ޚަބަރު

ރާއްޖޭގެ ބޯޑާ ސެކިއުރިޓީ ވަރުގަދަކުރުމަށް ޖަޕާނުން ރާއްޖެއަށް 73 މިލިއަން ރުފިޔާގެ ތަކެތި ހަދިޔާކޮށްފި

ރާއްޖޭގެ ބޯޑާ ސެކިއުރިޓީ ވަރުގަދަކުރުމަށް ޖަޕާނުން ރާއްޖެއަށް 73 މިލިއަން ރުފިޔާގެ ތަކެތި ހަދިޔާކޮށްފިއެވެ.

ރާއްޖޭގައި ހުންނަ ޖަޕާނު އެމްބަސީން ބުނީ، މޯލްޑިވްސް ކަސްޓަމްސްގައި މިއަދު ބޭއްވި ރަސްމިއްޔާތެއްގައި އެ ތަކެތި ޑިފެންސް މިނިސްޓަރު މާރިޔާ އަހުމަދު ދީދީއާއި ކޮމިޝަނާ ޖެނެރަލް އޮފް ކަސްޓަމްސް އަބްދުﷲ ޝަރީފްއާ ހަވާލުކޮށްފައިވާ ކަމަށެވެ. އެތަކެތި ހަވާލުކޮށްދެއްވީ ޖަޕާނު އެމްބެސެޑަރު ޓެކިއުޗި މިޑޯރީއެވެ.

ޖަޕާނުން ހަދިޔާކުރި ތަކެތި:

އެއް ޓޮޔޯޓާ ވޭން
އެއް ޓޮޔޯޓާ ވެގަން
ދެ މަޒްޑާ ސެޑަން ކާރު
އަށް ހޭންޑީ ޓައިޕް ރާމަން ސްޕެކްޓްރޯމީޓަރު
ހަތަރު ކައުންޓާފެއިޓް ބިލް ޑެޓެޓޯ
ދެ މޯބައިލް އެކްސްރޭ ސްކޭނަރު
ތިން ސްޕެއާ ޕާޓްސް އޮފް އިކުއިޕްމެންޓް
އެއް ލޮޓް ސްޕެއާ ޕާޓް (މަޒްޑާ)
އެއް ބޮކްސް އަދި އެއް ވެހިކަލް ޕެލެޓް ސްޕެއާ ޕާޓްސް

މި ތަކެއްޗަކީ ރާއްޖެއާއި ޖަޕާނު ސަރުކާރާ ދެމެދު 2020 ވަނަ އަހަރުގެ މެއި މަހު ސޮއިކުރި އެކްސްޗޭންޖު ނޯޓުގެ ދަށުން ހަދިޔާކުރި ތަކެއްޗެވެ. މިއަދު ހަދިޔާކުރި ތަކެއްޗަކީ 4.68 މިލިއަން ޑޮލަރު (72.6 މިލިއަން ރުފިޔާ)ގެ ތަކެއްޗެވެ.

ޖަޕާނު ސަރުކާރުން ބުނި ގޮތުގައި އެ ތަކެތީގެ ސަބަބުން ރާއްޖޭގެ ބޯޑަރުގެ ސަލާމަތީ ކަންކަން އިތުރަށް ހަރުދަނާވެގެންދާނެއެވެ.