ޚަބަރު

ދިހަ ފަރާތަކަށް ރެހެންދި އެވޯޑް ދެއްވައިފި

މިއަހަރުގެ ރެހެންދި އެވޯޑް 10 ފަރާތަކަށް ދެއްވައިފިއެވެ.

މިއަހަރުގެ ބައިނަލްއަގުވާމީ އަންހެނުންގެ ދުވަސް ފާހަގަކުރުމުގެ ގޮތުން ކ. މާފުށީގައި މިއަދު ބޭއްވި ރަސްމީ ޖަލްސާގައި އެވޯޑް ހާސިލް ކުރި ފަރާތްތަކަށް ބްރޫޗު ހަވާލުކޮށް ދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އަނބިކަނބަލުން އަދި ފަސްޓްލޭޑީ ފަޒްނާ އަހުމަދެވެ.

އެފަރާތްތަކަށް ޝީލްޑް ހަވާލުކޮށްދީފައިވަނީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.

މިއަހަރު ރެހެންދި އެވޯޑް ލިބުނު ފަރާތްތައް:

އާމިނަތު މުހައްމަދު، ދަފްތަރު ނަމްބަރު 3204، ދާއިރާ: ދާއިރާއަށް ކޮށްދީފައިވާ ހިދުމަތުގެ ދާއިރާ
އާއިޝަތު ނާޒިމާ، ހ. ކޮޔާ، ދާއިރާ: އިޖްތިމާއީ
މަރިޔަމް ޝިފްޒާން، މ. ހިޔާލީގުލްޝަން، ދާއިރާ: އަންހެނުން އާންމުކޮށް ނޫޅޭ ދާއިރާއި ނުވަތަ ނަން ޓްރެޑިޝަނަލް ރޯލްސް ދާއިރާ
މުއުމިނާ އާދަމް، ގ. ހާފްސީ، ދާއިރާ: އިޖްތިމާއީ
އާއިޝަތު ލޫބާ، ހުޅުމާލެ ފްލެޓް/ 122-03-02، ދާއިރާ: އިޖްތިމާއީ
ސޮސައިޓީ ފޯ ހެލްތު އެޑިއުކޭޝަން، އެމްޕޮލޯޔާސް ދާއިރާ
އާމިނަތު އަޒްކާ އާދިލް، ދިގުވާނޑު ރޭވަން، ޏ. ފުވައްމުލައް، ދާއިރާ: އަންހެނުން އާންމުކޮށް ނޫޅޭ ދާއިރާއި ނުވަތަ ނަން ޓްރެޑިޝަނަލް ރޯލްސް ދާއިރާ
އަމީނާ އަލީކަލޭފާނު، އަތިރީގެ، ގދ. ގައްދޫ، ދާއިރާ: އިގްތިސޯދީ
އާއިޝަތު ޝިރުހާނާ، ހ. ބޮންތި، ދާއިރާ: އިޖްތިމާއީ ދާއިރާ
ނަސްރީނާ އަލީ، ދަފްތަރު ނަފްތަރު 3257، ދާއިރާ: އަދާކުރާ ދާއިރާގެ ގޮތުން ނުވަތަ ދާއިރާއަށް ކޮށްދީފައިވާ ހިދުމަތުގެ ދާއިރާ

ރެހެންދި އެވޯޑަކީ ގައުމީ ހިދުމަތަށާއި، އަންހެނުންގެ ކުރިއެރުމާއި، މުޖުތަމައަށް ފައިދާހުރި ހިދުމަތް ކުރާ އަންހެންބޭފުޅުން ފާހަގަކޮށް އަގުވަޒަން ކުރުމުގެގޮތުން ދެމުން އަންނަ އެވޯޑެކެވެ.

ގައުމީ ހިދުމަތުގައި މަސައްކަތް ކުރާ އަންހެނުންނަށް ހިތްވަރު ދީ އެމީހުންގެ އަގު ވަޒަންކުރުންވެސް މި އެވޯޑް ދިނުމުގެ މަގުސަދުތަކުގެ ތެރޭގައި ހިމެނެ އެވެ.

ރެހެންދި އެވޯޑް ދޭން ފެށާފައިވަނީ 2014 ވަނަ އަހަރުން ފެށިގެންނެވެ. ހުސްވި 2018 ވަނަ އަހަރު ތިން ފަރާތަކަށް ރެހެންދި އެވޯޑް ދީފައިވެ އެވެ.