އައްޑޫ ސިޓީ އިކުއެޓޯރިއަލް ހޮސްޕިޓަލު ކައިރީގައި ހިނގި ނުރައްކާތެރި އެކްސިޑެންޓެއްގައި އަނިޔާވި މީހާގެ ހާލު އަދިވެސް ސީރިއަސް ކަމަށް އައިޖީއެމްއެޗުން ބުނެފިއެވެ.
މިމަހުގެ ހަތް ވަނަ ދުވަހު މި އެކްސިޑެންޓު ހިނގާފައިވަނީ މަގުމަތިން ހިނގާފައި ދިޔަ މީހެއްގެ ގައިގައި ކެރޭން ލޮރީއަކުން ޖެހިގެންނެވެ. އެކްސިޑެންޓުގައި އަނިޔާވީ ހިތަދުއަށް ނިސްބަތްވާ މުހައްމަދު އަހުމީމް ނަމަކަށް ކިޔާ އުމުރުން 40 އަހަރުގެ މީހަކަށް ކަމަށް މައުލޫމާތު ލިބެއެވެ.
އެނގިފައިވާ ގޮތުގައި ލޮރީން ޖެހުމުން އެމީހާ ބިންމައްޗަށް ވެއްޓުނެވެ. އެ ވަގުތު ލޮރީ އެމީހާގެ ގައި މަތިން ދިޔަ އެވެ.
އައިޖީއެމްއެޗުގެ މީޑިއާ އޮފިސަރު "ވަން" އަށް މިއަދު ވިދާޅުވީ އެކްސިޑެންޓުގައި އަނިޔާވި މީހާއަށް އައިސީޔޫގައި ފަރުވާދެމުން އަންނަ ކަމަށެވެ. އެމީހާގެ ހާލު ސީރިއަސް ކަމަށާއި މިހާރު އެމީހާ އޮތީ ވެންޓިލޭޓަރުގައި ކަމަށްވެސް ވިދާޅުވިއެވެ.
އެކްސިޑެންޓުގައި އަނިޔާވުމުގެ ސަބަބުން ފަރުވާ ދެމުން އަންނަ އަހުމީމުގެ ބޮލުގެ ނާށިގަނޑުގައި ރެނދުލާފައިވާ ކަމަށާއި އަދި ބޮލަށްވެސް ގެއްލުންވެފައިވާ ކަމަށް އައްޑޫ އިކުއެޓޯރިއަލް ހޮސްޕިޓަލުގެ މީޑިއާ އޮފިސަރު ވަނީ ބުނެފައެވެ. އަދި އޭނާގެ ފުއްޕާމެއަށާއި ހަށިގަނޑުގެ އިތުރު ތަންތަނަށްވެސް އަނިޔާވެފައިވާ ކަމަށް އޮފިސަރު ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
