ހަންގޭރީގައި ކިޔަވަން ދޫކުރާ ސްކޮލަޝިޕަށް ކުރިމަތިލާން ހުޅުވާލައިފިއެވެ.
ހަޔާ އެޑިއުކޭޝަން މިނިސްޓްރީން މިއަދު ކޮށްފައިވާ އިއުލާނެއްގައި ވަނީ، ބެޗްލާސް ޑިގްރީއަށް ކިޔެވުމުގެ އަށް ސްކޮލާޝިޕާއި މާސްޓާސް ޑިގްރީއަށް 14 ސްކޮލާޝިޕްގެ އިތުރުން ޑޮކްޓޯރަލް ޑިގްރީ (ޕީއެޗްޑީ ނުވަތަ ޑީއެލްއޭ) އަށް ކިޔެވުމުގެ ތިން ސްކޮލާޝިޕްގެ ފުރުސަތު ހުޅުވާލައިފައެވެ.
އެދޭ ކޯހަކާ ގުޅޭ ޝަރުތުތަކުގެ އިތުރުން ހުށަހަޅަންޖެހޭ ތަކެތީގެ ތެރޭގައި:
- - ޑިޕާޓްމަންޓް އޮފް ހަޔާ އެޑިއުކޭޝަން މެދުވެރިވެގެން ކިޔެވުމަށް ލޯނެއް ނަގާފައިވާނަމަ ޑީފޯލްޓެއް ނެތި އެ ލޯނު ގަވައިދުން ދައްކަމުންދާ ފަރާތެއް ކަމުގައިވުން
- - އެދޭ ކޯހަކީ މިހާރު ފުރިހަމަކޮށްފައިވާ ކޯހަށްވުރެ މަތީ ފެންވަރުގެ ކޯހަކަށްވުން
- - އެދޭ ކޯހާއި އެއް ފެންވަރެއްގެ ކޯހެއް ދައުލަތުގެ ހަރަދުގައި މިހާރު ފުރިހަމަކުރަމުންދާ ދަރިވަރެއްކަމުގައި ނުވުން
ހަޔާ އެޑިއުކޭޝަން މިނިސްޓްރީން ބުނީ، އެ ސްކޮލާޝިޕްތަކަށް އެދޭނީ "މައިއެޑިޔު" ޕޯޓަލް (https://myedu.egov.mv/) އަދި ސްޓައިޕެންޑިއަމް ހަންގޭރި (https://stipendiumhungaricum.hu/) ވެބްސައިޓު މެދުވެރިކޮށް އަންނަ މަހުގެ 15ގެ ކުރިން ކަމަށެވެ. އެގޮތުން އޮންލައިން އެޕްލިކޭޝަން ފުރިހަމަވާނީ ސޭވް ކުރުމަށްފަހު ސަބްމިޓް ކުރުމުން ކަމަށްވެސް ބުނެފައިވެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
