ޑައުންސިންޑްރޯމް ކުއްޖެއްތޯ ބަލަން މާބަނޑު ދުވަސްވަރު ހަދާ ޓެސްޓު އައިޖީއެމްޗުން ހަދަނީ، ފަސް ދުވަހުން ނަތީޖާ ލިބޭ!
ޑައުންސިންޑްރޯމް ކުއްޖެއްތޯ ބަލަން ހަދާ "ޑަބަލް މާކާ" ޓެސްޓު މިހާރު އައިޖީއެމްއެޗުން ހެދޭނެ ކަމަށް އެ ހޮސްޕިޓަލުން ބުނެފިއެވެ.
ޑަބަލް މާކާ ޓެސްޓު ނުވަތަ "މެޓާނަލް ސިރަމް ސްކްރީނިން" އަކީ މާބަނޑު ދުވަސްވަރުގެ ފުރަތަމަ ޓްރައިމެސްޓާގައި ހަދާ ޓެސްޓެކެވެ.
އައިޖީއެމްއެޗުގެ މީޑިއާ އޮފިޝަލު މިއަދު "ވަން" އަށް ވިދާޅުވީ އެ ހޮސްޕިޓަލުން އެ ޓެސްޓު ހަދަން ފެށީ މިމަހުގެ ދެވަނަ ދުވަހު ކަމަށެވެ. ނަމަވެސް މީގެ ކުރިން ރާއްޖޭން ބޭރަށް ފޮނުވައިގެން އެ ޓެސްޓު ހެދުމުގެ ހިދުމަތްދެމުން ދިޔަ ކަމަށް ބުންޏެވެ.
ރާއްޖޭން ބޭރަށް ފޮނުވައިގެން އެ ޓެސްޓު ހަދާއިރު ނަތީޖާ ލިބެން ދެތިން ހަފުތާ ނަގާ ކަމަށް މީޑިއާ އޮފިޝަލު ވިދާޅުވިއެވެ. ނަމަވެސް މިހާރު އައިޖީއެމްއެޗްގައި އެ ޓެސްޓު ހަދަން ފެށުމުން ފަސް ދުވަސްތެރޭ ނަތީޖާ ލިބޭނެ ކަމަށް ވިިދާޅުވިއެވެ.
ޑައުންސިންޑްރޯމްއަކީ އުފެދުމުގައި ކްރޮމޮޒޯމްއެއް އިތުރުވުމުން ދިމާވާ ކަމެކެވެ. އެގޮތުން އާންމުކޮށް ކުއްޖެއްގެ ހުންނާނީ "އެކްސް އެކްސް" ނުވަތަ "އެކްސް ވައި" ކްރޮމޮޒޯމްގެ 22 ޖޯޑެވެ. ނަމަވެސް ޑައުންސިންޑްރޯމް ހުންނަ ކުދިންގެ އެއް ކްރޮމޮޒޯމް އިތުރުވެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
