ރޯދަ ހަތެއް: މަސް މާރުކޭޓުގައި އެންމެ ދެ ކުރުމަސް، އެއްޗެއް 800 ރުފިޔާއަށް!

މިއަދަކީ ރޯދަމަހުގެ ހަތް ވަނަ ދުވަހެވެ. މަސް މާރުކޭޓުގައި މިއަދުވެސް ތަފާތު ވައްތަރުގެ ކަނޑުމަހާއި ފަރުމަސް ލިބެން އެބަހުއްޓެވެ. އަގުތައްވެސް އުޅެނީ ދާދި އެއްވަރެއްގައެވެ.

މަސް މާރުކޭޓުގައި މިއަދު އެންމެ ތަދު އެއްޗަކަށް ހުރީ ކުރުމަހެވެ. އޮތީވެސް އެންމެ ދެ ކުރުމަހެވެ. އެއްޗެއްގެ އަގަކީ 800 ރުފިޔާއެވެ.

ކުރުމަހަކީ ދުނިޔޭގެ ހުރިހާ ހިސާބެއްގައިވެސް އުޅޭ ގަދަ ނޫކުލައަކަށް ހުންނަ މަހެކެވެ. މިއީ ދިގުކޮށް ހިމަކޮށް ހުންނަ މަހެކެވެ.

ކުރު މަހަކީ ދިގު މަހެކެވެ. އޭގެ އަނގަ ބޮޑުއިރު، އެއްބަރިއަށް އުފެދިފައި ހުންނަ ގަދަ ދަތްތަކެއް ހުރެއެވެ. މަހުގެ ބުރަކަށިމަތީ ފުރަތަމަ ކޮތަރިބައިގައި 27-23 އާއި ދެމެދުގެ އަދަދަކަށް ހަރުކަށި ހުރެއެވެ. މަހުގެ މަތީ ބައިގަޔާއި، ބަނޑު ދަށްފަރާތުގައި ވަކިވަކިން ހުންނަ ކޮތަރި ބައިގެ އަދަދަކީ އަށެއް ނުވަތަ ނުވަ އެކެވެ. މަހުގެ މަތީބައިގެ ކުލައަކީ ގަދަ ނޫކުލައަކަށްދާ ފެހި ކުލައެކެވެ. މަހުގެ ދެފަރާތުގައި 24 އާއި 30އާ ދެމެދުގެ އަދަދަކަށް ކަޅުކުލައެއްގެ ރޮނގުތަކެއް ހުރަހަށް ދެމިފައި ހުރެއެވެ.

ކުރުމަހަކީ އާންމު ގޮތެއްގައި އަތޮޅުން ބޭރު މާކަނޑުތަކުގައި އުޅޭ މަހެކެވެ. މިއީ ހޫނު ކަނޑުތަކުގައި އުޅޭ ވަރަށް ހަލުވި މަހެކެވެ. މިއީ ދިވެހިން ކެއުމަށް ބޭނުންކުރާ އަނގަޔަށް މީރު މަހެކެވެ.

ކަނޑުމަސް: 25-30 ރުފިޔާއަށް ކިލޯއެއް ކަންނެލި: 30 ރުފިޔާއަށް ކިލޯއެއް ގޮދާ: 30 ރުފިޔާއަށް ކިލޯއެއް މާނިޔަ މަސް: 70 ރުފިޔާއަށް މަހެއް ހަންޖެއް: 75-250 ރުފިޔާއަށް މުށިމަސް: 20 ރުފިޔާއަށް ހަތަރު މަސް ދޮންމަސް: 20 ރުފިޔާއަށް ހަތަރު މަސް ރިތް މަސް: 20 ރުފިޔާއަށް ހަތަރު މަސް ރަތް މަސް: 80 ކިލޯ ރެހި ޖޯޑެއް: ދިހަ ރުފިޔާ މެދު ސައިޒުގެ ފިލޮޅެއް: 70 ރުފިޔާއަށް މެދު ސައިޒުގެ ފާނައެއް: 60 ރުފިޔާއަށް މެދު ސައިޒުގެ ތޮޅިއެއް 45 ރުފިޔާއަށް ބޯވައެއް: 150-200 ރުފިޔާއަށް ކުރު މަހެއް: 800 ރުފިޔާ