ސަންގު ޓީވީން ބޭއްވުމަށް ހަމަޖެހިފައިވާ މާލޭގެ މޭޔަރުގެ މަގާމަށް ވާދަކުރައްވާ ކެންޑިޑޭޓުންގެ ބަހުސްގައި އެމްޑީޕީގެ ކެންޑިޑޭޓް، އެމްޓީސީސީގެ ކުރީގެ ސީއީއޯ އާދަމް އާޒިމް ބައިވެރިވެވަޑައިނުގަންނަވާނެ ކަމަށް އެމްޑީޕީން ބުނެފިއެވެ.
އެމްޑީޕީން އެކްސްގައި ކުރި ޕޯސްޓެއްގައި ބުނީ ބަހުސްގައި އާޒިމް، ބައިވެރިވެވަޑައިނުގަންނަވާނެކަން ސަންގު ޓީވީއަށް އަންގާފައިވާނެ ކަމަށެވެ.
"ސަބަބަކީ ސަންގު ޓީވީ ބަހުސް މިނިވަންކަމާއެކު ކުރިއަށް ގެންދިއުމަށް މިނިވަން މޮޑަރޭޓަރެއް ބަހައްޓައިދިނުމަށް އެދިފައިވުމާއެކު ވެސް އެކަމަށް އެއްވެސް އިޖާބައެއް ނުލިބުމާއި، އިންތިހާބު އޮންނަ ދުވަސް މިހާ ކުޑަތަންވެފައި ވަނިކޮށް، ހަތަރު ދުވަހަށް ދިގުދެމިގެންދާ ބަހުސެއްގައި މޭޔަރު ކެންޑިޑޭޓް ތާށިވުމަކީ ކެމްޕޭނުގައި ދެން ކުރަން ހުންނަ ކަންތައްތައް އަސަރުކުރާނެ ކަމަކަށްވާތީ،" އެމްޑީޕީން ބުންޏެވެ.
ސަންގު ޓީވީގެ ބަހުސްގައި ބައިވެރިވެވަޑައިނުގަތް ނަމަވެސް ދައުލަތުގެ މީޑިއާ، ޕީއެސްއެމުން އަންނަ މަހުގެ ހަވަނަ ދުވަހު ގެނެސްދޭ ބަހުސްގައި އާޒިމް ބައިވެރިވެވަޑައިގަންނަވާނެ ކަމަށް އެމްޑީޕީން ބުންޏެވެ.
މާލެ ސިޓީ މޭޔަރުގެ ގޮނޑި ހުސްވީ މީގެ ކުރިން އެ މަގާމުގައި ހުންނެވި، ޑރ. މުހައްމަދު މުއިއްޒު، ރައީސުލްޖުމްހޫރިއްޔާގެ މަގާމަށް އިންތިހާބުވެ ވަޑައިގެންނެވުމާ ގުޅިގެން އެ މަނިކުފާނު، މޭޔަރުކަމުން އިސްތިއުފާ ދެއްވުމާ ގުޅިގެންނެވެ.
މާލޭގެ މޭޔަރުގެ މަގާމަށް ފަސް ބޭފުޅަކު ވާދަކުރައްވައެވެ.
- 1: ޝުއައިބު އަލީ/ އަމިއްލަ ގޮތުން
- 2: ހުސައިން ވަހީދު / އަމިއްލަ ގޮތުން
- 3: އާއިޝަތު އާޒިމާ ޝަކޫރު / ޕީއެންސީ
- 4: އާދަމް އާޒިމް / އެމްޑީޕީ
- 5: ސައިފް ފާތިހު / ދަ ޑިމޮކްރެޓްސް
އިލެކްޝަންސް ކޮމިޝަނުން ނިންމާފައިވަނީ، މާލޭ ސިޓީގެ މޭޔަރުކަމުގެ ބައި-އިލެކްޝަނާއި ކައުންސިލުން ހުސްވެފައިވާ ތިން ގޮނޑީގެ ބައި-އިލެކްޝަން އަންނަ ޖެނުއަރީ މަހުގެ 13 ވަނަ ދުވަހު ބޭއްވުމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
