ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މިދިޔަ އަހަރުގެ މެއި ހަ ވަނަ ދުވަހުގެ ރޭ ދިން ޓެރަރިސްޓް ހަމަލާގެ މައްސަލަ ބެލުމަށް ކްރިމިނަލް ކޯޓުން އެކުލަވާލި ފަނޑިޔާރުންގެ ބެންޗު އުވާލައި، އެއް ފަނޑިޔާރަކާ އެ މައްސަލަ ބަލަން ހަވާލުކޮށްފިއެވެ.
ކްރިމިނަލް ކޯޓުގެ މީޑިއާ އޮފިޝަލް "ވަން" އަށް މިއަދު ވިދާޅުވީ، ނަޝީދުގެ މައްސަލަ ބަލަން އެކުލަވާލި ތިން ފަނޑިޔާރުންގެ ބެންޗު އުވާލީ އެ ބެންޗަށް އެންމެ ފަހުން އައްޔަންކުރެއްވި ފަނޑިޔާރު ގާޒީ ހަސަން ސައީދު ތަނާޒުލްވުމުން ކަމަށެވެ.
ގާޒީ ހަސަން ސައީދު އެ މައްސަލައިން ތަނާޒުލްވި އިރު، އެ ބެންޗުގައި ކުރިން އިންނެވި ގާޒީ އާދަމް މުހައްމަދުވެސް ވަނީ ތަނާޒުލްވެފައެވެ.
އޮފިޝަލް ވިދާޅުވި ގޮތުގައި، ކްރިމިނަލް ކޯޓުގައި މި މައްސަލަ ބައްލަވާނީ ގާޒީ ސޮފްވަތު ހަބީބު އެކަންޏެވެ.
ރައީސް ނަޝީދަށް ދިން ބޮމުގެ ހަމަލާއާ ގުޅިގެން ދައުލަތުން ވަނީ ނުވަ މީހެއްގެ މައްޗަށް ދައުވާކޮށްފައެވެ. އޭގެ ތެރެއިން މިހާތަނަށް ހުކުމްކޮށްފައި ވަނީ ބޮން ގޮއްވުމުގައި އަމަލީ ގޮތުން ބައިވެރިވި އަދުހަމް އަހުމަދަށެވެ. ކުށަށް އިއުތިރާފުވުމުން އޭނާގެ މައްޗަށް ކުށް ސާބިތުވެ، މިދިޔަ ޑިސެމްބަރު މަހުގެ 14 ވަނަ ދުވަހު ކުރިމިނަލް ކޯޓުން ވަނީ 23 އަހަރުގެ ޖަލު ހުކުމެއް އިއްވައިފައެވެ.
އެ މައްސަލައިގައި ދައުވާ އުފުލާފައިވަނީ އަނެއް އަށް މީހުންނަކީ:
- ހއ. މޮޅަދޫ/ ބަހާރުގެ، އަބްދުﷲ އަލިމަނިކު
- ހއ. ހޯރަފުށި/ އަލަނާސިގެ، މުހައްމަދު ތަސްލީމް
- ގއ. ކޮނޑޭ/ ފޮޅޭމާ، ތަހުމީން އަހުމަދު
- ނ. މަނަދޫ/ ނޫރީގޭ، އަލީ ހައިޝަމް
- މއ. ފޭރުގޭ/ މުޖާޒް އަހުމަދު
- މ. ކުދެހިގޭ/ އިސްހާގު
- އއ. މާޅޮހު/ އަސަރީގޭ މުހައްމަދު ނާޒިމް
- ގއ. ވިލިނގިލީ/ ހުދުރުވާގޭ ފަހުމީ އަލީ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
