ރާއްޖޭގެ ބޮޑު ސަރަހައްދަކަށް މޯލްޑިވްސް މީޓްރޮލޮޖީ ސެންޓަރުން ވައިޓް އެލާޓް ނެރެފި އެވެ.
މިގޮތުން ގުގުރުމާއެކު ބޯކޮށް ވާރޭ ވެހޭނެ ކަމަށް ލަފާކޮށް މެޓް އޮފީހުން ވައިޓް އެލާޓް ނެރެފައި ވަނީ ޅ އަތޮޅާއި ލ އަތޮޅާ ދެމެދަށެވެ. މެޓް އޮފީހުން ލަފާ ކުރާ ގޮތުގައި މި ދެ އަތޮޅުގެ ދެމެދުގެ ރަށްތަކަށް މިއަދު ހެނދުނު 9:15 އާއި މެންދުރު 3:15 އާ ދެމެދު ގުގުރުމާއެކު ބޯކޮށް ވާރޭ ވެހޭނެ އެވެ.
މީގެ ކުރިން މިއަދު ފަތިހު 4:15 އާއި ހެނދުނު 9:15 އާއި ދެމެދު ވެސް މެޓް އޮފީހުން ވަނީ ވައިޓް އެލާޓް ނެރެފައެވެ. އެއީ ނ އަތޮޅުން ފެށިގެން އައްޑޫއާ ހަމައަށެވެ.
ގިނަ ދުވަސްތަކެއް ވާންދެން ވާރޭ ނުވެހި އޮތުުމަށް ފަހު ރާއްޖެއަށް ވާރޭވެހެން ފަށާފައި މިވަނީ އިއްޔެ އިސްތިސްގާ ނަމާދު ކުރިފަހުން ނެވެ.
