އެމްޑީޕީ، ޕީޕީއެމް އަދި ޖޭޕީއަށް މެންބަރުން އިތުރުވި އިރު، އެހެން ޕާޓީތަކުން މެންބަރުން މަދުވެއްޖެ
އަލީ ޔާމިން
ސަރުކާރު ހިންގާ މައި ޕާޓީ އެމްޑީޕީއާއި އިދިކޮޅު މައި ޕާޓީ ޕީޕީއެމް އަދި ޖުމްހޫރީ ޕާޓީ (ޖޭޕީ)ގެ ދަފްތަރުގައި ތިބި މެންބަރުންގެ އަދަދު އިތުރުވި އިރު، އެހެން ޕާޓީތަކުން މެންބަރުން މަދުވެއްޖެއެވެ.
އިލެކްޝަންސް ކޮމިޝަން (އީސީ)ގެ ދަފުތަރުގައި މި ވަގުތު ނުވަ ސިޔާސީ ޕާޓީއެއް އޮތް އިރު، އީސީން އިއްޔެ ވަނީ މިދިޔަ މަހުގެ ނިޔަލަށް ސިޔާސީ ޕާޓީތަކުގެ ދަފްތަރުގައި ތިބި މެންބަރުންގެ އަދަދު އާއްމުކޮށްފައެވެ. ދަފްތަރުން އެނގޭ ގޮތުގައި ސިޔާސީ ޕާޓީތަކުގައި ޖުމުލަ 158،167 މެންބަރުން އެބަ ތިއްބެވެ.
އޭގެ ތެރެއިން ރާއްޖޭގައި އެންމެ މެންބަރުން ގިނަ ޕާޓީއަކީ އެމްޑީޕީއެވެ. އެ ޕާޓީގައި ޖުމުލަ 58،035 މެންބަރުން އެބަ ތިއްބެވެ. އެއީ މި އަހަރުގެ ފެބްރުއަރީ 21 ވަނަ ދުވަހާ ހަމައަށް އެ ޕާޓީގައި ތިބި މެންބަރުންގެ އަދަދަށްވުރެ 375 އިތުރު އަދަދެކެވެ.
އެމްޑީޕީގެ ދަފްތަރުގައި ތިބި މެންބަރުންގެ އަދަދު އިތުރުވި އިރު، އެ ޕާޓީގެ ކުރީގެ ރައީސް އަދި ރާއްޖޭގެ ކުރީގެ ރައީސް މުހައްމަދު ނަޝީދު އިސްވެ ހުންނަވައިގެން އުފައްދަވާ ދަ ޑިމޮކްރެޓްސްއަށް އެމްޑީޕީން ގިނަ އަދަދެއްގެ މެންބަރުން ވަނީ ގުޅިފައެވެ.
މިދިޔަ މަހުގެ ނިޔަލަށް ސިޔާސީ ޕާޓީތަކުގެ ދަފްތަރުގައި މެންބަރުން ތިބި އަދަދު:
- އެމްޑީޕީ: 58،035 މެންބަރުން
- އަދާލަތު ޕާޓީ: 9،595 މެންބަރުން
- ޖުމްހޫރީ ޕާޓީ: 22،705 މެންބަރުން
- ޕީޕީއެމް: 38،831 މެންބަރުން
- އެމްޑީއޭ: 10،227 މެންބަރުން
- އެމްޓީޑީ: 30،14 މެންބަރުން
- ޕީއެންސީ: 3،139 މެންބަރުން
- އެމްއާރްއެމް: 2،892 މެންބަރުން
- އެމްއެންޕީ: 9،729 މެންބަރުން
21 ފެބްރުއަރީ 2023ގެ ނިޔަލަށް ސިޔާސީ ޕާޓީތަކުގެ ދަފްތަރުގައި ތިބި މެންބަރުން:
- އެމްޑީޕީ: 57،660 މެންބަރުން
- އަދާލަތު ޕާޓީ: 9،786 މެންބަރުން
- ޖުމްހޫރީ ޕާޓީ: 22،607 މެންބަރުން
- ޕީޕީއެމް: 38،704 މެންބަރުން
- އެމްޑީއޭ: 10،386 މެންބަރުން
- އެމްޓީޑީ : 3،016 މެންބަރުން
- ޕީއެންސީ: 3،159 މެންބަރުން
- އެމްއާރްއެމް: 2،981 މެންބަރުން
- އެމްއެންޕީ: 9،838 މެންބަރުން
ސިޔާސީ ޕާޓީތަކުގެ މެންބަރުންގެ އަދަދަށް އައި ބަދަލު:
- އެމްޑީޕީ: 375 މެންބަރުން އިތުރު
- އަދާލަތު ޕާޓީ: 191 މެންބަރުން މަދު
- ޖުމްހޫރީ ޕާޓީ: 98 މެންބަރުން އިތުރު
- ޕީޕީއެމް: 127 މެންބަރުން އިތުރު
- އެމްޑީއޭ: 159 މެންބަރުން މަދު
- އެމްޓީޑީ: 2 މެންބަރުން މަދު
- ޕީއެންސީ: 20 މެންބަރުން މަދު
- އެމްއާރްއެމް: 89 މެންބަރުން މަދު
- އެމްއެންޕީ: 109 މެންބަރުން މަދު
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
