ރައީސް ސޯލިހުގެ މެނިފެސްޓޯ: މާލެއެކޭ އެއްގޮތަށް ވިލިމާލޭގައި އުސްކޮށް އިމާރާތްކުރުމަށް ހުއްދަ ދެނީ

މާލެއެކޭ އެއްގޮތަށް ވިލިމާލޭގައިވެސް އުސްކޮށް އިމާރާތް ކުރުމަށް ހުއްދަ ދޭން އެމްޑީޕީއާ ގުޅިފައިވާ ޕާޓީތަކުގެ މެނިފެސްޓޯގައި ހިމަނައިފިއެވެ.

އެމްޑީޕީއާ ގުޅިފައިވާ ޕާޓީތަކުގެ ގްރޭޓާ މާލެ މެނިފެސްޓޯ ލޯންޗުކުރީ ކާނިވާ ސަރަހައްދުގައި މިރޭ ބޭއްވި ރައީސް ސޯލިހުގެ ބޮޑު ކެމްޕެއިން ޖަލްސާގައެވެ.

އެ މެނިފެސްޓޯ ބަހާލާފައިވަނީ މައިގަނޑު ތިން ސިޔާސަތެއްގެ މައްޗަށެވެ. އެއީ މާލީ ބުރައަކަށްނުވާ ގެދޮރުވެރިކަން، ކާރުބާރޫ ބޮޑު މަގުތަކުން މިންޖުވުން އަދި ފެންވަރު ރަނގަޅު ދިރިއުޅުމެވެ. "ފެންވަރު ރަނގަޅު ދިރިއުޅުން"ގެ ސިޔާސަތުގެ ދަށުން 30 ކަމެއް ކުރަން ރާވާފައިވެއެވެ.

އޭގެ ތެރޭގައި މާލޭ ވިޔަފާރި ބަނދަރާއި އަތޮޅު ތެރެއަށް މުދާ އުފުލާ، މުދާ އަރުވާ ބޭލުމުގެ ހަރަކާތްތައް ގުޅީފަޅަށް ބަދަލުކޮށް، އެ ސަރަހައްދުގައި ޒަމާނީ ލޯކަލް މާރުކޭޓަކާއި މަސް މާރުކޭޓަކާއި މަލްޓި ސްޓޯރީ ޕާކިން ފެސިލިޓީއަކާއި ތަފާތު އެކި މުނިފޫހިފިލުވުމުގެ ފެސިލިޓީތަކާއި ކްރޫސް ޓާމިނަލާއި ފެރީ ޓާމިނަލާއި ޝޮޕިން މޯލެއް ހަދަން ހިމަނާފައިވެއެވެ.

އަދި މާލޭގައި ހުރި ގުދަންތައް ތިލަފުއްޓަށް ބަދަލުކުރުމަށާއި ދިޔަނެރުފަޅުގައި ސަފާރީ މެރީނާ އަދި ހާބަރު ގާއިމުކުރުމަށާއި ފުނަދޫގައި ހުރި ފިއުލް ސްޓޯރޭޖުތައް ބަދަލުކޮށް، ފުނަދޫއާއި މާލެއާއި ގުޅާލައި، ފުނަދޫގައި ކޮންވެންޝަން ސެންޓަރަކާއި ޝޮޕިން މޯލް އަދި އެކި މުނިފޫހިފިލުވުމުގެ ވަސީލަތްތައް ހިމެނޭ ސިޓީ ހޮޓަލެއް ތަރައްގީ ކުރުމަށްވެސް ހިމަނާފައިވެއެވެ.

އެ ސިޔާސަތުގެ ދަށުން އިތުރަށް ހިމަނާފައިވާ ކަންކަމުގެ ތެރޭގައި ވިލިމާލޭގެ ހޮސްޕިޓަލުގެ ހިދުމަތްތައް ޒަމާނީ ފެންވަރަށް ތަރައްގީކޮށް އެ އަވަށުގައި މާލެ ސަރަހައްދުގައި އުމުރުން ދުވަސްވީ މީހުންނަށް ހާއްސަ ފަރުވާ ދިނުމަށް ގާއިމުކުރާ ފެސިލިޓީ ގާއިމުކުރުން ހިމެނެއެވެ.

ދެން ހިމެނޭ ކަންކަމުގެ ތެރޭގައި ހިމެނެނީ: