"އިންތިހާބުގައި ކޯލިޝަނުގެ މެދުގައި ވާދަވެރިކަން އިތުރުވެއްޖެއްޔާ ވޯޓުތައް ބައިބައިވެ، ފުރުސަތު ކުޑަވާނެ"
ރައްޔިތުންގެ މަޖިލީހުގެ އިންތިހާބުގައި ސަރުކާރުގެ ކޯލިޝަންގެ މެދުގައި ވާދަވެރިކަން އިތުރުވެއްޖެ ނަމަ ވޯޓުތައް ބައިބައިވެ ދާއިރާ ކާމިޔާބު ކުރުމުގެ ފުރުސަތު ކުޑަވެގެންދާނެ ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
ރައީސް މައުމޫން މިހެން ވިދާޅުވީ މިރޭ ދަރުބާރުގޭގައި ރައީސް މައުމޫންގެ ތާއީދާއެކު އިންތިހާބުގައި ބައިވެރިވާ ފަރާތްތައް އާންމުކޮށް "މާއްދާ 4" ކެމްޕެއިން ރަސްމީކޮށް ލޯންޗުކުރުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
"އަޅުގަނޑުމެންނަށް ކުރީން އެއްބަސްވެފައިވާ ގޮތަށް ކޯލިޝަންގެ ހަތަރު ޕާޓީގެ މެދުގައި ހަމަޖެހޭ އުސޫލަކުން ރައްޔިތުންގެ މަޖިލީހުގެ ގޮނޑިތައް ބަހާލައިގެން އިންތިހާބާ ކުރިމަތިލެވުނު ނަމަ ވަރަށް ރަނގަޅު ވީސްކަމުގައި ދެކޭ ވާހަކަ،" އެމަނިކުފާނު ވިދާޅުވިއެވެ.
މައުމޫން ވިދާޅުވީ އިންތިހާބުގައި ކޯލިޝަނުން އެއް ދާއިރާތަކަށް ވާދަކޮށް މަޖިލީހުގެ އިންތިހާބުގައި ކުރިމަތިލި ނަމަވެސް އެމްއާރުއެމް އޮންނާނީ ކޯލިޝަނާއެކުގައި ކަމަށެވެ.
އެގޮތުން ގައުމުގައި ހަލަބޮލިކަމެއް އުފައްދަން ބޭނުން ނުވާ ކަމަށާއި ފާއިތުވި ފަސް އަހަރުގެ ތެރޭގައި ގައުމު ވަނީ ހަލަބޮލިވެގެން ގޮސްފައި ކަމަށްވެސް އެމަނިކުފާނު ފާހަގަކުރެއްވި އެވެ.
އެމަނިކުފާނު ވިދާޅުވީ ސަރުކާރުގެ ކޯލިޝަން އުފައްދާފައިވަނީ ގައުމީ މަސައްކަތްތައް ކުރުމަށް ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
