މުއިއްޒުގެ ފަރާތުން ބަޖެޓް އެކުލަވައިލަން 8 މެންބަރުންގެ ކޮމިޓީއެއް، ތަޖުރިބާ ބޮޑު ޓީމެއް

އަންނަ ނޮވެމްބަރު މަހުގެ 17 ވަނަ ދުވަހު އިންތިހާބީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރައީސުލްޖުމްހޫރިއްޔާކަމުގެ ހުވައި ކުރެއްވުމަށްފަހު، އަންނަ 2024 ވަނަ އަހަރަށް ލަފާކުރާ ދައުލަތުގެ ބަޖެޓު ހުށަހަޅަން ވަގުތު ނޯންނާނެތީ، މިހާރު އެ މަނިކުފާނުގެ ސަރުކާރުން މަޖިލީހަށް ހުށަހަޅާ ފުރަތަމަ ބަޖެޓުގެ ގޮތުގައި އަންނަ އަހަރަށް ލަފާކުރާ ދައުލަތުގެ ބަޖެޓް އެކުލަވައިލުމަށް ހާއްސަ ކޮމިޓީއެއް އުފައްދަވައިފިއެވެ.

އިންތިހާބީ ރައީސް ޑރ. މުހައްމަދު މުއިއްޒު ސަރުކާރާ ހަވާލުވެވަޑައިގެންނެވުމަށް ތައްޔާރުވެވަޑައިގަންނަވަމުން ގެންދަވާ އިންތިގާލީ މަރުހަލާގައި ކުރިއަށް ގެންދާ މަސައްކަތްތަކާބެހޭ މައުލޫމާތު ދެއްވުމަށް، މ. ދިމްޔާތުގައި މިއަދު ބޭއްވި ނޫސްވެރިންގެ ބައްދަލުވުމެއްގައި، އިންތިގާލީ މަރުހަލާގެ ތަރުޖަމާނު މުހައްމަދު ފިރުޒުލް އަބްދުﷲ ހަލީލު ވިދާޅުވީ އެކަމަށް ޓަކައި 8 މެންބަރުންގެ ކޮމިޓީއެއް އުފައްދަވައި މަސައްކަތްތައް ފައްޓަވާފައިވާ ކަމަށެވެ.

އިންތިގާލީ ރައީސް ޑރ. މުހައްމަދު މުއިއްޒުގެ ސަރުކާރުން ހުށަހަޅަން ބޭނުންވާ ބަޖެޓް މަސައްކަތަށް އެކުލަވައިލެއްވި ކޮމިޓީ:

މި ކޮމެޓީގެ ޗެއާމަން އަކީ ކުރީގެ އިކޮނޮމިކު މިނިސްޓަރު، މާވަށު ދާއިރާގެ މަޖިލިސް މެންބަރު މުހައްމަދު ސައީދު ކަމަށް އިންތިހާބީ ރައީސް ޑރ. މުއިއްޒު ވަނީ ހަމަޖައްސަވައިފައެވެ.