ރައީސުލްޖުމްހޫރިއްޔާ ކުޅުދުއްފުށީ ރީޖަނަލް ހޮސްޕިޓަލަށް ޒިޔާރަތްކުރައްވައިފި

ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު، ހދ. ކުޅުދުއްފުށީ ރީޖަނަލް ހޮސްޕިޓަލަށް ޒިޔާރަތް ކުރައްވައިފިއެވެ.

ރައީސް ސޯލިހު ކުޅުދުއްފުއްޓަށް ވަޑައިގެންފައިވަނީ ތިލަދުންމައްޗަށް މިހާރު ކުރައްވަމުންގެންދަވާ މަޖިލިސް ކެމްޕެއިން ދަތުރުފުޅުގެ ތެރެއިން މިއަދު މެންދުރު 12:30 ގައެވެ.

އެ މަނިކުފާނު މިއަދު މެންދުރު ކުޅުދުއްފުއްޓަށް ވަޑައިގެން ހޮސްޕިޓަލުގެ ހާލަތު ބައްލަވައިލެއްވިއެވެ.

އަދި ކުޅުދުއްފުށީ އެއާޕޯޓް ސަރަހައްދު ބައްލަވާލެއްވުމުގެ އިތުރުން ކައުންސިލާއި ރަށުގައި ހުރި ސަރުކާރުގެ ބައެއް މުވައްސަސާތަކުގެ ވެރިންނާ ބައްދަލުކުރެއްވިއެވެ.

ރައީސް ސޯލިހަށް ކުޅުދުއްފުށިން ވަނީ ވަރަށް ހޫނު މަރުހަބާއެއް ދަންނަވާފައެވެ.