ޚަބަރު

މި އަހަރު ރާއްޖެ އައި ފަތުރުވެރިންގެ އަދަދު ނުވަ ލައްކައަށް

މުހައްމަދު އިޝާން

މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު ނުވަ ލައްކައަށް އަރައިފިއެވެ.

ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާ ގޮތުން، މިއަހަރުގެ މިހާތަނަށް ރާއްޖެއަށް 900،808 ފަތުރުވެރިން އައިސްފައިވެއެވެ. މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 572,123 ފަތުރުވެރިންނެވެ.

މި އަހަރުގެ މިހާތަނަށް އެންމެ ގިނަ ފަތުރުވެރިން ރާއްޖެ އައިސްފައި ވަނީ އިންޑިއާއިންނެވެ. އެ ގައުމުން 132,151 ފަތުރުވެރިން އައިސްފައިވެއެވެ.

އެންމެ ގިނަ ފަތުރުވެރިން ރާއްޖެ ޒިޔާރަތްކުރި ގައުމުތައް:

އިންޑިއާ - 132,151 ފަތުރުވެރިން
އިނގިރޭސިވިލާތް - 104,667 ފަތުރުވެރިން
ރަޝިއާ - 94,151 ފަތުރުވެރިން
ޖާމަނީ - 73,118 ފަތުރުވެރިން
އިޓަލީ - 51,850 ފަތުރުވެރިން
އެމެރިކާ - 43,653 ފަތުރުވެރިން
ފްރާންސް - 31,024 ފަތުރުވެރިން
ސުވިޒަލޭންޑް - 21,619 ފަތުރުވެރިން
ސައުދީ އަރަބިއްޔާ - 19,982 ފަތުރުވެރިން
ސްޕެއިން - 18,8602 ފަތުރުވެރިން

ޓޫރިޒަމް މިނިސްޓްރީން ބުނީ، މިއަހަރު އެވްރެޖުކޮށް ދުވާލަކު 4,482 ފަތުރުވެރިން ރާއްޖެ އައިސްފައިވާ ކަމަށާއި އަދި އެ ފަތުރުވެރިން އެވްރެޖުކޮށް އަށް ދުވަސް ރާއްޖޭގައި ހޭދަކުރާ ކަމަށެވެ.

މިދިޔަ އަހަރު ރާއްޖެއަށް 1.3 މިލިއަން ފަތުރުވެރިން ޒިޔާރަތްކުރި އިރު، ސަރުކާރުގެ އަމާޒަކީ މިއަހަރު ރާއްޖެއަށް 1.6 މިލިއަން ފަތުރުވެރިން ގެނައުމެވެ.