ހައްގު މިންވަރަކީ ޖަހާނެ އެޑްރެހެއް އޮތުން، ދަފްތަރެއްގައި އޮތުމެއް ނޫން: އަލްހާން
ގައުމުގެ ރައްޔިތަކަށް ވީތީ ހައްގު މިންވަރަކީ އެމީހަކު ޖަހާލާނެ އެޑްރެހެއް އޮތުން ކަމަށާއި ދަފްތަރެއްގައި ނަން ޖަހާފައި އޮތުމެއް ނޫން ކަމަށް ރައްޔިތުންގެ މަޖިލީހުގެ އިންތިހާބުގައި ޖުމްހޫރީ ޕާޓީގެ ފަރާތުން ހެންވޭރު އުތުރު ދާއިރާއަށް ވާދަކުރައްވާ އަލްހާން ފަހުމީ ވިދާޅުވެއްޖެ އެވެ.
އަލްހާން މިހެން ވިދާޅުވީ "އެއްބަޔަކު އަނެއްބަޔަކަށް،" ނަމުގައި މިރޭ އޭނާ ބޭއްވެވި ޖާފަތެއްގައި ވާހަކަފުޅުދައްކަވަމުންނެވެ.
މާލޭ ސިޓީގެ ދަފްތަރުގައި ޖަހާފައިވާ 7،700 މީހުންނަށް، ބޯހިޔާވަހިކަން ދެއްވުމަށް ރައީސް އިބްރާހިމް މުހައްމަދު ސޯލިހަށް އަލްހާން ވަނީ ގޮވާލައްވައިފައެވެ.
"އެ ބޭފުޅުންގެ އައިޑީކާޑަށް ގެއެއްގެ ނަން ނުވަތަ އެޕާޓްމެންޓެއްގެ ނަން، އުޅޭ ގެއެއްގެ ނަން އަރާވަރު ކޮށްދެއްވާށޭ. އެއީ އެންމެ މިނިމަމް، އެންމެ ދެރަ މިންވަރޭ ރައްޔިތަކަށް ލިބެން ޖެހޭ. އެންމެ އާދައިގެ މިންވަރޭ،" އޭނާ ވިދާޅުވިއެވެ.
ރައްޔިތުންނަށް އެވަރުގެ ކަމެއް ނުކޮށްދެވޭ ވަރުގެ ދައުލަތެއް ބޭނުމެއް ނުވާނެ ކަމަށް އަލްހާން ވިދާޅުވިއެވެ.
އަލްހާން ވިދާޅުވީ އާންމު ރައްޔިތުންގެ ދާއިމީ އެޑްރެސްއޭ ބުނުމުން ދަފްތަރު ނަމްބަރެއް ބުނާ ހާލަތަށް ގޮސްގެން ނުވާނެ ކަމަށެވެ.
އެފަދަ ކަންތައްތަކަކީ ސަރުކާރުން ވަގުތުން ހައްލު ހޯދަން ޖެހޭ މައްސަލަތައް ކަމަށް އޭނާ ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
