވަންސްގެ ގޮތުގައި މަހަކު 7،500 ރުފިޔާ އަކީ މިހާރުވެސް ކަނޑައަޅައި ދެމުން އަންނަ އެލަވަންސެކެވެ.

މަޖިިލިސް ރައީސްގެ މިހާރުގެ މުސާރަ:

އަސާސީ މުސާރަ 53،125 ރުފިޔާ
ލިވިން އެލަވަންސް 20،000 ރުފިޔާ
ޖުމްލަ 73،125 ރުފިޔާ

ކޮމިޓީން ފާސްކުރި މުސާރަ:

އަސާސީ މުސާރަ 65،000 ރުފިޔާ
ލިވިން އެލަވަންސް 25،000 ރުފިޔާ
ޖުމްލަ 90،000 ރުފިޔާ

މަޖިިލިސް ނާއިބު ރައީސްގެ މިހާރުގެ މުސާރަ:

އަސާސީ މުސާރަ 51،000 ރުފިޔާ
ލިވިން އެލަވަންސް 20،000 ރުފިޔާ
ޖުމްލަ 71،000 ރުފިޔާ

ކޮމިޓީން ފާސްކުރި މުސާރަ:

އަސާސީ މުސާރަ 63،000 ރުފިޔާ
ލިވިން އެލަވަންސް 25،000 ފުރިޔާ
ޖުމްލަ 88،000 ރުފިޔާ

މަޖިލިސް މެންބަރުންގެ މިހާރުގެ މުސާރަ:

އަސާސީ މުސާރަ 42،500 ރުފިޔާ
ލިވިމް އެލަވަންސް 20،000 ރުފިޔާ
ޖުމްލަ 62،500 ރުފިޔާ

ކޮމިޓީން ފާސްކުރި މުސާރަ:

އަސާސީ މުސާރަ 55،000 ރުފިޔާ
ލިވިން އެލަވަންސް 25،000 ރުފިޔާ
ޖުމްލަ 80،000 ރުފިޔާ

މީގެ އިތުރުން މަޖިލިސް މެންބަރުންނަށް ކޮމިޓީ އެލަވަންސްގެ ގޮތުގައި ކޮމިޓީއަށް ހާޒިރުވާ ނިސްބަތުން ގިނެވެގެން 20،000 ރުފިޔާއާ ހަމައަށް ލިބޭނެއެވެ.

މާލިއްޔަތު ކޮމިޓީގެ ނާއިބު މުގައްރިރު އަދި ދާންދޫ ދާއިރާގެ މެންބަރު ޔައުގޫބު އަބުދުﷲ "ވަން"އަށް މިއަދު ވިދާޅުވީ، ރައީސުލްޖުމްހޫރިއްޔާ އާއި ނާއިބު ރައީސްގެ އިތުރުން މަޖިލީހުން ކަނޑައަޅަންޖެހޭ މުސާރަތަކަށާއި، ސިވިލް ސާވިސް އާއި އެހެނިހެން ތަންތަނުން، އެ ތަންތަނުގެ މުވައްޒިފުންނަށް މުސާރަ ބޮޑު ކުރުމަށްޓަކައި، ޕޭ ހާމަނައިޒް ކުރުމަށް އަންނަ އަހަރަށް ފާސްކުރި ބަޖެޓުގައި 500 މިލިޔަން ރުފިޔާ ހިމަނާފައިވާނެ ކަމަށެވެ.

އެހެންކަމުން އެ ފަރާތްތަކުގެ މުސާރަ ބޮޑުކުރަން ކޮމިޓީން ފާސްކޮށްފައި ވަނީ އަންނަ ޖެނުއަރީމަހުގެ އެކަކުން ފެށިގެން ކަމަށާއި އަދި އެގޮތަށް ކޮމިޓީން ފާސްކުރި ރިޕޯޓު މަޖިލިސް ތަޅުމަށް ފޮނުވައިގެން ފާސްކުރާނެ ކަމަށް ޔައުގޫބު ވިދާޅުވިއެވެ.

ކޮމެންޓްސް އެބަހުރި، ކިޔާލަން ބޭނުންތަ؟